محتار بين ثنتين

السلام عليكم


ابي رايكم يا جماعة الخير انا ناوي اشتري سيارة
بس محتار بين اكورد 6 سلندر فل اوبشن أو اوريون جراندي بشاشة

أبي رايكم بدون تحيز او عنصرية

وارجو من اللي يرد يقولي السبب في ترشيحه للسيارة ;)

اكورد شكل

اوريون تويوتا تكفيك

ماقدر احدد صراحه بس اتوقع اكورد وركب شاشه بنفس سعر الاوريون تقريبا وافضل وشكل جديد بعكس الاوريون الشكل بيتغير

وعليكم السلآم

والله صعب تعتمد على ارآى البعض سواء بمنتديات هوندا او بمنتديات تويوتا لانك بتشوف كل شخص متحيز لسيارته

لكن الافضل انت تزور الوكالتين وتاخذ معلومات وتجرب السياراتين

وبعدها استخير الله وبتحصل نفسك لاشعوريا طلعت السياره الي ربي كتبها لك

وبالتوفيق لك ان شاء الله

:)

يسلمو اخوي مومو وميشو الرد

وانا راح اعمل بكلام ميشو بروح والوكالتين وابشوف السيارتين والله يكتب لي اللي فيه الخير

تبي نصيحتي

انا اخوي عندو اوريون


جنان بكل ما تعنيه الكلمة من معنى




تقبل مروري المتواضع

هلا اخوي
شف تبي الشكـل خذ لك اكورد
شكـل اليم خاصه ديكورها الداخلي
خققــاان اطلق من الاوريون..<وجهة نظر
واذا تبي مواصفـات خذ لك اوريون
فيهـا مميزات كثيره احسسن من الاكورد..:)
بس اللي مخربهـا انها تشبه الكـامري :d

ورح الوكـالتين مثل ماقـال ميشو
ولاتنسى الاستخـاره..
تحيتي :)

حبيبي انا معي اكورد v6 2008 السياره اروع مايكون انا قبل لا اشتريها كنت مثلك محتار بين الاوريون والاكورد والصراحه لا تغرك شاشه الاوريون تراها مو من وكالتها الام والشاشه تحصلها بالغرابي قيمتها 2800 ريال ثاني شي انا كنت خايف اول يقولون ان الاوريون اقوي من الاكورد مع ان الاكورد اقوي بثلاث احصنه وقبل امس مزعت اوريون في طرق الملك عبدالعزيز ومتري اصلا ماتمرن فمابلك اذا تمرن بعدين شف داخليه الهوند تحس فيها ملامح من السياره الفخمه مثل الكزس والبي ام والمرسدس وانا اشوف من تجربتي انا الهونداء احلي بكثير ما عشانه سيارتي هوندا بس انا اقول الصراحه واذا ما قنعك كلامي رح الوكالتين واطلب تست درايف او تجربه قياده ولا تنسا تستخير ربك :confused:

انا بنصحكـــــ نصيحهــــ لوجهـــ اللهـــــ

لا تشاور احد خذ الي مرتاحله وتبيهــــــ

معليك من الشكل او الموصفات خذ الي انت تشوفهـــ في نضرك احلىـــ

ولا تستعجل في تخاذ القرار خذ وقتك كامل لو تقعد سنه تقارن بينهمــــ

وبعدين وش وراكــ رح الوكالهــ هوندا وعب ورقة التجريبـــ وجربهاا وتويوتا بعد اذا ما اعجبتك لا تجامل احد

اللهـــ يوفقك ويدلك على الموتر الي فيهــــ خير لك


(( لا تنسا صلاة الاستخارهـــ ))

اسمع وانا اخوك انا ماشفت الاوريو .. بحس اللي سمعته من الناس انها فخمه وسياره تمغط فيها الشحيمات
مواصفاتها عاليه .. واكذب عليك اذا قلت لك اعرف فيها شي
بس بالنسبه للصناعه .. انت تدري ان صناعتها وتجميعها استرالي .. >>>>> ديره الكنقروووو

وبالنسبه للهوندا بشكل عام صناعه وتجميع ياباني .. عند اللي ممغطات عيونهم ..

وتبي رايي بدون تحيز .. لاي نوع من انواع السيارات ..

خذ لك قطعه جحه من الثلاجه وياحبذا تكون مقصوصه بالطول .. ولا تنسى تجيب لك طاسه علشان العبس واجل على الدرج حق باب البيت
وانت تاكل فكر في السيارتي والقرار لك مو لغيرك

وزي ماقالو اخواني اللي قبلي استخر ربك .. وان شاء الله يبي يخيرك الخيره الباركه

ومبروك عليك مقدماً

اسمع اخوي تبي نصيحتي

ابعد اعن الاوريون والله من الداخل نسخة من الكامري

ومن الخارج شكلها عادي جدا ومافيها ذوق

وتبي نصيحتي اذا كنت راغب الاوريون لان فيها شاشه
ترا شاشتاه موجوده في الاغرابي يعني مو من الوكاله

تبي نصيحتي خذلك اكورد وركب عليها شاشه

وصدقني تطلع كأنها من فئة اللكزس



ولاتنسى صلاة الاستخاره

الاوريون تتفوق على الاكورد في الشاشه فقط

اذا تبي مواصفآت بس خذ الاوريون:) ((واذا ما تبي الجوده خذ اوريون))

اذا تبي شكل وجوده وعمر خذ الاكورد:)

وخذ الي يريحك:cool:

وانا ارشح الاكورد وبدون تفكير:d

انت حر الموضوع راجع لك

الاكورد افضل من الاوريون بكثير

وانت بكيف ومبروك مقدما

عندنا أوريون وأكورد ومجرب السيارتين وربي أنصحك بالأكورد وبقوة وراح تدعيلي ان شاء الله :):).

