اليوم بروح أركب عازل حراري وابي اعرف وش الافضل

شباب حاب اعرف وش الافضل شركة زيبارة للعازلات الحراري او في كول واتمنى تفيدوني باسعر ومعاني اكورد2009 ازرق ملكي فل ابشن
وهل هنالك الوان او لون واحد

ليومار وعن تجربه

وبالتوفيق لك

زيبارت الاقدم والافضل بس السعر غالي ب 2000 ريال

بعده جونسون برضو قديم وسعره افضل شوي ب 1500 وممكن ب 1700 مو فاكر بالضبط

وطبعا الي عندك الاسود بدرجاته والشفاف

حبيبي ..
من غير فلسفه .. وعن تجربه مدة سنتين عندي جونسون
شغل نظيف ورايق ..

زيبارت او جونسون
لاتبعد عن ذول الاثنين
زيبارت اغلى فوق ال2000

لومار وعن تجربه لكن مادري عن غيره..

والله هذي المعلومه لك ولباقي الشباب اللي يفكرون بالعزل الحراري

اول شي ان كان سؤالك عن اللون المفضل فلا تضيع وقتك لاني ماعندي اي فكره عن الالوان

اما ان كان سؤالك عن جودة العزل الحراري وكفائته ، فأنت جيت لجهينه اللي بتعطيك الخبر اليقين

انا ماراح اعيطك اسماء !!! انا راح اعطيك طريقه تختار من خلالها الماركه والفلم اللي يناسبك

شوف يالغالي ولايهونون الموجودين اي فلم يذكر لك بانه جيد او ممتاز حاول تحصل على معلوماته ، ومعلوماته هذي تلقاها يا في موقع الماركه نفسها على سبيل المثال V-Kool لهم موقع فيه كل المعلومات عن جميع الافلام اللي عندهم ، او عند وكيلهم

واعيد واكرر تحصل على المعلومات عن الفلم المذكور لك بانه جيد وهذا يعني بان المعلومات تكون مسجله في نشره او جدول يعيني في وثيقه ، اما يجي واحد او وكيل الماركه يقولونك هذا طيب وكثير ناس جربوه ومن هالكلام قولهم ابغى تفااااااااصيل الفلم اللي قاعدين تمدحونه

يبي يطلعلي واحد ويقولي: ياخي كثرت علينا معلومات معلومات وش هي المعلومات اللي قاعد تتكلم عنها وكيف نقراها ونقارنها مع بعض ، راح اقوله ابي اعطيك مثال وبالمثال يتضح المقال على قولم ( احس اني قاعد اسوي محاظره ) الا ابي اعطيكم مثالين يالله تستاهلون

المثال الاول من شركة LLumar ، افتحوا معي الرابط هــــذا .

راح تلاقون جدول فيه جميع الافلام اللي عنهم وقدام كل فلم معلوماته ، انا شخصيا واعيد واكرر شخصيا اللي يهمني من الجدول خانة Total Solar Energy Rejection راح نلاقي ان الفلم اللي كوده ATR 05 ST SR HPR هو اعلى درجة عزل حيث تصل درجه عزله الى 68% لكن للاسف انا شخصيا مالقيته عند وكيلهم بجده :mad:

نجي للمثال الثاني وهو من شركة V-Kool افتحوا معي رابط منتجات هذي الشركه من هنا

راح نلاقي انهم مقسمين منتجاتهم على فئات ودرجات نجرب ونفتح رابط منتجات الـ V-KOOL Solitaire وهي افضل منتجات عندهم وواضح من اسمها للي يترجم الكلمه ، المهم نلاقي تحت هذا الرابط فلمين اثنين يعتبرون التوب لدى هذي الشركه K-70 و K-40 لما نجي ونشوف معلومات الفلمين وخاصة اللي تحت خانة الـ Total Solar Energy Rejection نلاقي الاول 55% والثاني 65% .

قام خويك اللي هو انا واعوذ بالله من كلمة انا ، ركبت هذين الفلمين من V-Kool خاصة ان وكيلهم حاط عينة اختبار يعني تركب وانت مطمن.

الى هنا ارجو ان يكون شرحي واضح وغير مبهم لدي البعض ولاي واحد كان مثلي دجاجة صقعا مافهم شي او اشكلت عليه اي معلومه اقوله الله يعينك ويعيننا عليك واحنا حاضرين.

ماودي اكون سبب في قطع رزق البعض لكن النصيحه لاخواني مستحبه ان لم تكن واجبه ، اذا اقنعك احد او انت اقتنعت باللي اسمه Zipart انصحك توفر فلوسك اوتركب من محلات الزينه اصرفلك .

ختاما: ارجو ممن يقرا هذا الموضوع ويستفيد ان يدعو لي ، ومن يرى انه مبهم ومعقد ان يعذرني في تقصيري

مشكور أخوي f_15ss أشهد انك وفيت وكفيت وانا معك 100%
مع إني مافهمت ولا حاجه بس نأخذ درس خصوصي

وحبيت أزيد عليك إن تستفسر عن الضمان

والله يوفق الجميع

أتوقع لومار يقدم نفس الخدمات

ويتفوق من ناحية السعر

جميع القزاز مع الفتحه مع حمايه للأنوار الأماميه بـ 1450 ريال من غير الخصم

ولو حطوا لك خصم بيعطونك اياه بـ 950 ريال

انا ماعرف كيف وضع الشركات الباقيه

لكن بالنسبه لي انا ركبت في كوول وبصراحه ولا اروع
والضمان 5 سنوات على العزل ودرجة اللون والخدوش اللي يسببها الغسيل

ولي مركبه سنه ونص تقريبا ولا اروع ماشالله

وزي ماقال لك اخونا f_15ss موجود عندهم عينات وغير كذا تقدر تختار الدرجه اللي تبغاها وتخليهم يركبون له على السياره تجربه عشان تشوف كيف شكله على السياره

أنا ركبت درايف سيفن (Drive 7) مع حمايه شفافه على الانوار الاماميه . اللون جميل جدا و الشغل جيد و مضمون 5 سنوات .

ركبت 0/1 على كل السياره ما عدا الزجاج الامامي 0/0 . طبعا مع 0/1 انت بتريح نفسك من مخالفات المرور . كلفني التظليل 1,450 ريال .

طبعا حط ببالك انا اثر على الراديو وجهاز الملاحة عندي

لومار وين اقرب فرع لهم في شمال جده

شكرا

يعطيك العافيه على هذي المعلومات
لأني بركب على السياره وما عرفت الأنواع الجيده والحين عرفتها

يعطيك العافيه مره ثانيه .