3 أشهر وأنا في حيره .. ردك يهمني كثيراً .. أتمنى الدخول

السـلأآم عليكم ورحمة الله وبركاته ..

قبل ثلاثه أشهر وأنا ابي أن أشتري سيأره ..
كنت محتار بين الافالون والاكورد ..
جمعت الدفعه الاولى 20 الف ريال .. وبعدها أستشرت الجميع عن الاكورد والافالون .. الجميع اتفق ان المقارانه صعبه ولكن الافالون كسبت الرهان ..

توجهت لشركه البازعي تويوتا .. وأكملت أوراق الشراء ولكن حصل إختلاف على المبلغ ...
كآش = 122 الف
المبلغ المقسط علي = 168 الف !!!!
الأقساط الشهريه = 2400 ريال

< أخذ لكزس ولا لكزس ^_^

شلت الفكره الأستغلاليه من راسي .. نهائياً
ومرت الشهور وأنا بدون سياره .. حتى جاء الوقت اللي أنفجرت على نفسي .. وش أنتظر أنا ..؟!! لازم أفالون يعني
فيه هنـآدي ..

زرت مواقع عربيه وأجنبيه تهتم في الاكورد .. حتى أني زرت ملتقاكم أكثر من مره .. و أعتقد أني قرأت المواضيع جميعها ..

أسف على المقدمه الطويله .. أتمنى مساعدتي في البقيه ..

هـل تنصحني أخي أن أشتري الأن " أكورد 2009" بنظام الأقساط .. في وقت تكثر الشائعات ان الأسعار في إنخفاض بالإضافه إلى قرب موعد نزول موديلات 2010 ..؟؟

للأشخاص المشترين بنظام منتهي بالتمليك هل شعرت بالتحسف على قرارك لشراء الاكورد ..؟ من ناحيه المبلغ و أختيار السياره ..؟

ماهي الألوان النادره والجميله للأكورد 2009 أعلى فئه ..؟

هل يوجد في الاكورد عازل هواء ..؟ لان عملي خارج المدينه .. أريد سياره راسيه مع الخط ولا تسمع لأزعاج الهواء

ماهي عيوب الأكورد في نظرك ..؟ ولو كانت بسيطه ..

السؤال الأخير هل تنصح أخوك المسلم بأخذها ..؟ أو تنصحه في سياره اخرى ..؟!

(( طرحت لكم كل مايدور في ذهني من تسأولات .. لاني والله تعبت من الحيره :(.. أتمنى من الجميع الأجابه .. تعبت وأنا كل يوم مستأجر سياره حتى أقرر أشتري .. تقريباً فوق 2000 ريال راحت لشركات التأجير .. !! ))

Accord Dream

والله أخوي الهوندا موتر حلوو ومسكت ودارج مع الناس
بس خذ فل كامل وبالنسبة للون يا أبيض ولا ذهبي
انصحك فيها .. توكل على الله

وعليكم السلآم

اولآ انصحك تجرب السياره عشان تحكم عليها بنفسك

ثانيا لاتنسى صلاة الاستخاره

ثالثا ابعد عن التأجير المنتهي بالتمليك مافيه بركه لانه حرام وماتدري وش يصير لك

:)

اقتباس:

---

المشاركة الأصلية كتبت بواسطة accord dream

هـل تنصحني أخي أن أشتري الأن " أكورد 2009" بنظام الأقساط .. في وقت تكثر الشائعات ان الأسعار في إنخفاض بالإضافه إلى قرب موعد نزول موديلات 2010 ..؟؟

للأشخاص المشترين بنظام منتهي بالتمليك هل شعرت بالتحسف على قرارك لشراء الاكورد ..؟ من ناحيه المبلغ و أختيار السياره ..؟

ماهي الألوان النادره والجميله للأكورد 2009 أعلى فئه ..؟

هل يوجد في الاكورد عازل هواء ..؟ لان عملي خارج المدينه .. أريد سياره راسيه مع الخط ولا تسمع لأزعاج الهواء

ماهي عيوب الأكورد في نظرك ..؟ ولو كانت بسيطه ..

السؤال الأخير هل تنصح أخوك المسلم بأخذها ..؟ أو تنصحه في سياره اخرى ..؟!