تويوتا أوريون استرالي ياباني ,مواصفاتها أكثرمن الأكورد(بس مو أفضل), 268 حصان تفصل على 230 مشكلتها تصرف بنزين وأصوات الديكور <<< ماشية 38 الف وقبل اسبوع مغيرالفحمات الامامية بس بـ470 مع خرط الهوبات(يعني أغلى من الأكورد :eek::eek:)

هوندا أكورد ياباني ياباني ,فخامة, رساوة, جودة 271 حصان(أكثر احصنة بس آداءها أضعف من الاوريون بحكم الوزن) تفصل على 215 تقدر تتحكم في السلندرات مشكلتها الفحمات تخلص بسرعة ,طرمبة الدركسون بالنسبة للموديلات القديمة (الجديدة للحين محد اشتكى منها ;);)).

وفي النهاية السيارتين كلها حلوة خذ اللي انت مرتاح لها وودك فيها ولا تنسى صلاة الاستخارة والله يوفقك .

بصراحة الأكورد تتفوق على الأوريون من الناحية الميكانيكة والتجميع وبلد الصنع وبصراحة سيارة حق كرف وشكلها حلو
أنا عندي سيفيك 2003 وماشاء الله عليها 6سنوات على يدي والله ما اشتكيت منها فما بالك بالاكورد
الأوريون تتفوق على الأكورد بأنها قير تيبترونك بست تعاشيق وبالإلكترونيات اللي فيها زي الحساسات الأمامية والخلفية واللي اعتبرها اهم إكسسوار أصلي بالسيارة لأنها من المصنع أما الباقي تقريبا الوكيل يركبها
إنت صلي الإستخارة وشوف اللي قلببك يرتاحله

أما على طاري الشاشة أشوف نص الشعب اللي يشترون أوريون يشترونها بدون شاشة عشان يركبون شاشات ثانية غير حق الشركة
لأنها افضل منها في الشكل والديكور والمواصفات
مع تحياتي

أكورد 6 سلندر الحصآن فيهآ 230 .. وتجيك شكمآنين .. اما اللي قصدهـ الآخ م م و السعوديه 5 5 7 .. هذي الـ 4 سلندر قوة حصآنه 171 .. هذي للنص فل .. اما الفل 4 سلندر قوة حصآنه 193 ..

المهم .. الأكورد أو الآريون .. لو تبي رأيي انصحك بالآكورد .. طبعاً كلآمي ليس عنصرية عشآن معي أكورد .. لآوالله ..

الآوريون من الداخل نفس الكآمري .. من برا الشكل يختلف .. الاصطبات الخلفية رووعة .. لكن الاصطبات الآمامية مردي كيف جآآيه .. وميزة الآوريون التشغيل بالـزر ..

اما الأكورد .. لو تلفه يمين ويسآآر بتحصل الحلآ والزين فيهآ ..

بس تبي الصراحة .. لو جينآآ للسعر تبي تلقى الآكورد 6 سلندر فل بـ 115 ألف .. والآوريون يمكن قريب منه .. فرأيي تشتري آفالون فل كآمل Limited بـ 125 ألف جديدة .. هذا لو تبي تفكر بالأسعار .. طبعاً الآفالون مآيحتاج أقول شئ عنه .. ملكة السيارات ..

والله يوفق بالشراء والآختيار ..

8

أحلى رد يا رجال زود 5 الاف وطق أحلى موتر يكفي أسمه أفالون

~ السبت سألت عن سعرها 119 الفل أصفار

.
.
.
:o

السلام عليكم أخوي

والله أنا أقولك نصيحه

خذ الأكوووورد فعلا موتر فخم وشكله الخارجي صراحه قمه في قمه ومافيها عيب ومع كذا ماشاء الله أنا معي أكووورد 2007

وما تصرف بنزين ومع أخوي كامري ويشتكي من البنزين يقووول تصرف

أما الوريون فهي بعد ماشاء الله في الشكل الخارجي بس شبيهة الكامري ومن جوا كامري 85 %

بس أنت أختر إلي عاجبك لانها صراحه كلها ذوق في ذوق

والله يوفقك على كل الموترين

وبالنسبه للي يقول عن احصنه الاكورد وهو مايعرف كم انا اقوله انا الاكورد السته سلندر تولد 271 حصان:mad:

يكفيك يكفيك
انها رقم احد بالمبيعات الامريكيه
سنه ٢٠٠٨ و ٢٠٠٩
كسياره سيدان شبابيه او عائليه

كل السيارتين حلوات وكانه على الشاشه تبي تلقاها وتركبها

انا معاي اكورد v6 2009 لون لؤلؤي مشالله تبارك الله على سرعة 200 ماتسمع صوت الهواء الخارجي ومشالله عليها تسارع مشالله عليها ونظرة من شريتها الى يومك كل واحد شافها قالي عزالله اخترت سيارة وخذ فخامة بعد من جد ستة سلندر وبس هوندا وغيرها لا تفكر خذ من واقع تجربتي صحيح يقال ان قطع غيارها غالي بس اذا تعودت على قيمة معينه فيها تتعود وانا كان معاي قبل اول 4 سلندر موديل 98 ورجعت وشريت 2009 لان الاكورد سيارة ماتندم عليها قوتها 271 حصان والله يوفقك

(( ثبات + شكل خارجي وداخلي + أمان + صرفية بنزين = أكورد ))

أو

(( شكل خارجي فقط + سرعة + موصفات + صيانة = أريون ))

دمتم سالمين :)