استفسار صغنطووووط بخصوص صيانة الأربعين الف

السلام عليكم ورحمة الله وبركاته ،،

مساكم الله بالخير حبايبي ،، :rolleyes:

كيفكم ان شاء الله بخير يارب :)
مالكم بالطويلة ،، الإستفسار بسيط ومايستاهل مقدمات وحفريات ودورات وإشارات ....إلخ :p

المهم ياأخوان انا باقي لي فترة بسيطة وأدخل ملكتي الكوكو صيانة 40000 ( أربعين ألف ) والمطلوب هو وش راح يسوون بالسيارة لأني سمعت ان التغييرات الأولى تغيرت وفيه تغييرات جديدة فياليت إلي دخل صيانة الأربعين ألف قريب ، يفيدنا وبالذات إلي في الرياض طريق خريص الفرع الرئيسي ،، وياليت تفيدوني من ناحيتين ،،،

1/ وش راح يغيرون بالسيارة ..وبالعموم وش راح يسوون بالسيارة ..؟
2/ مدة صيانة السيارة تتوقعون كم بتجلس السيارة بالصيانة ..؟

شاكر ومقدر لكم جهودكم الجبارة ،، والله يعطيكم الف عاافية ،،:rolleyes:

اقتباس:

---

المشاركة الأصلية كتبت بواسطة تويتي

صيانة 40000 كلم


السعر : 550 ريال
وما بعدها حسب تكلفة الصيانة وشغل اليد

1- غيار زيت المحرك

2- غيار مرشح زيت المحرك (فلتر)

3- ضبط المحرك.. ويشمل:

أ- تغيير شمعات الأحتراق (بواجي)
ب- وزن البلوف
ج- تنظيف الكاربريتر- البخاخات
د- فحص صمام الـ pcv
هـ- وزن الديلكو
و- وزن سرعة المحرك
ز- وزن توقيت المحرك
ح- الكشف على شحن الدينمو
ط- الكشف على تشغيل السلف
ي- فحص نسبة غاز ثاني أكسيد الكربون

4- فحص ووزن السيور:

أ- سير جهاز التبريد (المكيف)
ب- سير المولد الكهربائي
ج- سير المقود الهيدروليكي

5- فحص وإكمال:

أ- ماء تبريد المحرك (راديتير)
ب- ماء البطارية
ج- ماء المساحات

6- فحص أسلاك شمعات الإحتراق

7- فحص الكلتش وزيت الكلتش أو سلك الكلتش

8- فحص كراسي المكينة والجيربوكس وتغييرها إن لزم

9- غيار زيت ناقل الحركة (جير بوكس)

10- غيار فلتر الهواء

11- غيار قلتر الوقود

12- فحص خزان الوقود (التانك) - المواسير والوصلات

13- غيار زيت المكابح مع التنسيم

14- فحص جميع مواسير وخراطيم المكابح

15- فحص المكابح الأماميه وتغيير الأقمشة إذا لزم

16- فحص المكابح الخلفية وتغيير الأقمشة إذا لزم

17- فحص ووزن مكابح اليد (الجلنط)

18- الكشف على المساعدات

19- الكشف على العكوس

20- فحص رومان بيلي الكفرات

21- فحص وضبط توازن الاطارات (ترصيص) وتوازن العجلات (وزن الاذرعة)

22- فحص وضبط ضغط هواء الاطارات واستبدال أماكنها

23- فحص وضبط ضغط هواء الاطار الإحتياطي

24- فحص العادم والحمالات ومسامير التعليق

25- تشحيم مفصلات الأبواب والكبوت

26- الكشف على السقف النتحرك (تندة)

27- فحص المساحات

28- فحص البوري

29- فحص المرايات الداخلية والخارجية

30- فحص جميع المصابيح والإشارات الأمامية

31- فحص جميع المصابيح والإشارات الخلفية

32- فحص جميع أجهزة التحكم والإضاءة الداخليه

33- الكشف على الراديو والسماعات والهوائي (أنتن)

34- تنظيف المحرك وفلتر الهواء بالهواء المضغوط

35- تربيط عام


36- غسيل و نظافة السيارة من الداخل والخارج

---

بخصوص زيت القير آخر مرة صاروا يبدلونه في صيانة الـ 60 الف :)

مشكورين وماقصرتوا
بس ياشباب فيه نقطه مهمه وماجاوبتوني عليها وهي فترة الصيانة يعني الوقت إلي يستغرقه في صيانة 40 الف كم بتجلس في الوكاله ؟؟؟

:confused:

كحد أقصى

يومين

ممكن توصل لـ 3 أيام

لكـن ماراح تحصل لك , إذا هي على فرع طريق خريص !

