شباب دقشة فالشنطه كيف اصلحها ..؟ <مساعده>

السلام عليكم :)

شباب فيه دقشه بالشنطة خفيفه بس تغبن مادري هي طقه بيد ولا برجل ولا بكوره :mad:

ملبق موتري طلعت ولقيتها :(


طبعا ابي اصلحها يقولون الشفط كويس بس كلمت واحد يقول بيبقى اثر خفيف حق الطقطقه:( وانا مابي يبقى ولا اثر لأن الموتر اسود ويبان فيه كل شي فـــ ابي شوركم والسعر ما يهم اهم شي ابي كأن شي لم يـكن :d
اوديها الوكاله ولا وش اسوي فيها

طرت علي اشتتري شنطه بدالها بس مطفر :d

شباب تراها عفطه يعني واحد دفها بيده مهيب صدمه

اضغط عليها عشان تشوف زيـــــــن
http://file13.9q9q.net/img/76341413/DSC07119.JPG






http://file13.9q9q.net/img/65941843/DSC07120.JPG







http://file13.9q9q.net/img/33516143/DSC07121.JPG


اهم شي ابيها ترجع وكاااااااااله تكفون شورو علي ...

أححححححح تعور والله .,.,

شف اخوي., ماالك الا حلين.,.
شفط ولا سمكره .,.,
أنت جرب الشفط .,. زبطت .,. أوكي
واذا ما زبطت .,.
سو سمكره .,., << مدري ليه النااس ياااخفون من السمكره .,.,<< طبعا عند واحد فنان .,

وبس .,. :d

السلام عليكم
يا اخووي انا اشووور عليك انك ترووح للصناعيه القديمه فيها ورشه تعديل وشغله مجنوون وروعه وانا من رائي انك ترووح له لان السياره حقتك ماراحة البويه
الورشه اسمها ورشه الشباب
واسم المدير حق الورشه ابو نجيب وهو اللى يصلح لك السياره ويعدلها بدون سمكره ولا بوويه
هذا رقم جواله 0503415583

صنفره مين و الناس نايمين

يا ابو الشباب اطمر اقرب ورشة و اسألة عن الشفط ... و اذا قال لك موجود

شوف شغلة

و بعدين قرر اذا تبغى تشفط ولا ترش

لانه الرش يعني اختلاف في اللون .. و يبغالك واحد معلم يجيب لك اللون صح

سلام

:cry:

والله تقهر الله يعينك ياااخوي


ان شاء الله يفيدوك الاعضاااء

نصيحة : الورشة اللي تقول لك راح تصبغ جزئي ماعندها سالفة

اذا فيها صبغ بعد السمكرة لازم تسوي حرق فرن للشنطة وتصبغ الشنطة كامل علشان مايختلف اللون أو يتغير بعد فتره

( الكلام هذا أخذته من ورشة باسمير بالدمام وسكان الدمام يعرفون كيف باسمير ماعليهم كلام ويعتبرون أفضل ورشة بالدمام )

دخلنا كابريس أس أس تبع أخوي في ورشة بالدمام وأحسن مافيهم انهم يسمكرون وبعدين يودون الموتر للصبغ في ورشة باسمير

صبغ شنطة كامل ( بسبب صدآ تحت الجناح خفيف جدآ ) - ضربة خفيفة في الرفرف الأيمن ( وتم صبغ الرفرف الخلفي كامل مع جانب السقف اللي فوق الأبواب واللي يوصل للرفرف الأمامي حتى لا يختلف اللون ) وكل هذا بسعر 900 ريال .

طبعآ كل هالسالفة طرحتها لكم لأني كنت أقول ليش ماتصبغون جزئي فقالوا هذا أكبر خطأ ..

قريب راح ندخل عندهم أكورد مصدومة في الباب الخلفي وراح أنزل فيها تقرير ان شاءالله . وانت تحتاج لورشة تكون شغلها ممتاز ومجربة من قبل .

شباب صدمتوني والله

اي سمكره الله يهديكم عفطة مهيب صدمه يعني البويه مافيها مخوش اصلن

كان واحد دافها بيده وعفطها

اقتباس:

---

المشاركة الأصلية كتبت بواسطة ملك مملكة جدة

صنفره مين و الناس نايمين
يا ابو الشباب اطمر اقرب ورشة و اسألة عن الشفط ... و اذا قال لك موجود
شوف شغلة
و بعدين قرر اذا تبغى تشفط ولا ترش
لانه الرش يعني اختلاف في اللون .. و يبغالك واحد معلم يجيب لك اللون صح
سلام

---

:)
وفين المعلم الي يحبكها صح >> بجــدة
:d

فيه واحد من حلين :

يا انك تعفط مثلها الجهة الثانية <<< :p سخيف



او انك روح للورشة يشوفها بس ما يلمس فيها شي

يمكن تطقها من داخل وتطلع وتزين وشوف ايش يقول لك

ويمكن ما قدرت أتصور العفطة لان ليس من رأى كمن سمع والصور مو مبينة جدا

اذا قالك الورشة شفط ،،.. دور عنده موتر بيشفط ثم شوف بعد الشفط اذا صلح لك حلو واشرط عليه انه يرجعها زي ما كانت

انصحك بالشفط خويي شفط زاية الصدام الامامي كانت في عفطه ورجعت وكاله وسيارته التيما 2008 اسود
بـ15 ريال فقط لا غير بس يبيلك واحد فنان

سلااااااااااااااماااااااااااات احسبك مت ولا تكسرت اثرها دقه في الشنطه يا رجال فداك موتري كله واللي يرجع في كلامه ماهو رجال
بس ما الومك اذا كان الموتر نظيف وتجي دقه زي هاذا مدري وش تبي ما هوب وقتها الحين بس خيرها في غيرها
والله لو ادل ورشه تمام ما ابخل عليك بس ما ودي اورطك في اي كلام الله يوفقك انشا الله

لا تاخذ بخاطرك ولا شي الحديد يتعوض والطقه بسيطه وفي محل مو واضح مرررره رح للصناعيه واسال ومن سال ما تاه وترى سهلات لاتكبر السالفه ولا تاخذ بخاطرك لانك منت مستفيد شي اذا زعلت
الحين حاول يالذيب انك تحلها والناس اللي طقوا بسيارتهم وعدلوها ماعليهم زود عليك يالله يالذيب روح وبشرنا

اخر الاحزان شوف انا رح للوكالة وسونة لك شفط في الكهربة وترحع مثل اول واحسن بعد
لا سمكره ولا تعدين شفط في الكهرب

آآآآآآآخ بس والله الغبنه مثل كذا تجي تلقى سيارتك مصدومه وما تدري من اللي صادمها

سيارتي فيها اكثر من 4 حكات ووحدة من نص الباب الأول إلى آخر الباب الثاني والمشكلة ان كل الحكات ما كنت داخل السايرة

واقف بالجامعه واذا طلعت من المحاظرة القى سيارتي كذا , الظاهر اني ما تركت احد من جامعه الإمام إلا وسبيته من الغبنه

الله يعينك وإن شاء الله تتصلح الدقشه وتصير مثل أول واحلى :)

الله يعطيكم العافيه يا شباب

ما قصرتوا

ان شاء الله تتصلح وتصير احسن من اول << خخخخخخ

جرب انت بيدك دفها

يرجال طنش ووسع صدرك وتعيش وتاكل غيرها والحمدلله ماكان اعضم
وقدرالله ما شاء فعل:)