عرض للطباعة
السلام عليكم ورحمة الله وبركاته
ياخوان قدر الله علي اليوم حادث( اكورد 2006 )وابي منكم يابعد حيي تعطوني التسعيرة حقت القطع والصورة موجودة بالمرفقات ودي اشوف كم تكلف مع القطع وشرايكم وين اصلحها بالقصيم او بالوكالة والله اني متوهق والصدمة واصلة الى قبل التانكي بشوي.
(مع العلم اني من اهل حايل) فزعتكم يالنشامى. وشكرااااااااااااااااا
سلامات اخوي وماتشوف شر
فالحديد ولا فيك
وان شاء الله تكون خيره لك
وبخصوص التصليح ان شاء الله يفيدونك الاعضاء
السلام عليكم
سلامات الحمد لله على السلامه
الحمدالله على السلامة بالحديد ولافيكــ
علي حسب الصوره هي بتكلفكـ لاكن بالتحديد مدري كم لن يبيلها قص الشنطة
والله يعوض عليكـ
اول شي الحمد اللة على السلامة وماتشوف شر صراحة بتكلف كتير انا صار علي حادت قبل فترة غيرت كبوت وشمعة يمين و نيكل الشبك ورش الرفرف اليمين كلف4302طبعا2008واللة يعينك والحمداللة على السلامة
الحمد لله على سلامتك ...والله يعوض عليك
بالنسبه للقطع هي تحتاج قص الرفرف الايسر كامل لانه متضرر بشكل كبير عندك
وتكلفته في التشليح ماتقل عن 5الاف ريال
غطا الشنطه 1500 ريال تقريبا من التشليح
شمعه خلفيه كامله مع خلية الليد _800 ريال جديد <400 ريال مستعمل تشليح واذا كانت الخليه سليمه فقط الغطا الخارجي ب220 ريال
صدام خلفي 450 ريال تقريبا من التشليح
جسر صدام 250 ريال تشليح
ومادري عن وضع الكمر الخلفي هل هو متضرر او لا؟؟
وشغل اليد في حدود الـ5 الاف ريال (على حسب الورشة )
ولاتوديها عند اي واحد لانها تحتاج شغل صح ولا ماراح ترجع زي اول (خاصة الضربات اللي من الخلف )
ونصيحة لو صلحت لاتفكر في القطع التجارية نهائي حتى لو بتجيك مجانا والقاعده تقول (اشتري اصلي من التشليح ولا تشتري تجاري جديد )<<واسأل مجرب^_*
* الاسعار اخذتها من (تشليح في الرياض) على عجل لذلك قد تزيد او تنقص بفروقات بسيطة
تقبل تحياتي
يمال العافية والله مادري وش اقولكم ياحيي,
لكن ودي اعرف الشنطة ماتجي لحاله يعني (لازم قص)لان الصدمة قوية وبعدين الشمعة/الخلية شغاله بس متكسرالبلاستيك اللي مغطيها قصدي تنباع لحالها.وشكرااااااااااااااااا,,,
الحمد لله علي سلامتك يابعد حيي تصدق شفت الحادث حقك وقلت الله يكون في عونه الرجال انا انصحك لا تصلحه بحايل صلحه باقصيم ونا اخوك وانشاء الله الاعضاء يفيدونك بالتسعيره