.
.
كل شخص يذكر موقف او موقفين او كل مواقف مر فيها وهو كان صغير
.......
أنا أتذكر وأنا صغير .. طبعاً أهل جدة حيعرفوا عن إيش أتكلم بالضبط
تعرفوا سيتي بلازا إللي زمان كان إسمه المختار على ما أعتقد
كنت أحسبه البيت الأبيض .. وإننا لا تعدينا دوار السفينة وصرنا رايحين جهة
حي النعيم .. يعني إننا رايحين أمريكا ..
ورحت مره قهوة مصريه مع خالي حسيت نفسي اني قي القاهرة
والله أيام .. يعني كنت أتخيل العالم كله والكرة الأرضية هي جدة ...
.......
ومره كنت راكب مع ابويا في الامبالا 64
ونحنى طالعين لمكة
عطلت علينا السياره في خط السريع
ابويا نزل يشيك عليها وقال انها الكتاوت عطلت وصلحها
ورجعنا البيت امي وجدتي يسئلوني فين رحت مع ابوك
قلتلهم انا وكلي برائة طفولية
رحنا عند الكتاوت واشتريت ايس كريم...:rolleyes:
.......
كنت مفكر اذا الشخص كبر يكبر معاه لبسه وجزمته اكرمكم الله
:d
.......
مره شفت فلم الرساله واعجبت جدا في شخصية ابو جهل المهم صب مطر هذااليوم وامي تقول ادعي الدعاء مستجاب مع المطر قلت يارب انك تدخل ابو جهل الجنه
:d
.......
كنت احسب افلام الكرتون ناس داخلين داخل التلفزيون ونفسي ادخل العب معاهم
.......
كانت تصيبني حالة حزن لما اشوف غنمة تنذبح قدامي وما اقدر اكل من لحمها احس طعمه غريب
:(
.......
مره كنا في وادي وقاعد انادي اخوي الصغير
واسمع واحد يستهبل
كل ما اقول شي يقلدني
اخر شي قلت له يلعن شكلك يابن....
قالي يلعن شكلك....
ورحت عند ابوي أبكي
:d
.......
من كان عمري 9 سنوات كنت احب المشايخ
امثال سليمان الجبيلان والمنجد ومحمد حسين يعقوب وبن باز
ماكنت اعرفهم الا من اصواتهم يوم تشغل الوالده المسجل
واشتهرت بين اقاربي وعيال عمي بـ حب المشايخ
يوم من الايام رحنا زواج لواحد من الاقارب
فجوني عيال عمي الكبار وقالولي قريبنا هذا تزوج بنت عالم من العلماء والمشايخ كلهم راح يحضرون
دخل واحد مصري شبه شعبان عبد الرحيم وقالولي هذا محمد حسين يعقوب
رحت جري عنده وحبيت يده وراسه وجبت له شاهي وقهوه ومويه
وبعدها دخل واحد شايب وقالولي هذا المنجد
قلتلهم ليش كذا كبير انا شفته اول امس ماكان فيه شيب
قالولي ياغبي الحلقه ذيك اعاده من زماااان
رحت عنده وبست يده وراسه وقلتله ايش تشرب ياعم قالي شاهي مر
وجبتله شاهي مر
و واحد شباب مو مطوع قالوا لي هذا بدر المشاري القارئ المعروف
قسم بالله يا تمرمطت مرمطه ذاك اليوم
ولمن رجعنا البيت حكوا لابوي القصه وهو ميت ضحك وقالي تراهم يضحكون عليك
.......
مره كنت بحوش بيتنا الخلفي < حركات بيتنا القديم كان كشخه بحوشين http://vb.6lal.com/images/smilies/tongue.gif
المهم اشوف السحاب يتحرك وانهبل احسب البيت بيطيح واصرخ على جدتي اقولها البيت بيطيحhttp://vb.6lal.com/images/smilies/eek.gif
وهي تقولي طيب ياولدي وتبتسم ورحت خرجت قعدت بالشارع ورافض الدخول للبيتhttp://vb.6lal.com/images/smilies/confused.gif
وكح...بس...خلاص...
:d
