عرض للطباعة
السلام عليكم
كيفكم
بخير
هذا اول موضوع لي
في هذا المنتدى الاكثر من رائع
و هو عبارة عن استشارة
عن انوار الهوندا لموديل 2004
وش تنصحوني
بالزينون ولا كشافات
بس فيه مشكلة في الكشافات لانه لازم حفر
و الي يرد
ياليت يوضح ليش اختاره والسعر و افضل مكان
و لكم مني افضل الشكر
ـ ـ ـالهنادي قراري ـ ـ ــ
وين الردود
اجوكم انصحوني
والله شوف حبيبي
أذا تبي تركب أنوار معدل تراني ركبت وندمت كل شوي تنحرق علي
وأذا تبي تحط كشافات والله أنها راح تخرب عليك الوجهيه
نصيحة لا تحفر ولا تخرم تبي تلعب بسيارتك
روح التشليح واشتر صدام وحق الوكالة اللي عندك خلك يفيدك
خذ قاعدة شي وكالة ينلعب فيه مستحيل يرجع نفس الوكالة
مشكور اخوي اغار يا هوندا
بس انا معك و متأكد ان الزينزو بيلعب بالكهرب الي في السيارة
و الكشافات كم تكلف و افضل مكان اشتريها منه
و الزينون اتوقع انه يختلف من شركة
بخصوص الزونون صراحه غير حيده عشان تزعج من هو امامك :)
والكشافات حلو بس الطريقه يفيدونك الشباب
للرفع
مشكور اخوي بريق الصحوة
بس انا اذا بغيت احط الزينون منيب حاط القوي الي يزعج الي قدامك
و الكشافات كم سعرها ما شفت احد حط السعر
انشاء الله يفيدونك الاعضاء
عندك محجوب اعتقد معه 2004 او 2005
اكيد عنده جواب لسؤالك
الزينون
وركب صدام 2006 يركب على طوال وركب معهن الكشافات
وفيه ناس في المنتدى مركبين صدام 2006
وشكراااا
بخصوص الكشافات تحصلهم عند كاكاشي
http://hondaarabia.com/club/showthread.php?t=17239
شوف سيارتي بالتوقيع 2004 مع صدام 2006
صراحه الكشافات حلوه إذا انت ما عندك نيه تركب زنون صراحه تطلع روعه مع النور الأصفر بس نصيحه خذ كل شيء أصلي أضمن لك أنا اللي عندي تجاري الصدام و الكشافات بعد ولو تشوف نور الكشافات واحد طالع فوق والثاني نازل تحت علشان كذا زود 200 إلى 300 وخذ كل شيء أصلي
اشكر كل من رد على الموضوع
و بالاخص Classic Design
بس ياليت توضحون عن الزينون لانه بيطلع روعة مع لون سيارتي
^^سوي بحث وتلقى مواضيع كثيرة عن الزينون^^
السلام عليكم
نصيحة ياخوي ... وش لك بالزنون وبوجع الراس .. كل يوم مشكلة وعلى قولتهم اسأل مجرب ... مرة يصير لون شمعة يختلف عن الثانية ومرة يحترق ومرة ينقطع واير وانواع المشاكل ... صدقني خلك على نور شدبلد ابرك مليون مرة .. :d
بالنسبة للكشافات ... ما قصر معاك الاخ كلاسك دزاين .. بس في ملاحظة .... أخوي كلاسيك ترى الكشافات حتى التجارية لها وزنية ترتفع وتنزل ... يبغا لك ترفع مقدمة السيارة شوي عن الارض ودخل راسك تحت الصدام وراح تشوف برغي في الكشافات من تحت مقابل الارض وهذا فايدته انك ترفع وتنزل في الكشافات على راحتك ;)
اقتباس:
المشاركة الأصلية كتبت بواسطة محجوب
اشكرك اخوي
محجوب
بس انت قد ركبت زنون و اتعبك من اي ناحية
و اذا بغيت اركب كشافات تقريبا كم السعر
في كل الحالات
زنون
لانه اوضح من الاصفر .... اصلا انا ما اشوف الاصفر لانه طول عمري اسوق بالزنون ( من يوم ما شريت الاكورد ) :)
و بالنسبة للكشافات
الله لا يهينك اطمر اشتري صدام 06 تجاري او اصلي بـ 700 ريال و رشة و ركب عليها الكشافات + الشبك ... و كذا انت طبقت واجهت 06
سلام
اقتباس:
المشاركة الأصلية كتبت بواسطة الهنادي قراري
أنا ركبت 4 انواع زنون ..