شف يالغالي
انا عن نفسي وديتها للصيانه
وخسرت 560 ريال
ماغيروا الا شي واحد بس
وهو فلتر الهواء
والباقي يقولون قيمة الصيانه
ومسئلة البواجي قالوا على صيانة 100000 ان شاء الله
ومسئلة زيت القير على 60000
يعني وبأختصار والله ماغيروا غير الزيت والسيفون وفلتر الهواء وغسلوا السياره الله لايبارك فيهم خربوا عليه التغبيره
يعني شف لوضعك
وبرضه اذا كانت الفحمات تحتاج لتغيير غيروها بس انا باقي فيها شده لكم الف كيلو
تحياتي لك يالغالي والله يكون في عونك

طبعاً
سيارتي جلست عندهم يومين وفوق كذا كان عندي موعد تخيل تقول رايح لمستوصف اسنان
يالله الله كريم
خذلك موعد
وشفلك سياره اسبير لمدة يوم

انا وديتها عشان كان عندي مشكلة (تفتفة في السيارة) قالو لازم تعمل لهل صيانة الاربعين الف . قلت لهم كم تكلف ؟
قال لي مهندس الاستقبال بعد ما طقطق على كمبيوتره راح تكلفك 1495 ريال .

قلت له لييييش مو صيانة الاربعين بــ550 ريال .
قال . لا نبي نغير بعض القطع و550 ريال اجور الصيانة وبس .اما القطع مع تركيبها (الباهظ الثمن) فعليك .
قلت له طيب كيف عرفت القطع الا بتغيرها في سيارتي بدون ما تشوف السيارة ؟ هل هي قطع استهلاكية والا وشلووون ؟
المهم نشفت ريقه وطلع ما عنده سااااااااااالفة .
قلت له صلح المشكلة الا جيتك من شانها وخل الصيانة عنك !!

^^^^^
عالعموم هذي سياتهم جيتهم كذا مرة في حدود ال5 مرات بسبب العيوب المصنعية
وكل مرة يقلي لازم تدخلها الصيانة عشان نغيرلك قلتله يابابا غير على الضمان وماني دافع شي
الشاهد انو لازم يقلك دخلها الصيانة عشان يمص جيبك الله المستعان
:::::::::::::::::::::::::::::::::::::::::::::::::: :::::::::::::::::

بصيانة الاربعين غيرو لي البواجي وصفاية البنزين وكرسي القير والفحمات الخلفية وبعض التشييكات على قولتهم

كلفتني تقريبا الف ريال

وقعدت السيارة عندهم يوم كامل رغم اني ماخد موعد قبلها تقريبا بشهر فرع خريص

تحياتي لكـ

ردآ على سؤالك : انا وديت الموتر العصر ( سبق وعملت موعد بالتلفون ) وأخذته اليوم الثاني الساعة 6 المساء وكانت الفواتير ماخلصت ونص ساعة وكل شي تمام

الحين فرع خريص سار مايستلم سيارتك الا اذا عندك موعد بإستثناء الخدمه السريعه طبعا

وبالنسبه لصيانة ال 40 الف انا رحت لهم وسألت بكم تكلف وايش يسوون قام طقطق في الجهاز ولف الشاشه علي يقولي شوف بنفسك صيانة ال 40 الف مجرد زيت وفلتر وتشييكات عاديه وتكلفتها ماذكر هي قريب من ال 400 ريال او ال 500

ولكن مايسوون فيها شي غير زيت وفلتر وقالها لي بالعربي خذ بعضك وعلى الصيانه السريعه غير زيت وفلتر احسن لك وارخص لك

ونفس الكلام حصل معاي على صيانة ال 50 الف وكان شخص ثاني اللي كنت ابي اسلمه السياره ولكن قال لي نفس الكلام الصيانه السريعه احسن لك

اقتباس:

---

المشاركة الأصلية كتبت بواسطة gray2008

الحين فرع خريص سار مايستلم سيارتك الا اذا عندك موعد بإستثناء الخدمه السريعه طبعا

وبالنسبه لصيانة ال 40 الف انا رحت لهم وسألت بكم تكلف وايش يسوون قام طقطق في الجهاز ولف الشاشه علي يقولي شوف بنفسك صيانة ال 40 الف مجرد زيت وفلتر وتشييكات عاديه وتكلفتها ماذكر هي قريب من ال 400 ريال او ال 500

ولكن مايسوون فيها شي غير زيت وفلتر وقالها لي بالعربي خذ بعضك وعلى الصيانه السريعه غير زيت وفلتر احسن لك وارخص لك

ونفس الكلام حصل معاي على صيانة ال 50 الف وكان شخص ثاني اللي كنت ابي اسلمه السياره ولكن قال لي نفس الكلام الصيانه السريعه احسن لك

---

طيب والتغييرات اللازمة مثل البواجي وزيت القير والأمور إلي زي كذا متى راح يغيرونها ،،، تتوقع بصيانة 60 الف ؟:confused:

وهل تنصحني اخوي الغالي على اني ادخلها الصيانه السريعة مع العلم ان سيارتي اكورد 2008 :o

والله عن نفسي افكر اسيبها لل60

لان جدول الصيانه مكتوب فيه كذا

وانتا على هواك حتى وديها لل40 وقلهم غيرو كل شي

او اسالهم احسن واضمن

والله انا ماشي 106اكورد 2008ولاغيرت الا فلتر الهواء مرتين والفحمات 6مرات خلفيه ومره اماميه غيره ماسويت شي

زيت القير 60الف غيرته

والحمد لله كل شي سليم والموتر من ازين مايكون خلك لى الزيت والفحمات والباقي يهون ماعليك خيووو

اقتباس:

---

المشاركة الأصلية كتبت بواسطة king

[/center]

---

أقول يصير خير

ادا عملوا 5 أشياء من لفوق ببيع السيارتي