استفسار عن مواصفات انواع اكورد 2009

السلام عليكم

هذا اول موضوع انزله في هذا المنتدى الرائع

حبيت استفسر عن مواصفات انواع الهوندا اكورد 2009 لاني ذهبت الى وكالة هوندا في شارع خريص

استفسر عن هذا الشي كل مندوب يقولي قيمتها كذا وكذا والفرق الي في هذي فتحه وهذي مافيه فتحه

انا اقولهم ابي المواصفات الدقيقه في كل نوع وكل واحد يقولي رح للثاني مليت منهم وطلعت من عندهم

قلت ما لي الا اخواني في المنتدى بيعطوني المواصفات الموجوده في كل نوع علما بان هذه الانواع الي اخذتها منهم

في الوكاله مع قيمة كل سيارة

اكورد ستاندرد ( 83900 )

اكورد سبيشل - فتحه - جنط 16 ( 89400 )

اكورد فل - مقاعد مخمل - فتحة ( 95900 )

اكورد فل - مقاعد جلد - فتحة (99900 )

ياشباااااب 10 مشاهدات ولا رد واحد اتمنى على الاقل المشرفين يردون

ولو بوضع رابط اذا كان هناك موضوع شبيه بموضوعي

اخوي والله ما عندي اي خلفيه
بس الفرق بين الفل والسبيشل المكيف والجنوط الكيف حق الفل اكتروني مكيفين للسواق والراكب والجنوطط مقاس 17

اقتباس:

---

المشاركة الأصلية كتبت بواسطة والله قهر

اخوي والله ما عندي اي خلفيه
بس الفرق بين الفل والسبيشل المكيف والجنوط الكيف حق الفل اكتروني مكيفين للسواق والراكب والجنوطط مقاس 17

---

تسلم يالغالي

اتمنى من الاخوان يعطوني تفاصيل اكثر

طيب واذا المشرف ماعنده خبر عن الأسعار :)

وترى موضوعك مطروح بيوم الخميس / يعني اغلب الأعضاء طلعات سهرات جلسات مسافرين ومنهم اللي نايم وهكذا

اقتباس:

---

اكورد ستاندرد ( 83900 )

---

مافيه اي شئ .. سياحية على الآخر ..

اقتباس:

---

اكورد سبيشل - فتحه - جنط 16 ( 89400 )

---

السبشل يعني نص فل .. وماتفرق شئ عن الستاندرد .. وتجي فتحة .. وجنط 16 .. زي ماقلت ..

المهم لقيت صور للأنوااع كله ..

وهذي داخلية السبشل والستاندرد ..

http://z.about.com/d/cars/1/7/r/x/08...lxpsed_int.jpg

لون المراتب على حسب لون البودي ..

http://z.about.com/d/cars/1/7/g/z/ag...xs_buttons.jpg

اقتباس:

---

اكورد فل - مقاعد مخمل - فتحة ( 95900 )

اكورد فل - مقاعد جلد - فتحة (99900 )

---

هذولي كلهم نفس بعض .. والفرق بينهم المراتب فقط .. ومواصفات كالتالي ..

تخشيبة .. جنط 17 .. كشافات .. ماسك كروم للباب .. مراتب كهربائية .. مكيف لمس وDual يعني الراكب القدام له تحكم بالبرودة خاصة والسواق له تحكم بالبرودة خاصة لكن قوة المروحة واحدة .. الشاشة أكبر وتشمل خيارات أكثر من السبشل .. 6 سيديات .. تلبيسة الباب تكون جلد (( سواءً المراتب جلد أو مخمل )) وليس مخمل زي السبشل .. تصفيط المرايا الجانبية كهربائياً (( بضغطة زر )) .. المرايا اللي بداخل السيارة (( بالنص )) يكون فيها زر لتعتيم المراية .. معرفة درجة حرارة الجو ..

حبيت اضيف اذا بتأخذ مراتب جلد بيكون الدراكسون جلد والقير جلد ..

وهذي صورة للفل (( جلد )) .. وصورة للديكور من قريب ..

http://z.about.com/d/cars/1/7/e/z/ag...s_intright.jpg

http://z.about.com/d/cars/1/7/i/z/ag...x_stereoac.jpg

وهذي صتورة لشاشة الفل ..

http://z.about.com/d/cars/1/7/a/z/ag...ctrdisplay.jpg

والمواصفات اللي كل الانواع فيها متشابهه .. وجود مثبت سرعة .. تحكم بالصوت عبر الدركسون .. بالتكاية وجود AUX ومحول 12 فولت .. وكذلك ولاعة سجائر خارجية .. هذولي اساسية بأي نوع بالأكورد ..

عطيتك كل فرق كبير وصغير .. وان شاء الله مانسيت أو اخطيت بشئ :)

مشكورين يا اخوان على الردووووود الجميلة واتمنى نخدمك مثل ماخدمتونا

في الايام القادمه ((( اذا اشتريت الاكورد ))) ان شاء الله

أول مشاركة لي بالمنتدى وإن شالله أفيد وأستفيد ..

فيه أكورد 6 سلندر بسعر ( 115 ألف )

نفس الفل 4 سلندر

لكن فيها بعض الفروقات

مثل :

1- وهو الأهم المكينة من قوة 2.4 إلى 3.5

2- أنوار زينون

3- مكيف خلفي

4- رشاش مويه للأنوار الأماميه

5- شكمانين

الله يكتب لك التوفيق