(( طرحت لكم كل مايدور في ذهني من تسأولات .. لاني والله تعبت من الحيره :(.. أتمنى من الجميع الأجابه .. تعبت وأنا كل يوم مستأجر سياره حتى أقرر أشتري .. تقريباً فوق 2000 ريال راحت لشركات التأجير .. !! ))

accord dream

---

و عليكم السلام و رحمة الله و بركاته

حياك الله اخوي في منتدى أعضاء هوندا :)

بالنسبه لأسئلتك

أولا : هوندا أكورد سيارة ما شا الله تبارك الله و لا أحلى منها ، و أنصحك باقتنائها

ثانيا : بالنسبة لألوان الهوندا فأنا أنصحك بثلاثة ألوان : اللؤلؤي ، الذهبي ، العودي ( العنابي )

و لا يزعلون أصحاب الالوان الباقيه :)

ثالثا : بالنسبه لعيوب الاكورد من وجهة نظري ، 1- عدم وجود حساسات حتى في الفل كامل :(

و هذا هو العيب الوحيد من وجهة نظري

رابعا : بصراحه أنا أنصحك أنك تشتريها ، سيارة ما شا الله و لا أروع :)

و في النهاية القرار الاول و الاخير لك

و مبرووك عليك مقدما ، و لا تنسى أهم شي صلاة الاستخارة

و أتمنى اني أفدتك

أنا بكون صريح معك أخوي .. لو قارنت بين الاكورد والاوريون .. أنا أرشح كفة الاكورد
لكن أنت دخلت الافلوون بالكفه .. أعتقد أنت الافلون تتفوق من عدة نواحي أهمها المساحه الداخليه
الوسيعه والتكييف الخلفي اللي بساعدك بالصيف كثير .. وغيره كثير .. لكن فرق السعر وااضح شوي

اذا أنت كنت مستعد لدفع سعر الافلون بدون ما تكون عندك مشكله ماديه أنا أنصحك فيها لكن انتيه( الشكل قديم وممكن يتغير في أي لحظه )

أنا عندي أكورد 2009 فل (4سلندر) والحمد لله ماشيه الملكه معاي أحلى ما يكون ولا فيها أي مشكله .. ولاني ندمان عليها ...

ويارب أكون وضحت وجهت نظري

ولا تنسى الاستخاره .. ..

اخوي انا راعي اكورد 2008 فل كآآمل

وأنصحك بقوه تشتري اوريون فل

انا اشوف فخامة الأوريون ماتقارن أبد بالأكورد

^^^^^

الاوريون افخم من الاكورد ؟؟؟؟؟؟؟؟؟؟؟؟؟؟؟

صدق من قال لولا اختلاف الاذواق لابارت السلع

طيب توك شاري الاكورد ليه مافكرت تاخذ اوريون ؟؟

168 ألف والله قويه
كم سنه تقسط ؟
أنت لما تاخذ من أحد مبلغ ما ترتاح غير لما تسده ؟
كيف عاد لو 168 ألف ومن شركات نصب على بنوك أنصب والله ما أنام الليل
الله واكبر عاد يا الأفلون ولا أكورد والجيب فاضي

~ نصيحتي لك من كل قلبي
إلي خلاك تجمع 20 ألف تقدر تجمع 20 ألف ثانيه وأشتر لك أي سياره تخدمك وتادي الغرض
بلا ديون بلا كلام فاضي
يكفي تنام مرتاح

.
.
.
:o

اقتباس:

---

المشاركة الأصلية كتبت بواسطة meshoo

ثالثا ابعد عن التأجير المنتهي بالتمليك مافيه بركه لانه حرام وماتدري وش يصير لك

:)

---

أخوي أحب أوضح شيء مهم ... و هو إنه هناك فرق بين بيعتين
الأولى : الإيجار المنتهي بالتملك ... هذا حرام لأنه عقدين في عقد واحد

الثانية : الإيجار مع الوعد بالتملك ... هذا جائز شرعاً لأنه عقد واحد و الوعد غير مكتوب في العقد
و طبعاً في العقد ما يكتب لك إنه تكون السيارة لك بعدما تخلص الآجار و لكن زي ما تقول ((كلة رجال))

