كمبيوتر السيارة وال(أر بي إم)

السادةأعضاء المنتدى المحترمين
السلام عليكم ورحمة الله :cool:

يا أخوان أنا عندي سيارةأكورد موديل 2000 قيرعادي ، وال(آر بي إم ) عندي يفصل على 6.5(6500 دورة في الثانية)
والمعروف إنو إلي يتحكم في ال(آر بي إم ) ويخليه يفصل على هذا الحد ،هو كمبيوتر السيارة .:mad:



أنا ودي أعرف:

• ايش الحل عشان أخليه يفصل مثلاعلى 7.5 أو8 ؟
• هل في بروقرام ينزل علي الهوندا عموما ؟ وعلى هذا الموديل خصوصا ؟
• هل يوجد كمبيوتر رياضي لهذي السيارة ؟

أرجو المساعدة من أصحاب الخبرة بإفادتي وإفادة أعضاء المنتدى بخصوص هذا الموضوع. وشكرا. :confused:

ملاحظة:
أنا على علم بأن هذي الحركة بتقلل من العمر الإفتراضي للمكينة بشكل كبييير.
لكن أنا أبغى أزيد عزم سيارتي بهذي الطريقة .

أهلين أخوي ASD :
طبعا الحل مثل ما تفضلت في البروجرام , بروجرام السيارة لازم يتغير , لكن هو غير متوفر هنا عندنا بجدة و محد بيطلبه لك , لأن غالبا المحلات تكون على تواصل مع شركات تجيب منها القطع , و أنا ما شفت عندنا بجدة محلات يتعاملوا و يجيبوا قطع خصوصا للأكورد , قطعها قليلة و نادرة لكن لموديلك في قطع كثير متوفرة .

في أكورد موديل 2002 هي المزودة تزويد صح .
السيارة 4 سلندر عليها H22A و هيدرز و إكزوست و إنتيك و برمجة , و مستوى السيارة جدا رائع , لدرجة إنه يمسك مع أوريون من الـ صفر إلى الـ 200 كلم , ما شالله تبارك الله .

من ناحية الـ RPM في فكرة لازم أوضحلك هيّا ....
غالبا الـ RPM لما يدخل للمنطقة الحمراء راح يضعف العزم بصورة ملحوظة , تقدر تروح للورش و تطلب منهم يفكون لك الـ RPM لكن خذ في بالك إنك راح تطيح العزم أكثر مما ترفعه مع مرور الوقت .
و لو تقرأ و تلاحظ في مجلات السيارة و لنفترض مثلا الأكورد موديل 2003 - 2007 , من ناحية العزم السيارة تستخرج كامل عزمها على سرعة دوران 6400 RPM فلو زاد هذا الرقم العزم راح يبدأ ينزل و يطيح و يمكن لاسمح الله على المدى البعيد المكينة تضرب و تنتهي .

و عندك كمان حتى البروجرام المشهور على الهوندا و هو الأبيكسي ما في أحد موزنه صح هنا بجدة , لدرجة إن واحد صاحبنا مركب على أكورد هيدرز و إكزوست و إنتيك و ركب الأبيكسي على أكورد موديل 2004 , و بسبب سوء البرمجة و تعقيد كومبيوتر الأكورد السيارة نزلت قوتها إلى 97 حصان فقط . رغم إن السيارة ستوك قوتها 133 حصان .
و للعلم , الكومبيوتر الرياضي الأفضل حاليا هو الـ F Con لكن سعره 7000 ريال واصل إلى هنا , طبعا سعره جدا مرتفع و ما راح تستفيد منه إلا إذا كنت مزود السيارة أصلا .

أتمنى تكون وضحت الفكرة و ياليت ما تتهور و تفك الـ RPM لأنك راح تضر العزم و تطيحه .

