أفـــيـــدونا يا أصحـــــــاب الخبرة

السلام عليكم ..

قبل اسبوعين رحت اسوي فحص (الفحص المجاني) كنت ماشي 58 ألـــف ،،

المهم وقالو لي لازم تغير كراسي المكينة ( أمامي وخلفي ) قيمتهم يمكن 1000 ريال !

وبعد قالو لي أغــيــر سير المكينة .. وفلتر المـــكـــيف .. وزيت القير وفلتر الهواء !

وطلعت القيمة الإجمالية بعد الخصم 2400 ريال وكسر .. ( شغل اليد 1050 ريال :mad: )

أســئـلتي بارك الله فيكــم /

1- بالنسبة لكراسي المكينة ودي أتأكد انها لازم تتغير .. صح اني قد أكلت فيه رصيف لكني احس انهم نصابين !

2- وإذا كنت بأغيرها هل أشتريها من الوكالة وأركبها عند ورشة ثانية ؟ ولا فيه اقتراح احسن ؟

3- سير المكينة وفلتر المكيف هل هو طبيعي تغييرها إذا مشيت 60 ألف ؟

4- البواجي ما قالوا لي الوكالة شي عنها ، مع اني سمعت واحد يقول لازمم تغيرها عند الــ60 ؟

وشكراً لكـــمـ ،،
أخوكـــم / خالد من الرياض :rolleyes:

ماعندي علم اكيد بطريقه معرفه الكراسي هل هي تحتاج تغيير او لا لكن ان شاء اللهـ يجون اللي يفيدونكـ ..

اما التغيير ايه نعم كلامك مضبوط . اشترها اصليه من الوكاله وغيرها برى ..

بالرياض فيه ورشه ممتازه جربها كثير من الشباب هنا معنا ..

وبعد فيه بالدمام وفيه بجدهـ ..

انت حدد وينك فيهـ ومالك االا طيبه الخاطر من الشباب هنا ..

اما سير المكينه وفلتر المكيف ماتوقع تتغير على 60 لانه توه بدري .. اما لو فلتر الهوا ممكن يتغير ..

البواجي ايه نعم تتغير على 60 حسب ماذكر ..

:)

انت ماشي 58 الف والمشاكل هذه كلها في 58 الف ك ماصارت هوندا يابنيه و الله عيب في حق هوندا من جد عيب
المفروض انهم يستحوا ويغيروا لك على حسابهم عشان سمعتهم

لو دخلتها صيانه 60 الف يغيرونها لك ع الضمان ولا تدفع ريال واحد

بس الوكاله ........ ما قالك عشان ما يخسر نفسه

اذا الموتر ما كمل الـ 60.000 كيلو رح انشب بحلوقهم

وعليكم السلام هلا أخوي ...........
أنا أقترح عليك تشتريها كلها من الوكالة وتركبها عند أي ورشة محترمة وشغل نظيف أما على شغل اليد صراحة سرقه وين 1050 كل هذا المبلغ راح تاخذ منه يمكن 150 أو إذا كثرت 200 لشغل التركيب خارج الوكالة أما لكراسي المكينه شفها أنت إذا الربل حق الكرسي متقطع لزم تغيره هذا للخلفي والأمامي إذا شفت أنه خرج زيت من الكرسي والربل متقطع فهذا لازم يتغير وإذا ما عندك خلفية عنه رح لا أقرب ورشة ممتازة وإسأل عن الكراسي .... وسير المكينة شغله سهل وإلي أعرفه أن السير يتغير على100 ألف .... وبالنسبة لفلتر المكيف أنت تقدر تفك القديم وتركب الجديد ومكان الفلتر خلف الدرج إلي أمام كرسي المعاون وقبل ما تشتري الجديد شيك على الفلتر القديم بنفسك إذا يحتاج تغيير ولا لا .... وزيت القير أقرب بنشر شغله ممتاز ومضمون وعلى علمي أن زيت القير يضل إلى 40 ألف .... وفلتر الهواء شيك عليه بعد قبل ما تأخذ جديد إذا يحتاج تغيير ولا لا وتركيبه سهل و إذا كان يحتاج تغيير خله مع تغيير الزيت وأول ماتغير الزيت قل للعامل يركبه لك لانه راح يفك القديم ينظفة فا يركبلك الجديد مكان القديم ...... وبكذا راح توفر على نفسك ويصير عليك مبلغ قطع الغيار ومبلغ بسيط لشغل اليد فقط ......... وأسف على الأطالة ....

