عرض للطباعة
السلام عليكم و رحمة الله و بركاته
كيف الحال شباب...
ندخل بالموضوع ...
انا معي اكووورد 2004 و صار حادث بس من زماان و الورشه لاعب بالسياره لعب
و الحين لمبه المكينه مولعه و لمبه الارباق مولعه و اي بس اس مولع و السياره ترج رج غير طبيعي
و ان وقفت يطلع صوت في الجهه اليمنى من عند الكفر او من الزاويه اليمنى ان وقت و ان ريوست يطلع صوت اقوى بكثييييييييييييييير
و فيه مشكله ثانيه القفل حق السواق ما يفتح بالرموت و النور لا يرتفع ولا ينزل يقول ناقص الميزان ما ادري وش والله بس الدينمو موجود
و شكرا.........
أستفد من حملة الفحص المجاني
(( حصريا وعلى نادي محبي هوندا مواعيد حملة الفحص السنوي المجاني ))
طبعا ً الوكالة راح يفحصون كل السيارة وراح يطلعون كل المشاكل إلي بالسيارة
انت إذا عرفت وش المشكلة بالضبط
أشتر القطع إلي لازم تتصلح وروح أقرب ورشه وصلحها عنده
أو تصلحها بالوكالة
مع العلم انهم راح يعطونك خصم 20% على أجور اليد مع القطع
لك حرية الأختيار ! !
كنت كاتب لك تفاصيل كثيرة ويوم جيت ابعتمد الرد تصادف ان شركة الاتصالات الغبية فصل الـ dsl حقهم الله يقطعهم ،،،
وكان جزء من اللي كتبتة ( واذا بغيت يجيك احباط رح يم الفحص المجاني ولك مني وعد تطلع القطع وشغل اليد فوق 11.000 ريال ) ..
ان شاء الله ارجع من المعهد واكتبة مرة ثانية ،،،
على العموم انت الحق على الفحص المجاني ع الاقل تعرف وش اللمطلوب لسيارتك ،،،
يعطيكم العافيه شباب ما قصرتوا
بس الفحص لازم اخذ موعد منهم و لا اروح على طوول
تحياتي..
اقتباس:
المشاركة الأصلية كتبت بواسطة king
أنا أعرف لك خراب الباب هو إنك تذهب للوكالة وتطلب قطعة إسمها (سنتر لوك)
قيمتها قبل الخصم 450
ومع الخصومات الجديدة مدري وشلون راح تكون به
اقتباس:
المشاركة الأصلية كتبت بواسطة elnino
روح على طول ما يحتاج موعد
وخبرنا ايش يصير معك
وبالتوفيق يارب
اهلا ..
ما رحت الوكاله رحت لورشه و رفع حق الضغط و الصوت راح بس الباقي للحين ...
الوكاله بيطلعون لك اشياء ماله داعي تغيرها
و السياره ما تسوى
تحياتي..
^^ بكرة اخر يوم للفحص المجاني ^^
بدون موعد وماياخذ اكثر من نص ساعة ،،
انا ما قلت لك رح افحص وصلح بالوكالة لأن تكالفيك على اقل تقدير تاخذ فوق 10،000 بالراحة مع شغل اليد ،،
افحص ويعطونك ورقة فيها كل القطع المطلوبة ، ثم رح قطع الغيار وش اسعارها واذا كنت مروق رح للمهندس يقولك اسعار التركيب ثم لا توريهم وجهك والورقة تظل معك ،،
------ الحق عليهم ------
لمبة المكينة ولمبة الـ abs هذي يبيلها فحص كمبيوتر عشان تشوف وش الحساسات الخربانة ثم تشتريها من التشليح وتركبها وتطفى اللمبة واذا ما طفت ارجع لمحل الفحص بالكمبيوتر يشوف والمشكلة من جديد يمكن تحتاج لبرمجة ما تاخد ربع ساعة .
لمبة الايرباق اذا كانة طالع على خبري ما تطفى الا بأصلاح الايرباق وحساساتة ،، والطريقة اذا منت مصلحها يفكون الطبلون ويسون فلم في اللمبة حقت الايرباق ،، ابو عزوز يفيدك اكثر ،،،
الصوت اللي في الكفر اتوقع انة الرمان بيلي ،،،
قفل الابواب عندك السنتر لوك خربان ،، الاصلي غالي ويخرب ،، التجاري رخيص وصوتة عالي اذا فتحت الباب بس انة يصبر اكثر من الاصلي ،
وزنية النور دام عندك قطعة ناقصة ما راح ينوزن <<< باللهي ! ركب القطع الناقصة والامور تصير بخير ،،
على العموم ،، انصحك بهالورشة بالرياض ،، شغلهم تمام واغير كل شي عندهم من المسمار لين المكينة ،،
وانت بطريق العروبة متجة غرب يعني راح جهة مستشفى العروبة والمملكة وراك ،،
بيجيك تقاطع تركي بن عبد العزيز الاول ،،
اطلع يسار
بتجيك اشارة
رح سيدة وخلك ماسك اليمين
ثاني مدخل خش معة يمين تمشي اقل من 20 متر تلاقي ورش هوندا على يمينك ونفس الوقت قدامك <<< ( بتوضح اذا وصلت هناك )
رح للورشة رقم 20
عندهم كل شي الا فحص الكمبيوتر ..
تحياتي لك ،،
يعطيك الف الف عافيه اخوي ما قصرت ....
كفيت و وفيت ...
كبير والله..
تحياتي.