عرض للطباعة
السلام عليكم يالربع
بشتري هوندا 2008 ان شاء الله, ماشية حوالي 30000 و ستاندرد, 4 سلندر, قير توماتيك وقزاز كهرب...
كم تسوى؟
ووين تنصحوني افحصها, في الوكالة ولا في مكان ثاني تنصحون فيه؟
واذا ابي افحصها في الوكالة, كم تكلف , وهل يبي لها موعد, وكم الوقت اللي ياخذه الفحص؟
الله يخليكم يالربع جاوبوني بسرعة
دمتم سالمين
بالله عليكم يا اخوان جاوبوني بسرعة.....
اتوقع سعرها حدود 60
فحص الكتروني وميكانيكي افحصها في الوكاله وفحص بدي وبويه افحصها بره احسن
اذا سياحي بــ65الف بمعرض بريده انا وقف عليها اما اذا كانت سبشل سعرها بي 75 الف لو تركد تحصل بي 72 الف
السلام عليكم
سؤال اخووي عجزت انساك
السيارات اللى تقول مستعمله ولا جديده واذا كانت مستعمله كم ماشيه
أخوي كل الأكورد قزازها كهرب حتى أقل نوع:rolleyes:
مبروووك عليك الموتر
بالنسبه لسؤالك
الفحص بالوكـاله على مااعتقـد بـ 500ريال
او افحصهـا عند ساسكو بـ 250 فحص الكتروني مدري شـامل
وبالنسبه للسعـر من 60الف وعليهـا
ونصيحه خذلك سبشل احسن من السيـاحي
تحيتي
وعليكم السلام ورحمة الله وبركاته ..
بالنسبه للسعر ماعندي علم
بس الفحص إذا أنت بالرياض فيه ورش متخصصه بالفحص
بالنسيم فيه بشارع عبدالرحمن بن عوف إذا دخلت من خريص على شارع عبدالرحمن بن عوف يصير الحراج والمعارض على يمينك أول يوتيرن وبعدين تجيك الورشة قبل معرض الوهبي يشيك عليها مصري وفلبيني بـ 300 ريال بدي مع مكينه وقير ويطلع الفني معك يجربها ويعطيك برنت كامل عن المحركات من فحص الكمبيوتر مجربها وبعد ماتوكلت على الله وشفت فحصهم شريت الموتر
الشفا إذا أنت داخل للمعارض من الشارع اللي فيه تحويلات (مدري وش أسمه بالضبط) تجيك المعارض على يمينك ويسارك أول إشارة يمين يجيك المحل على اليمين لوحته صفراء أظن .. العمال فلبينين وجيدين بالحيل دخلت عندهم أكورد سبيشل وعلموني وش فيها من سمكره و برنت عن المكينه
وإذا أنت خارج الرياض بتلقى أكيد عند أي حراج ورش متخصصه بالفحص أسأل عنها
توكل على الله الهوندا كويسه :)
اقول ترا في واحد عارض اكورد سبيشل اسود 2008 بـ 68.000 الف ريال بالدمام :)
الله يوفقك