للمحافظه على داخلية السياره

السلام عليكم
للمحافظه على الفرشه الداخليه انصحكم بتركيب البلاستيكي الشفاف السميك بقيمه 180ريال
مع فرشه للشنطه ...

وعليكم السلام حياك الله
مشكور اخوي ابو موده بس ياريت تعطينا مكان محدد تنصحنا فيه باالرياض لاهنت
اشكرك اخوي تقبل مروري

مشكور على مرورك
وبالنسبه للمكان محل الإسماعيلي في الغرابي

الله يعطيك الف الف عاااافيه على المعلومه ،،

بس وانا اخوك كثير من سواها وبالذات بالمحل إلي انت قلته الإسماعيلي مايمدحونها وسبب انو بالمطر لما تركب في السيارة ورجولك فيها ماء تبقى المويه داخل التلبيسه إلي انت قلت عليها وبالطقااق يرووح المويه إلي فيها ،،، وبعد حتى الوسخ والحب راح يدخل جواتها مع مروور الأيام ،،،

وشاااكر لك اخوي الغالي على المعلومه :)

مشكور على المعلوومه

وجدت هذه من خلال بحثي للمنتدى

المشاركة الأصلية كتبة بواسطة المشرف : الهـادف

" أردت أن أقتبس هذه المشاركة لأن الموضوع قديم ولا اريد أن يتم رفعه "

أتمنى أن تفيدك

:)

اقتباس:

بخصوص تنظيف السياره من الداخل

.. آنه جربت اغلب الموااد المتوفرة عندنا في البحرين http://www.ss4ever.com/vb/images/smilies/smile.gif وبصراحه ما حسيت بفاده إلا من هذي ..

http://www.speeding.co.uk/acatalog/g4116.jpg

يدوم اكثر من اي ماده ثانيه .. ويعطيك لمعة حلوه وحمايه للطبلون و داخلية السياره ..
بس حاسب وانت تحطه لاترشه مباشرة على السياره من الدااخل .. خله على اسفنجه اول شي .. وامسحه على السياره .. واذا رشيته مباشره .. امسحه بسرعه ولاتخليه مده طويله لأنه بيخرب لك الطبلون ..

يعني لازم تحطه وتمسحه مباشره .. وهذي سعره تقريباً 3 او 4 دينار
وبالنسبه لأرضية السياره والسجاد .. في بعض الشباب .. يغطون الارضيه كامله .. هالشي يحافظ على السجااد نظيف .. ويزيد من عمره .. بس فيه عيب واحد ما احبه .. هو انه مايعطي نظره حلوه للسياره من الدااخل .. حتى لو كانت جديده ..

فأفضل شي .. انك تغطي بس الدوسات .. بهذي الطريقه راح تحاافظ على نظافة السجاد .. و اهم شي انه تنظيفه راح يكون سهل عليك .. فكل ماتغسل السياره .. نظف السجاد واللي ماراح يتطلب منك اي مكنسه او عواار راس ..

لكن هذي الشي مايمنع انك تنظف السياره بالمكنسه كل اسبوعين او ثلاث على استخدامك .. وحتى تلميع السياره من الدااخل يفضل انو تقوم به كل اسبووع ..

وشي اخير ..

تنظيف وتلميع الاطارات

بالنسبه للتنظيف .. لازم تحاسب للي يغسل لك السياره انه ينظف لك الاطارات بإستخدام فرشاه

http://www.speeding.co.uk/acatalog/pu_x1010.jpg

لأانه اذا نظفها بالاسفنجه والمااي ما راح تستفيد شي ولا راح يزيل لك الاوسااخ و الكربوون حق السفايف ..
وبخصوص تلميع الاطارات .. افضل ملمع استخدمته و يدوم مده ..

http://www.speeding.co.uk/acatalog/g7516.jpg

هذي على شكل عسل .. بس لازم تحاسب وانت تحطه .. انك تحط كميه معقوله ولا تزيد لأنه راح يتنثر على الرف رف .. اذا استخدمه كم مره راح تظبط حطته .. وهذي ميزته ان لمعته حلوه ويدووووم مده طويله .. يعني لأياااام ..

وان شالله يكون الموضوووع عجبكم واستفدتوا منه .. وراااح تشوفوون موااضيع اكثر في الايام الجايه عن تلميع وتنظيف السيارات .. وراح نغطي مجموعه اكبر من موااد التلميع .. وان شالله بيكون في موضووع للتلميع الآلي والموااد المستخدمه فيه ..

يعطيكم اللف عافيه على صبركم على الموضووع الطويل ..

رجاء :: عدم نقل الموضوووع لأي منتدى آآخر من دون ذكر اسم الموقع www.ss4ever.com ..

تحديث ::

مثل ماوعدتكم .. هذي المحلات في الرياض والشرقيه وجده .. اللي راح تلقون عندها ان شالله هذي الاغرااض

مؤسسة الدباسي للسيارت
الرياض : 2092910
الدمام : 8303298
جدة: 2842144

المنطقه الشرقيه : مؤسسة العربة الذهبية

الكويت :
شركة المجد الاول

قطر :
شركة العالم للخدمات التسويقيه

البحرين :

مؤسسة مستر شاين المنامة

مسااء الورد
انا ركبت ب 3 ريلات عمانية
= 30 ريااال سعوودي فقط

في مسقط

شكرا لك

بس يا اخواني السياره بتعيش معك طول عمرك يعني

عيش حياتك واترك عنك الوسوسه واستمتع بسيارتك

وكل شي في الحياة يخرب ويتوسخ ويتنظف بعدها

اجل على هالحاله لبس المكينه والجنوط و و و :d

.

مرسي على الرد العطر