مساعده بخصوص السستم الصوتي

السلام عليكم شباب ...

حقيقة حبيت اركب سستم صوتي على اكوردي وما حبيت اخرب الطبلون الخلفي هل ممكن اركبه خلف تكاية المقعده وكيف يكون الصوت . نصيحتكم ياللي جربتوا .

طيب يا بعدي ..

شوف انا مركب اوفر كنود 1000 واط - سماعتين كنود hq 350 واط - امبلي فاير ساقا 1200 واط

الشغل له اكثر من سنتين للسماعات

اما الاوفر له سنة و شوي << جربت البازوكة jbl :)

http://img.alibaba.com/photo/1128255...be_Cs1204t.jpg

المهم

بالنسبة للتركيب على 03 الي 07 .. هذه طريقة التركيب ولا اسهل . بدون توليف او قص بالاسلاك او بالحديد

طريقة التركيب :

سلك واحد من البطارية الي الامبلي فاير ، و من الامبلي فاير يطلع سلك للمسجل ، و عاد الاوفر و السماعات تتشبك على الامبلي فاير

الصوت :

الصوت ولا اروع ، دق و طرب و كله ، ولا فيه اي مشكلة .

ملاحظة : انا مركب الاوفر خلف التكاية . تقدر تشوف الاوفر في صور سيارتي بالتوقيع .


...............

بالنسبة للـ 08 و 09 .. هذه لعنة من لعنات شركة هوندا في التصماميم ( انا اعتبرها )

التسليكات وحدة مثل الـ 07 بالظبط ( طبعا هذه التسليكات السليمة لاي سيارة )

لكن المشكلة انه مكان السماعات الخلفية يحتاج لقص و تعديل في الحديد ..

فأنصحك ركب العدة على صندوق و حطها بالشنطة .. ووقت ما بغيت طرب عندك حلين

1 - تفتح التكاية و تفك الباب الي وراها علشان يجيك الصوت
2 - تنزل ضهر المقعدة

ملاحظة : صندوق العدة بيكون الصوت فيه اقوى لانه العدة تكون مثبتة افضل من انها تكون مثبتة على الحديد .


.............................


بالنسبة للديكور :

03 الي 07 : ماراح يكون فيه اي تعديل على الديكور بالمره .. لانه كله فك و تركيب ( السماعات ) بالنسبة للاوفر علشانه خلف التكاية ، فقط يتثبت بـ 3 الي 4 مسامير ما راح تبان حتي وقت فك العدة

08 و 09 : ما تحتاج للعب في الديكور او غيره .. لانه العدة راح تركب على صندوق

ايوه زيادة شوي خليني انبرش لك

هذه العدة الي اتكلم عنها

الامبلي فاير فيه عدة انواع منه و اشهرها كالتالي :

كنود : يفضل استخدامة لعدة الكنود ( مثلا اخذت سماعات و اوفر ) < ناس تقول لكن اعرف واحد مركب سماعات jvc و اوفر بايونير .. و شغال زي الحلاوة ( مثل الي راكب على سيارة HONDA BOY ) و ما شاء الله مافي مره سمعته يشتكي منه

http://img.alibaba.com/photo/1090602..._Amplifier.jpg


سنكور SCNCOR ( مقطوع من السوق ) : انا جربتة سنة و اكثر شوي ما شاء الله ما قطع ولا مره فيها

http://up3.m5zn.com/photo/2009/5/13/...n247bx.jpg/jpg

AKAI - اكاي ( افضلهم لكن يسخن و يفصل ) : ميزه هذه الشركة انها شركة عريقة جدا في مجال الصوتيات .. و من انتاجاتها : مسجلات كاسيت - مسارح منزلية - مساعات ضخمة .. و غيرها من المنتجات الخاصة بالصوتيات



ساقا : امبلي فاير ممتاز و ما يعيبة شي ( انا الحين استخدمة )، ولكن انتبه فيه نوعين باسوق :


1 - نوع يسموه ابو مروحة : هذا مضافة له مروحة للتبريد

2 - النوع الجديد بدون مروحة : محد الين الحين مدحة لي ؟

و طبعا هذه مثل الاكاي .. لها منتجات خاصة بالصوتيات في البيوت .


........................

بالنسبة للواط

عاد يفرق من واط الي واط .

اذا كنت الحين تبغى تضيف سماعتين فقط و في المستقبل ناوي تضيف اوفر ، افضل شي تاخذ امبلي 1200 واط للمستقبل ، و على فكرة الامبلي فاير نادرا ما يخرب .

و لا تنسى تاخذ من الانواع الموجوده فوق تراها بكل امانة اجود الانواع و اكثر الانواع الي ماشية بالسوق

و هذه على سيارتي : honda accord 06 special

http://up3.m5zn.com/photo/2009/5/13/...uhjbjh.jpg/jpg

http://up3.m5zn.com/photo/2009/5/13/...r73pzf.jpg/jpg


http://up3.m5zn.com/photo/2009/5/13/...j37ds6.jpg/jpg