هذه أول مشاركة لي عبر هذا المنتدى الرائع الذي وجدت فيه كل ما احتاجه ..
في البداية أحببت ان اشكركم جميعاً فرداً فرد على ما طرحتموه وما زلتم تطرحوه لحل كل المشاكل التي تواجهنا .
ومعاناتي مع سيارتي (( هوندا أكورد 2008))
قير اوتو وفتحة ......... هي ..
كنت مسافر والمصيبة ان عندي اختبار مهم في الجامعة بالمساء وقلت اسافر متأخر عشان عندي سيارة جديدة وماراح اتعب كثير مع الطريق 500 كيلو بس .
المهم اول ما مشيت 60 كيلو وعند مطبات نقطة تفتيش .. ادعس على البنزين بعد ما هديت ما فيه فايدة..ادعس ما فيه فايدة ..
المهم انها ما انطفت بس ما فيه دعسه مررررررره ..
بعدين بديت أضع قدمي ( اكرمكم الله ) على الدعاسه شوي شوي وتمشي بس ما اقدر اضغط كثير ..
وبعد تقريباً 100 كيلو عملت نفس الطريقة المهم الطريق باقي طوووووووويل وعني اختبار مصيري وتعقدت معايا ..
وصارت تمشي لحد 180 بس بعد 10 كيلو تبدا تهدي من سرعتها وانا ما اقدر اضغط على البنزين اكثر لانها راح توقف .
وبعدين بعد 230كيلو تقريبا وعند نقطة تفتيش ثانية انطفت مررررره ( فشيله ) وشوي شغلتها ولا . كأن صار فيها شي تمشي بكل سلاسة عااااااادي مره يعني 180 ..... 200 ... تجيبها بالراحة ..
بس بعد 30 كيلو رجعت نفس الحالة . وقفت طفيتها وشغلت رجعت حلاوة .. بس ترجع كل ما اقطع كم كيلو .. بس عرفت الحل اطفي واشغل ..
المهم (( يا كثر المهمات )) يوم وصلت جدة ورحت الجامعة اختبرت ورحت الوكالة حصلتهم مقفلين الساعة 7 ونص .
واليوم الثاني الصباح كا ن الجو ممطر الاحد 28/1/1430 هــ اذا تذكروا يا اهل جدة . مو جو وكالة وتصليح ..
قالو لي في الوكالة ارتاح وازهلها قلت ما يخالف وبعد نص ساعة جاني مهندس الاستقبال وقال ما تبي تعمل صيانة 40 الف قلت لا مو وقته قال طييييييييب ننظف البخاخات والحساسات ونغير فلتر الهواء لانه معدوم .( عز الله ما غيروووووووووه ظلمووووني ) وووووووو . قلت ما يخالف المهم كم التكلفة قال 474 وبعد التخفيض 463 ((امحق من تخفيض .))
قلت توكلنا على الله .. ورجعت المغرب استلمت السيارة ( الساعة 7 وعشر دقايق ) طبعاً المهندسين روحو انتهى دوامهم وتوني عند الباب :confused: اضغط بنزين مااااااااافيه فايدة ..بصراحة جن جنوني رجعت قال الموظف المسؤل على الصندوق جيبها بكرة .. ياعالم عندي اختبارات (دكتور على عماها) . قلت طيب رجعت الصباح وانا مرفوع الضغط 1000 وحصلت الموظف وسويت معه مشكلة بس والله طلع مهندس ولا في الخيال اعصابه هادئة واخلاقة تخجل الواحد المهم قال انا المسؤل عن سيارتك ولا يهمك يا استاذ محمد .. قلت له دكتور مو استاذ
برد اعصابي على الاخر .. شاف السيارة رجع قالي خلاااااااااااااااااااااص لقيت المشكلة المنظم يبي له تنظيف بعدين انت شكلك كنت تمشي عليها وعودتها على سرعة معينه وبعدين صرت ما تمشي عليها واجد قلت له ايوالله انك صادق لي شهرين ما مشيت عليها اكثر من 140 .. قال هذه المشكلة ساعة وارجع تحصل سيارتك زي اللوز ..:p:p
المهم رجعت بعد ساعة واستلمت سيارتي طبعاً هذه المره قال لي على الضمان ما نبي فلوووووس .
وتوني عند الباب :confused: رجعت نفس المشكلة ..
يا اخوان بغيت اروح فيها صدقوووووووني تشهدت لان الضغط وصل مواااااصيل والقولون بغى ينفجر . رجعت عنده قلت له اركب سوق السيارة انت قال لييييييش قلت له ياخي حرااااااام عليك والله حراااام فلوس واعطيناكم وهي على الضمان وش تبون بعد ؟؟ سيارتي انتهت ولا راح ترجع مثل اول وباقيه في الضمان شوف لي المدير خليني اتفاهم معاه الله يرضى عليك ولا تراني بسوي شي ما يعجبك قال خلاص يالله انا ابي اسوقها واتأكد بنفسي .
اخذ الكمبيوتر المحمول وشبكة في السيارة وهي واقفة وما طلع معاهم شي ومشى في السيارة والكمبيوتر شغال وهو وزميله يناظروووون بعض ما فيه فايدة وعند اول اشارة طبعاً ((فرع الميناء)) رجعت المشكلة وحاول يضغط بنزين السيارات وراه معلقة البواري ما رضيت تمشي المهم انا جالس اضحك لاني اعر الحل في مثل هالحالة وهو انه يطفي السيارة ويشغلها وتمشي حلاوة بس ما قلت له نذاااااالة .. وانطفت الاشارة مرتين واشتغلت والناس ورااااااااااااااااااااااه واقفين اللي يسب واللي يتف عليه والا والا ..
المهم قلت له طفها وشغل ورجعنا على الوكالة وقالو هذه عين في سيارتك ما صلت على النبي .. ولازم تتركها عندنا كم يوم نشوف الخلل ..
وقالو بنركب لها طرمبه بنزين وبعدين نرسل استفسار للشركة الام واحتمال نغير الكمبيوتر لاننا نتوقع انه هو السبب ..
وبعد اربعة ايام هي الاسوأ في حياتي اتصلو علي وقالوا سيارتك جاهزة والسبب طرمبة البنزين وطلبناها من الرياض فرع خريص وجت وركبناها وتعال استلم السيارة
والان لي 4 شهور والحمد لله ما رجعت الحالة :cool::cool: الله لا يعيدها من حالة قولوا اميييييييين .
اخواني واحبابي سعدت بكم واعذروني على الاطالة واشكر مقدما من تحمل واكمل معاناتي مع سيارتي ..