اخوي اذا تبي اتزيد عزمها

اولا شي افحص السيارة كامل يعني جيك على كل القطع الي تحتاج تغير مثل البلكات وتغير الفلتر والزيت ومن هذا القبيل الشياء الي تستهلك بسرعة وتحتاج الى تغير باستمرار


وثاني شي ومهم هذا شي قبل لا تطيف اي قطعة او اتزود اي سيارة او اتفك اي قطعة حق اتزيد عزما

(لازم ادخلها على الداينو dyno الي يفحص سرعة السيارة والعزم مالها ويشوف اليك شنو سبب الضعف)

مثل الي بالصورة

http://www.motoringfun.com/images/po...0526-dyno2.JPG

واحيانا يكون ضعف العزم من عدم دخول الهواء او الوقود الى المحرك بشكل منتظم

فافضل قبل لا تخظوا اي خطوة ادخلها على الداينو والموظف الي هناك بينصحك في شنو اضيف او اتعدل

اما اذا بتضيف بشكل عشوائي بتخسر فلوس وبتضعف سيارتك

واتمنى اني ساعتك

[quote=ACCORD 764;217495]

مشكور اخوي ACCORD 764 على ردك ومعلوماتك المفيدة.

لكلامك ياخوي ACCORD 764 :
(أتمنى تكون وضحت الفكرة و ياليت ما تتهور و تفك الـ RPM لأنك راح تضر العزم و تطيحه .)
معليش يا أخوي ACCORD 764 لكن أنا مصر إني أجرب ،لأن على حسب علمي إنو الـ RPM يفك عن طريق الكمبيوتر. وأنا أبغى أجرب فترة وبعدين أشتري كمبيوتر من التشليح سألت عن سعرو حدود350 _400 ريال.
أما بالنسبة لعمر المكينة فلا أخفيك سرا ;) أنو المكينة مغيرة ومركب وحدة مستعملة وهي تحت الضمان لمدة شهر وفيها تبويش خفييييف (يعني المكينة كذا ولاكذا راح تتغير على الضمان) فأنا أبغى أستغل الفرصة وأجرب .

(تقدر تروح للورش و تطلب منهم يفكون لك الـ RPM لكن خذ في بالك إنك راح تطيح العزم أكثر مما ترفعه مع مرور الوقت .)

ياريت تقلي على الورش إلى يفكوو.

(في أكورد موديل 2002 هي المزودة تزويد صح .

السيارة 4 سلندر عليها H22A و هيدرز و إكزوست و إنتيك و برمجة , و مستوى السيارة جدا رائع , لدرجة إنه يمسك مع أوريون من الـ صفر إلى الـ 200 كلم , ما شالله تبارك الله .)
هذي الخطوة الجاية إلي أبغى وأتمنى إني العبها ،وفكرت فيها لأكثر من مرة لكن ماكنت محصل الشخص إلي عندو خلفية دقيقة في الموضوع .
أتمنى أعرف تكلفتها بالتفصيل طبعا إذا مافي كلفة ولا تعب عليك لأني بصراحة الظاهر إني زودتها. :o
أتمنى تفيدني من حيث تكلفة :_

(المكينة _الكمبيوتر_الضفيرة_البرمجة....إلخ)

• هل أحتاج عكوس ولا لأ؟
• هل البرمجة مكلفة ولا لأ؟
• وقد إيش يفرق دور البرمجة في العزم؟
• وفين ممكن أحصلها بأقل الأسعار؟
• هل في مبرمجين في جدة ؟
• وإذا أطلع برة جدة عشان أوفر أنا مستعد .

مشكووور ياخوي ويعطيك ألف عافية.

[quote=MOHAMMED SS;217515

أخوي MOHAMMED SS مشكور على إهتمامك :cool: وعلى المعلومة الجديدة علي [COLOR=red]بخصوص الداينو[/color]
لكن ياخوي بالنسبة لعزم سيارتي ولله الحمد ممتاز وما في ضعف وبالنسبة لفحص السيارة وصيانتها الحمد لله مهتم فيه وكل شي مغير أول بأول :confused: .

لكن أنا كان طلبي هو إني أزيد العزم أكثر. عن طريق الكمبيوتر .