الأول : بعد مدة صارت كل شمعة لونها غير عن الثانية .. واحد ثلجي وواحد مزورق :eek:
الثاني : ركبته ووقفوني في نقطة تفتيش وصادره العسكري :mad: يقول ممنوع الزنون
الثالث :مركبه على العدسات وأكثر من مرة يحترق المحول واغيره .. وألحين صاير اللون مختلف نفس حكاية الزنون الاولي
الرابع : كان ممتاز ولونه حلو وقوته رووعة ... لكن فجأة لقيت فيه واير منقطع وخرب علي .. :mad:
وان شاء الله في اقرب فرصة راح ارجع للنور الاصفر لأنه اريح للبال ولا فيه مشاكل
بالتوفيق ..
الحـــــل
للكشافات والشمعات
مالك إلا >>> بديل الزينون
من عند أكورداوي
وبالنسبة للكشافات لا تخرم ولا تحفر
ركب صدام 06 احسن واوجه
وهذا انا اللي ناوي اسويه هالشهر بسيارتي
اقتباس:
المشاركة الأصلية كتبت بواسطة محجوب
يعني تنصحني اني ما احط
و يمكن لانك تشغله و طفيه واجد
خرب
انا احتمال كبير اطلع و ادور
و نشوف
اقتباس:
المشاركة الأصلية كتبت بواسطة tha power 220
وشو بديل الزينون
و ووين القاه
ارجو الرد
انا ركبت زينون على سيارتي وجلس يمكن شهر وفكيته بس صراحه نور الوكاله احلى بكثييييييييير
ليش فكيته
^^^^^^اقتباس:
المشاركة الأصلية كتبت بواسطة محجوب
:cool:
مع ان الزنون عندي مش من النوع المزعج ولا ركبت له كتاوت وحتى الحين لي أكثر من سنة ونص مركبة وموقفني المرور مرتين في نقط تفتيش ... ونفس الزنون بالضبط على موتر اخوي لومينا وكل ماطلع خط لازم يدردش شوي مع أمن الطرق بسبه الزنون .
والشي الثاني بعد الأستخدام سنة ونص بدأت الشمعه اللي على اليسار ترتعش وتقطع حتى اني فكرت ارجع الشمعات الأصلية اليوم الفجر .. وشكلي اليوم برجعهم بنص الليل .. طابت النفس من الزنون ومشاكله.
اقتباس:
المشاركة الأصلية كتبت بواسطة المباشر
حبيبنا واجهت مشاكل من ناحية الكهرب
و ياليت تردوم وش بديل الزنون
أخوي ... أنا واضح جدا من كلامي أني أنصحك ما تركب .... لكن انت شكلك مصر تبغا تركب .... اذا فعلا مصر ركب وجرب يمكن يظبط معاك .. لكن انا مجرب وغيري مجربين والمثل يقول لك اسأل مجرب ولا تسأل خبير ... وانت وراحتك ... اذا بتركب خلاص ومقتنع بس عندي لك نصيحة حاول تشوف لك نوعية كويسة ولونه حلو وابعد عن النوعيات التجارية ابو كلب ابو 250 ريال لأن هذي النوعيات راح تأذي عيشتك أكيييييد ما يبيلها كلام ..
وبالتوفيق ..
انا مافكرت اشيل الزنون عشان مشاكل واجهتها ولا شي ... لا - والأسباب كانت كالتالي
1- طابت النفس من الزنون خلاص - وبعدين أشوف اكورد في كل مكان والنور عنده الأصلي طالع حلو شكل الموتر - وغير كذا مالي خلق اتعب نفسي اذا ركبت شمعه جديدة ولونها يختلف ياشيخ بقعد طول الوقت موسوس بخصوص الشمعات ولونها المختلف
2- جلست افكر بموضوع علبة الفيوز وخرابها اللي يشتكي منه الكثير فكرت يمكن من الزنون ويمكن من شي ثاني ويمكن عيب تصنيعي ويمكن ويمكن وقلت انا وش لي ووجع الراس شيل الزنون وخلها طبيعية وتوكل على الله
3- مالي خلق ونشبة المرور ولا أمن الطرق مع اني متأكد ان بجي يوم بينزل قرار حجز المركبات اللي عليها زنون غير اصلي او شد بلد من الوكالة. مثل ماهو حاصل حاليآ عندنا بحجز المركبات اللي عليها دبات صوت ومثل ماصار سابقآ بخصوص الكشافات الغير اصلية والتنزيل والترهيم والتضليل والشماغ والنظارات والدخان والسهر والبلاي ستيشن وبايسن <<< كأنه طلع عن الموضوع وقام يخبط :aa_6ma6:
والصور بالمرفقات بالنور الأصلي : فكيت الزنون اليوم وخلصنا منه