أمس أشتريت أكوورد 2009 .. ودي أركب زينون .. وش تنصحوني فيه !!

السلام عليكم ورحمة الله وبركاته
أهلاً بكم أخواني أعضاء نادي محبي هوندا ..
بصراحه أنا متابع للنادي من سنه تقريباً ومن قبل ما أشتري الموتر :)
وأبشركم الحمدلله أمس طلعت هوندا أكوورد سبيشل 2009 وكاله .. وأبي نصيحتكم
أنا ودي أركب أنوار زينون ومحتار بصراحه .. وأبيكم تعطوني أفضل نوع .. وأهم شي إنه يكون ثلجي ويفرش
والأهم من ذالك .. أبي شي ما يأثر على الكهرب نهااااااائي ولا يكون فيه تقطيع أسلاك
من خلال متابعتي للنادي .. شفت أكثر الأعضاء يؤيدون أنوار فيلبس ألماني 4300 كالفن من كل النواحي ومن ناحية إنه ثلجي بالتحديد
ورحت أمس لمحلات الزينه وسألت واحد له خبره طويله بهالمجال وقال عن حاجه مهمه :
يقول بحكم خبرتي .. مهما قالو لك المحلات إنه عندنا أنوار صناعه ألمانيه فهو كذب .. كلــــــها صيني
ثم جابلي الكراتين اللي عنده قال شوف هذي مكتوب عليها صناعه ألمانيه لكن الحقيقه هي صناعه صينيه
وقلت له عن الأنواع من حيث الكالفن .. قال 4300 قليييييييييل تحصله بالسوق
لذالك الله يخليكم أبيكم تدلوني على شي كويس وأصلي
وأبيكم تعطوني كل المعلومات الكامله عن أنوار موتري من حيث الواط ووووو إلخ <<< بصراحه خايف على الكهرب :)
وإيش هو أفضل محل يبيع وأفضل محل يركب وشغله قوي :cool:
ووش رايكم بأنوار اللكسز من الوكاله !!
أو أنوار VX R من الوكاله !!
وكم أسعراها :)

وعليكم السلآم

اولآ الله يعطيك خيرها ويكفيك شرها

بالنسبه للزنون اذا اخذته على نفس مقاس الشمعه مافي تقطيع ولاشي ولكن يبقى التركيب له دور عشان مايكسر لك الشمعه ووزنيه الشمعه لها دور عشان تكون متساويه على الخط ومو مرتفع النور

والـ 4300 اصفر مايل للبياض ونادرا ماتحصله لان اكثر الشعب تاخذ 6000 جاي سماوي كذا

واذا ماعليك امر تقولنا وين ساكن عشان نقدر نفيدك بالمحلات اكثر

:)

ااذا دراهمك واجد :) .. اطلب من النت زينون اصلي فليبس 4800 بـ 1500 تقريبا قيمتهـ ...

واذا ماودك فيه شي تمام واقل جوده من الاصلي فليبس عند التمران بالرياض بـ 200 ريال بس اللمبات 4300 كالفن ..

وانا مركبه وكثير غيري مركبينهـ من عند التمران .. لكن فيه اعضاء مركبين من عند التمران اصلي فليبس 4300 بفوق الالف ..

اصلي اصلي اخوي .. واللون بطل اللي هو 4300 .. والـ 4800 يميل للون الازرق اكثر من الـ 4300 اللي يميل في الواقع

للون الاصفر والابيض ..



الزبدهـ .. من الرياض ركب عند التمران اخوي تركبيهم بطلع وعليه ضمان وشغلته صح ..

عنده صيني رخيص مادري والله بكم بس جيد يعني ماهوب بايخ .. وانا شاري من عنده اللمبات بس بـ 150 طبعا الكلام قديم ..

وفيه اصلي اصلي بفوق الاف عندهـ فليبس 4300 ..

وانت بالخيار :)

الشمعـآت الي بالسوق كلها صيني هذا صحيح
وأفضل درجـه هي 4300 كلفن طبعاً وبلا منـآزع !

الأهم هو المحولات هي الي تجي صيني أو ألماني ..
لازم تلف السوق وتشوف بعينـك لكن تذكر ، إن الرخيص بخيس والغالي يستـآهل ..

والي اعرفه إن الموديلات الجديده اذا لقيت الشمعه نفس المقاس لسيارتك
مــآ يحتــآج تقطيـع أسلاك .. وأيضاً المحولات ما يحتـآج لها ( كتاوت ) الي هي مُنظم الكهرباء! انتبه


:)

قل امين الله يطعمك خيره ويكفيك شره ان شاء الله
وان شاء الله مقدوم السعد ...
تخدمك ولا تخسرك

اما بالنسبه للزينون يفيدونك الشباب فيها .. لان اخوك من معارضين الزينون ..

واللي قريته هنا في المنتدى والمنتديات الامريكيه
ان كالفن 4300 هو افضل شي

الله يجزاكم خير .. والله يبارك فيكم
بصراحه ردودكم أدهشتني .. تجاوب سريع .. الله يعطيكم ألف عافيه وماقصرتو

أخوي ميشو ..
أنا من القصيم ومو مشكله اروح للرياض لو لزم الأمر .. لكن وش الملحل اللي تنصحني بشغلهم ؟!

أخوي أكوورد 8 ..
والله أنا ماودي أوصل للـ 1500 ريال .. يعني بهالسعر أفكر آخذ نور لكسز ولّا أركب كشافات من الوكاله
وبصراحه الصيني اللي تقول عليه حلو سعره مررره .. بس أنا أهم ما علي إنه مايكون قريب من الأصفر ولا يكون قريب من الأزرق أيضاً .. يعني أبي شي أبيض نااااصع " ثلجي "
ياليت تنزلي صوره للنور حقك بالليل :)

أخوي عمر ..
أشكرك على التنبيهات .. لكن ياليت تفيدني بكم حاجه :
- كم مقاس شمعتي لأني ما أعرف بهالأمور
- وش هو أفضل محول اللي مايحتاج تقطيع أسلاك ولا يحتاج له كتاوت

أخوي أكوورد 9 ..
آمين الله يجزاك خير


أخواني أنا كد شفت موضوع هنا لواحد من الشباب يبيع زينون أبيض ومنزل له صور ويقول اهم شي إنه مافيه تقطيع نهائي وحاط صور له وكان موتره 2008 أسود .. وكان يبيعه بـ 350 ريال
هل تنصحوني فيه !!
وياليت تعطوني مقاس الشمعات ونوع المحول وكل شي بهالخصوص :)

ايه اخوي هذا الشخص هو كاشاشي سن المحولات الان بالسوق كلها تركب من دون قص اسلاك ..

والى الان ه مركبها على موتره وتمام التمام ..

هذاك اول كان لابد من قص وشغله الحين لا ماعاد فيه هالشي ..

وبالنسبه للمقاسات ..

العالي .. 9005
الواطي 9006


ولون الـ 4300 ملكي بصراحهـ ..

اصفر على ابيض ..


وبالرياض احسن محل للزينون معروف هو التمران .. بالغرابي ..

وانت بالخيار اخوي ..

وبحاول ان ىشاء لله انزل لك الصور قريب ..

الله يعطيك العافيه يالغالي وماقصرت

بالفعل أنا كلمت أخوي كاكاشي سن " أبوسعد " قبل شوي .. وبصراحه الرجال ماقصر
وقالي إنه وصل عنده زينون جديد نفس حق اللكسز .. وأكد لي إنه يركب على موتري

بإذن الله أخوي راح أركبه عند التمران

ألف مبروك والله يعطيك خيرها ويكفيك شرها