أنا دارس كورس في الجامعة و ما قلت هذا الكلام عبث

تحياتي لك و أتمنى تفرق بين الاثنين

^^^^

طيب الرجال تكلم عن المنتهي بالتمليك وانا تكلمت عن المنتهي بالتمليك

احد تكلم عن الوعد بالتملك ؟؟

:)

وعليكم الســلام ورحمة الله
اخوي نصيحه لك اذا كنت تقـدر تجمع المبلغ
حق قيمة الافـالون فـ انا انصحك بهـا
لانهـا بكل صراحه افخم وارسى من الاكورد
وتحسس اللي راكبهـا شيخ او ولد نعمه مو مثل
الاكورد كل العـالم تركبهـا :d:p

وبالنسبه لنظـام التقسيط بجميع انواعه
احس ماله داعي.
والانسـان مايظمن نفسه يمكن بـ اي يوم
تطلع من الوظيفه مع هالركود العالمي
بعدين شلون بتسددهم..
واحس نظـام التقسيط مثل نظـام التـأجير.
ماتحس ان السيـاره سيـارتك لين تسددهم
بعد 4 سنواات :d

تحيتي :cool:

اقتباس:

---

الاوريون افخم من الاكورد ؟؟؟؟؟؟؟؟؟؟؟؟؟؟؟

صدق من قال لولا اختلاف الاذواق لابارت السلع

طيب توك شاري الاكورد ليه مافكرت تاخذ اوريون ؟؟

---

هاااه

:confused:
شفيك معصب طيب

اقتباس:

---

طيب توك شاري الاكورد ليه مافكرت تاخذ اوريون

---

غلطتي ~

اخوي صاحب الموضوع
شف اللي ترتاحله انت
اهم شي تكون مقتنع بالسيارهـ
والله يوفقك فيها
ويعطيك خيرها ويكفيك شرها

~

انا ابي انصحك نصيحة مجرب انا اشتريت اكورد والله اول ياحليلي مدلع نفسي ورزه ... بس بعد ما اشتريت الأكود راسي كله شيب وغير كذا احس مبالغ بسعرها وغير كذا وكالتها خستات كلهم .....
نصيحه لوجه الله ابعد عنها لا تقربها >>>>> والمشكله بعد ما اشتريتها ندمة على الساعه اللي رحت فيها للوكاله ويوم كرهتها قلت ابي ابيعها محد راضي يشتريها ........ للمعلوميه 2008 فل اربع سلندر
نصيحتي خذ gxr وريح راسك ولا ماكس ...... >>>>> الصراحه صراحه

^^^^^^^^^
الحمد لله معي اكورد والله انها مدلعتني وش اللي تشيب الراس الا اذا كنت تطعس فيها غير كذا فخمه جدا من الداخل والخارج غير رساوتها بالخط وعزلها للهواء حلو جدا تحس انك راكب سيارة فخمه انا معك بالسعر انه مبالغ فيه شويه بس اما انها خايسه الله يسامحك

تقبلو مروري ولا احد يزعل مني ......

اقتباس:

---

المشاركة الأصلية كتبت بواسطة HONDA 921

انا ابي انصحك نصيحة مجرب انا اشتريت اكورد والله اول ياحليلي مدلع نفسي ورزه ... بس بعد ما اشتريت الأكود راسي كله شيب وغير كذا احس مبالغ بسعرها وغير كذا وكالتها خستات كلهم .....
نصيحه لوجه الله ابعد عنها لا تقربها >>>>> والمشكله بعد ما اشتريتها ندمة على الساعه اللي رحت فيها للوكاله ويوم كرهتها قلت ابي ابيعها محد راضي يشتريها ........ للمعلوميه 2008 فل اربع سلندر
نصيحتي خذ gxr وريح راسك ولا ماكس ...... >>>>> الصراحه صراحه

---

اخوي HONDA 921 طبعا هذا رأيك الشخصي وانا احترمه بس بالعكس انا ضد كلامك يوم تقول بأن الأكورد تشيب الراس اصلا لو هي خايسه وتشيب الراس على قولتك كان ماوصل سعرها للتسعينات وصارت تنافس مجموعة كبيره من سيارات السيدان الموجوده في السوق ويكفي انها الان حائزه على جائزة افضل تصميم ويكفي انها فخمه ويكفي انها راسيه ويكفي ويكفي ويكفي ..... الخ . بس الظاهر انت من هواة الهايلوكسات والجيوب عشان كذا ماجازت لك الاكورد بس اذا انت تكره الاكورد فيه غيرك مليون يحب يمتلكها ....... اسف على الاطاله ولحد يزعل مني :cool:

