أسعار اكسسوارات الأكورد 2008-2009تعال وشارك
السلام عليكم ورحمته الله وبركاته
كيف حالكم ان شاءالله طيبين اذا طيبين ان شاءالله دوم يارب
المهم نخش بصلب الموضوع
ودي ياشباب اي واحد ركب قطعه اكسسوار للأكورد يكتب اسم القطعه وسعرها وموقعها
عشان محد ينظلم ويشتري من محل وينصب عليه المحل بسعر مرتفع
انا عن نفسي راح ابدأ بلي شريته:
1-جنوط فل اوبشن لـلأكورد 2008 بــ1566ريال
من الوكاله بفرع دمام
2-شبك نيكل كبس لـلاكورد2008 بــ 160ريال<<تراه تايواني اصرف من صيني بكثير
من محل الشراع على شارع تويوتا الي قبل وكاله تويوتا بدمام
3-شمعتين زنون فقط من دون محولات مقاس 9006 ولون 4300كلفن<<صيني ابيض مائل للأصفر بـــ 180ريال من محل تمران بالرياض بشارع الغرابي
ترى راعي المحل نصحني اذا جيت اركب شمعات قالي
اذا جيت تركب شمعات وصل الشمعتين معا بعض من دون ماتشغلها
بعدين اذا وصلتهم ثنتينهم شغلهم معا بعض عشان مايصير اختلاف بالالوان
4-انوار لوحه لكزس جي أس بــ 196ريال من وكاله تويوتا بالاحساء
انا ان شاءالله باقيلي الأسطبات الخلفيه الخليه وشفت اسعار متفاوته وودي احد
يعطيني اسعار اسطب الخليه وياليت يكون قريب من شرقيه ويعلمنا الي ركبها تايواني ولا صيني عشان لاحظت فرق كبير وقوي بين الصيني والتايواني من ناحيه لون وتحمل
وعادي اذا برياض ماعندي مشكله اتعنا له
وودي بمسكات ابواب نيكل ابي احد يدلني على محل قريب
وبخاطري بعد اخشب سياره تخشيبه حلوه بس ابي افضل محل برياض
وياليت الاسعار احد يحطها
