عرض للطباعة
السلام عليكم
والله ياشباب فيه كثير كارهين الاكورد ومتحسف والي متحسف وندمان يقول ليش
والي السياره اعجبته ويحمد ربه انا شراها يقول وش الي اعجبه
وانا والله ناوي بس فيه واحد خوفني ووكرهني في السياره وانا والله عاجبتني السياره
ونشوف ردودكم بس ياليت تكون بصراحه لاني على شرواكم انشاء الله شاريها
انا اتكلم عن موديل 2008 و2009
وسلامتكم
اول شي ودي اقول
امتلاكك لاي سياره لايعني انها الافضل << عارف ان في ناس بتجي وبتسوي الاكورد احسن من البي ام :)
والشي الثاني والله اول مره بحياتي اركب هوندا
والصراحه جدا ممتازه من كل ناحيه
صحيح ان مواصفاتها قليله لكن كلها على بعضها ممتازه
مشكور اخوي بس انا ما ابي الافضل ولا ادور مواصفات انا ابي سياره تكرف معي ما اتعبني ورش
انا مابقووول شي كلامي كله بقسم الصيانه مشاكلى كلها هناك وندمان ومقهوررر والقادم شكله اكثر ...و كل بلاوي طلعت لى ومتعبتني ومكرهتني السياره.. حاليا اتمني لو اني اشتريت سناتا ولا كامري فل والله كنت مرتااح بس الله يعين الفااس وقع بالرااس ..للمعلوميه السياره 2009 .... اخوي ترا مو كل الهوندات كذا:dunno: بس شكلها تمسيكه ببعض السيارات ...
يقولون اكوورد مزيونه ولابانوراما مديونه
ليه انقهر وانا يوم اشتري السياره مقتنع فيها وعاجبتني
والاكورد حلوه لكن اذا شريتها لاتلعنها وتسيء لاستخدامها لان اي شيء اذا اسيء في استخدامه يخرب ويبهذلك سواء اكورد او غيرها
لكن اذا كنت من العاقلين اللي ماهم مهابيل في السواقه بتمشي معك الاكورد بالراحه واقل شيء خمس سنين ماراح تحتاج لدخول الورش ويمكن اكثر
شي بسيط في الاكورد يخرب بسرعه وهي الفحمات ولكنها ماتأثر
انا اشتريها واغيرها بنفسي لان تغييرها سهل جدا
لذلك توكل على الله واشتر
اخوي اولا اذا تنظر للمشاكل
ادخل اي منتدى عربي مخصص لشركة معينة من السيارات و روح قسم الصيانه بتنفجع من المشاكل
بس هذا ما يعيب السياره ككل انت لو حاب تشتري اتوكل على الله
انا ما اقلك الاكورد ما فيها عيوب مافي سياره مافيها عيوب و لكن اذا كنت محافظ بإذن الله تعيش مع السياره من غير مشاكل
و في النهايه الرأي الاول و الاخير لك و انا اقلك استخير و الله يكتب لك اللي فيه الخير
مشكورين اخواني نشوف الباقين
بس بكل صراحه وش افضل اورين ولا اكورد
وهل الاورين تستحمل حقت كرف ولا لا ولا تموت في الورش
اخوي انت ماشريت السياره
يمديك تسجل في منتديات المخصصه لتويوتا و تشوف اللي يناسبك
كل سياره و لها مميزاتها و عيوبها
اذا انت منت راعي سرعه ويهمك الشكل الخارجي و الداخلي للسياره و برستيج الاكورد طبعا و تعيش معاك
اذا انت ما يهمك الشكل الخارجي و لا الداخلي بالمقام الاول خذ اوريون و تعيش معاك
و اذا انت راعي سرعه خذ التيما
والله انا ما ادور الا سياره حقت كرف تعيش معي وما اتعبني
واذا كان الاكورد بس فرامل هينه واذا فيه شي ثاني ياليت تقولون
وعليكم السلام,,
اول شي اخوي انصحك تستخير ,,
ثاني شي يعتمد انت وش السياره الثانيه الي في بالك غير الاكورد ,,
أخيراً اذا السيارهـ عجبتكـ توكل على الله ولا عليك من احد ,,
\\
//
\\
//
تـ ح ـيـآتـي
فقير الحظ ,,
انا مابي اقولك خذ اكورد ومن هالكلام بس تقدر تروح تجرب السيارتين وتشوف الفرق
ولاتنسى تستخير
موفق
والله اخوي السياره الثانيه اورين بس يقولون انا خرباتها واجد صح ولا لا
واذا كانت افضل من الاكورد من ناحيت الكرف ياليت الكل يفيد
وعليكم السلامْ ،
حياك الله يا أخويْ ،،
الأوريون ما أدري كان تسستحمل كرف ولا لاْ ،
لكن أنا أقول لك الأكورد الحمد لله تستحمل الكرف ،
وفي ناس أعرفهم شخصياً تعدى ممشى 100 ألف وهو 2008 ولا قالت السيارة شيءْ ،