وبالنسبه لك اخوي accord dream خذ اكورد ووكل ربك بس خذها فل كامل ولاتنسى الاستخاره والقرار قرارك يالغالي :)



تحياتي :d

تبي اختصار الكلام معاي اكورد موديل 2009 فل كامل 6 سلندر سيارة اسميها انا سيارة الاحلام بنظري عمرك مراح تندم عليها ولكن اهتم فيها لا اكثر

اقتباس:

---

المشاركة الأصلية كتبت بواسطة k.h.a.l.i.d

اخوي انا راعي اكورد 2008 فل كآآمل

وأنصحك بقوه تشتري اوريون فل

انا اشوف فخامة الأوريون ماتقارن أبد بالأكورد

---

،،، أنا بقولك بكل صراحة ،،، دامك تقول الأوريون أفضل من الأكورد
والله ثم والله ،،، أنا أبوي قال لي خذ أكورد أو أوريون ،،،
الأوريون نصف فل ،،، والأكورد نصف فل كمااااان
،،، والحمدلله أخذت أكورد واحمد ربي
،،، بقولك من واقع تجربة ،،، واحد من أصدقائي معه أوريون فل كااامل ،،
يقول والله لعبة فيني بالبنزين ،،، وكل ما اطفهااا ساعة لازم احميهااا 10 دقائق أقل شي ،،، وشكلهااا كامري من الدرجة الأولى ،،، واسمع الصوت في الديكور الداخلي ،،، وشوف رافع السقف فيهاا الأمامي والخلفي
صحيح الخلفي نفس الأكورد بس الأمامي لا الأكورد أرفع سقف وإنزل مرتبة ،،،
وبعض الأحياااان أخذ الأوريون وأروح بهااا ،،وأخذ سيارتي وأروح لهاا
أحس بسواقة الأكورد إني شي ثاني ،،، بس الأوريون عادية ،،مثل الكامري ،، بس بدون صوت ماكينة ،،، وكمااان اسمع صوت الهواء بالأوريون
،،، هذي الصراحة ،،،
يعني لو تقول أكورد فل كامل 4 س ،، والا أوريون فل كامل
راح أخذ الأكورد ،،،
كيف أجل أكورد 6 سلندر
،،،،
،،، يازينك يالملكة أنتي وهيبتك ،،،

FANTASTIC MAN يا انك مطقم وياي في اللون يخوي والسياره سياراتنا توأم خوات يعني انت عديلي هههههههه احلى لون هاديء ومايجمع اوساخ وبارد في الشمس وحلو


accord dream اخي اكورد توكل على الله وخد السياره صحيح سعرها غالي لكنها سياره من ناحية الرساوه وصرفية الوقود والقوه والهدوء عيبها الوحيد هو الاقمشه والهوبات فقط

أخوي أنا مهاي أكورد 2008 فل كامل وربي مرتاح ولا يوم ندمت عليها فا أنصحك فيها ولا تحوس نفسك أكثر من الزم عشان كذا أستخر ربك وخذها

أخوي أنا معاي هوندا أكورد 2008 فل كامل ولا ناي نادم عليها أبد ولا تنسى تستخير وربك يعين

acoord v6 فيران اختصار الكلام

اقتباس:

---

المشاركة الأصلية كتبت بواسطة lonly style

FANTASTIC MAN يا انك مطقم وياي في اللون يخوي والسياره سياراتنا توأم خوات يعني انت عديلي هههههههه احلى لون هاديء ومايجمع اوساخ وبارد في الشمس وحلو

---

الله يسلمك اخوي lonly style بالنسبه للون اوكي هاديء وبارد بس بصراحه يمسك الوسخ يعني يبيلك بالاسبوع 3 مرات تغسله على الاقل بس بصراحه هو احسن بكثير من الالوان الغامقه ع العموم ترى احنا طلعنا عن موضوع الرجال :d وياليت يسامحنا على خروجنا من صلب الموضوع

وتحياتي للجميع :d