وعليكم السلام :):)

1- بالنسبة لكراسي المكينة ودي أتأكد انها لازم تتغير .. صح اني قد أكلت فيه رصيف لكني احس انهم نصابين !

اذا سيارتك عالـD وأنت واقف تحس برجة في السيارة اول لا؟
عموما زي ماقالك اخوي المسافر غيرها عالضمان في فحص الـ60 الف ;);).

2- وإذا كنت بأغيرها هل أشتريها من الوكالة وأركبها عند ورشة ثانية ؟ ولا فيه اقتراح احسن ؟
أهم شيء تكون أصلية, بعدين خلاص قلنا بتغيرها عالضمان يعني بلاش :d:d.

3- سير المكينة وفلتر المكيف هل هو طبيعي تغييرها إذا مشيت 60 ألف ؟
تأكد من حالة السير اول اذا يطلع اصوات اواذا شفت على اطرافه خيوط يعني لازم يتغير:):).
سيارتي ماشية 193 الف وماغيرت فيها اي سير:eek::eek:
الفلترشوية تنظيف مع شوية عطر وخلاص :rolleyes::rolleyes:.

4- البواجي ما قالوا لي الوكالة شي عنها ، مع اني سمعت واحد يقول لازمم تغيرها عند الــ60 ؟

الأفضل انك تغيرها كل60-80 الف :):).

ألـــف شكر لكل من رد على استفساراتي ..

وأنا الآن كملت 60000 بالضــبـــط ،،

ان شاء الله بكره انا رايح لهم وبنشــــب لهم زي ما قلتو لي ;)

قول عسى ماتقوم النذالة ويقولون لك خلاص عديت الستين بكيلو واحد وأنتهى الضمان

المفروض توديها 59900 الف

اقتباس:

---

قول عسى ماتقوم النذالة ويقولون لك خلاص عديت الستين بكيلو واحد وأنتهى الضمان

المفروض توديها 59900 الف

---

والله انك صادق ... عاد ربعنا يدورون الزله
--------------------------------------------
وتعقيباً على كلام اخواني

سير التيمن .. اللي هو سير المكينه .. يتيغر كل ميه الف كيلو .. للسلامه .. لانه اذا انقطع وانت مسرع قل على مكينتك السلام
بس اذا صرت مهدي .. امورك طيبه ..
وشلون تدري ان سير المكينه منقطع .. اذا دقيت سلف وتحس ان دقت السلف سريعه مره .. ولا تشتغل السياره اعرف ان سيرك الله يخلف عليه

اما بالنسبه لكراسي المكينه .. زي ماقالك اخوي على الدي تلقى فيها رجه خفيفه
واذا كنت تبي تتاكد مره مره ..
امسك فرامل برجلك اليمين ( وانتم بكرامه )
وادعس بنزين برجلك اليسار
وخل واحد من الشباب يشوف لك المكينه .. اذا اترفعت المكينه .. يعني تحركت .. بشكل ملحوظ اعرف ان كراسيك يقولون لك صباح الخير

والباقي جاوبو عليه الشباب الله يجزاهم خير

اقتباس:

---

امسك فرامل برجلك اليمين ( وانتم بكرامه )
وادعس بنزين برجلك اليسار

---

^^ صباح الخير .. وش اخبار الفطور على الصبح ^^

اجل بنزين باليسار والفرامل باليمين