وأعرف واحد عنده موديل 2006 او 2007 مو متأكد وممشيها 270 ألف ولا طلبت شيء غير الأشياء الاستهلاكيهْ ،
اذا قدر تجرّب السيارة وارتحت لها ، توكل على الله ،
ياغالي إذا مقتنع بالسيارة فترى والله روعه
والله الوالد معه باترول نيسان ومشى بسيارة أخوي من ديرتنا إلى المدينه
فيقول لنا والله أحاول أشتري أكورد يقول أحس إني في طيارة
انا اقوول لو تجرب السيارة افضل ,, وتستخير
مشكورين ونشوف الباقين
انا شريتها من 2008 شهر 8
والحين ماشيه حدود ال25الف او30 الف كيلو
ولا دخلتها صيانه
وجاها مطبات اليمه
ومع ذالك مبيضه وجهي والحمد الله مع اني اقدر اشتري لكزس ماعندي مشكله
ولا تحسفت عليها
اهم شي مريحتني وثباتها على الخط ويكفيني ان صناعتها يابانيه هاذي الحالها تاااج
ولم اعاني من اي مشكله تستحق الذكر
الصراحة انا استخدمت الكامري 2006
اول سنة ولا احلى لاكن بعدها صار ينقص الزيت
وكرهت السيارة وغير كذا ازعاج الهوا والسيارة خفيفة
و مع اللفات خفيفة
لاكن بعد استخدامي للاكورد احس ان معي سيااااارة مشاء الله
يخوي انت تقصد كرف من اي ناحيـه..؟
ترى الاكورد موتر ممتـاز جـدا وحرام اصلا
تكرفـه يعني موتر دلع وكشخـه..
وانا افضـله على الاوريون والكامري
احس حرام تقارن الاكورد بهالسيـارات..
ومثل ماعلمتك الاكورد حق كشخه ودلع..
مو تروح تفحط او كل شوي تاكل مطب او او ..الخ
وتقول موتر تعبـان ..اذا سويت كذا اكيد انها بتلعن خيرك خرابـآت
هي واي سياره ثانيـه..
تحيتي
مشكورين اخواني انا اقصد كرف يعني ما اتعبني كل شوي رايح وكاله جاي من وكاله كل شوي طالع شي
وانا عن نفسي سواقتي هاديه لاتفحيط ولا امه بس يمكن سرعه
الأكورد تدلعها =تدلعك
تبهدلها = تبهدلك
يعني حافظ عليها واكرفها صدقني حتريحك ع الآخر وإذا طلبت تغير قطعة وإن كانت غالية تأكد إنك مارح تغيرها مرة ثانية
صراحة من السيارات المتوسطة ماشفت ثبات ورساوة زي الأكورد ماشاء الله كل ما زادت سرعتك تزيد ثبات بعكس البقية
وذلك بسب التصميم ...
استخير وان كان فيها خير توكل على الله
الاكورد سيارة بس يبيلها سواق راااااااايق
يعني ...
محافظة ..
محافظة ...
محافظة ....
انا صحيح توني مشتري بس اللي اعرفهم من ربعي مرتاحين على الاخر الا وااااااحد بس والله ما ادري وش بلاااااه
ياخوي من توكل على الله فهو حسبه
أسأل الله العظيم ان يهديك الى الطريق الصواب بس لا تنسى استخير وأدعو المولى عزوجل ان يدلك على الخير .
إذا كان في شرائها خيرا لك فعسى ان يسخره لك الله واذا كان في شرائها شرا لك فعسى الله يصرفه عنك .
وتقبل مروري .............
الاكورد عمرها الافتراضي طويل وقطعها غاليه بس عمرها الافتراضي طويل وما تخرب بس لا تجور عليها استخدمها استخدام عاقل ولك مني ضمان ما تطلب شي لمدة خمس سنوات من المشاوير والمشي بس لا تاكل مطبات واجد ولا تداعس وتفحط
وترى الاكورد احسن من الاوريون والكامري في الاستخدام مو في السرعه وانت رايك هو الاهم في الاخير
ولاتنس الشكل والصناعه تتفوق عن الكامري بمراحل
انا كان عندي سيفيك 2004 استخدمتها 3 سنوات ما اكلت غير قماشات وبطاريه وبانزين وزيت غير كدا ما قلت تبغ شي وكرفتها كرف مشاوير
انا حولت من بي ام دبليوا كوبيه 97 ست سلندر 2500 سي سي
إلى اكورد 2008 2400 سي سي بس غلطتي اني مطلع 4 سلندر
وصراحة ما ارضى غروري
ليتني مطلع الـ 6 سلندر 3500 سي سي تعطــــــــــيـــــــــــــك لمن ترضيك
سيارة صح :cool:
فإذا بغيت اتطلع
طلع 6 سلندر وانت مغمض لان السيارة صراحة فخمة ولا تقارن بالكامري
سواء مستوى الديكور الداخلي او مستوى الأمان والرساوة والتعليق
وخل عنك الـ 4 سلندر ما يصلح يغث وتجاوبه بطيء نوعاً ما
انا معي 4 وليتني مطلع 6 << رأيي الشخصي مع احترامي للجميع