أما بالنسبة للداينو يا ريت تفيدني:_

• هل يوجد منو في جدة ؟
• وفين ممكن أحصلو ؟
• وكم ياخذو على الكشفية ؟

وأكرر شكري مرة أخرى :o

اقتباس:

---

المشاركة الأصلية كتبت بواسطة asd

أما بالنسبة للداينو يا ريت تفيدني:_

• هل يوجد منو في جدة ؟
• وفين ممكن أحصلو ؟
• وكم ياخذو على الكشفية ؟

وأكرر شكري مرة أخرى :o

---

تلاقيه في جدة رايس وي ... على كلام واحد من الشباب 300 ريال تقريبا << على ما افتكر

ركب يونى شيب ..

والابيكسي انا مركبه ..

لكن مايفتح الر بي ام .. الا من 0 الى 6.5 ..

يعني يخلى الموتر يقوم من 0 مو من 3 ..

السلام عليكم اخويي
بصراحة عجبني تفكيرك بانك تفك rpm لاكن كلام اخوك ونصيحته لك في محلها. اسالني انا مجرب . مكينة سيارتك اسمها f22b ومافيها نظام فتك اصلا. كلامي يعني ان بعد مايتجاوز rpm 5 السيارة تبدا تخق. ادا كنت من هواة السرعة سوي الي انا سويته. طبعا انا ساكن بالدمام . وسمعت الشباب يقولون ان مكاين فتك h22a سرها رخيص في القطيف . والقطفان حق تزويد صح. ركبتها عند واحد يشتغل في الهوندات وبصراحة الفتك لو فكيت rpm حقه مايخق ولاشي. يعني بالعكس كل مادخل rpm باللون الاحمر يعطيك عزم اقوى . لوجود نظام الفتك وعلشان انها كامين . وانت سيارتك كام واحد ومافيها فتك . فرح تفقد نفسها لو انت فكيته . انا سويت الي انت سويته من قبل لاكن بعد مابدلت المكينة بصراحة فرقت ويايي جدا جدا. والقومات الي بكورنيش الدمام تثبت ان مكينة الفتك h22a لها محلها بين المكاين القوية. وشكرا

هل أحتاج عكوس ولا لأ؟
بطبيعة الحال يفضل تبديل العكوس علشان انهم يتحملوا ويزيدوا دورة الجنط على الارض يعني بيفرق العزم شوي.
هل البرمجة مكلفة ولا لأ؟
نوعا ما مكلفة. تقريبا قيمة الكمبيوتر 680 ريال.وبرمجته ب 300 ريال كحد اقصى.
وقد إيش يفرق دور البرمجة في العزم؟
بدون البرمجة مارح يفرق العزم عن مكينتك القديمة. ومارح تحس بانك بدلت المكينة او انك خسرت فلوسك.
وفين ممكن أحصلها بأقل الأسعار؟
انصحك بالقطيف انا ركبت المكينة بالقير والضفيرة والكمبيوتر بس بدون عكوس ب 6300 ريال .
هل في مبرمجين في جدة ؟
بصراحة مادري لان عمري ماطلعت من الدمام الا البحرين والقطيف . لغرض التزويد .
لاكن في واحدفي البحرين اسمه محمد صلاح هذا محترف في البرمجة ويقدر يتحكم في البوست حق الفتك بشكل دقيق. وفي القطيف في محلات واجد بس برمجة تمشية حال وصحيح انها تفرق في العزم لاكن القطفان قليل يهتموا بالهوندا اكثر نيسان.
وإذا أطلع برة جدة عشان أوفر أنا مستعد
نصيحتي تمر عالقطيف. او دبي .لاكن انا اخاف اكلفك قيمة مشوار وتالي ماتدل محلات البرمجة والمكاين الفتك. لاكن على العموم ادا بغيت تروح قوليي يمكن اقدر اطلع وياك مع اني ادل كم محل بس لاكن يمكن افيدك . وشكرا لك.

لو انه محرك هوندا الجديد k24a4 او k24a8 المحركين هذولا راكبين على اكيورا تي اس اكس

واقصى سرعة دوران هي 7000 دورة في الدقيقة

يعني لو ان المحرك عندك هو من سلسلة K كان عادي لانه فيها في تيك ونظام الفي تيك ما يشتغل الا ما بين 4500 الى 5500 دورة في الدقيقة

يعني لو زاد الار بي ام ما يوقف العزم معك ولا يقل بالعكس يزيد