تركيب شكمان ثاني بالصور

السلام عليكم ورحمة الله وبركاته
بعد التوفيق من الله تم تركيب الشكمان الثاني بكل راحه
في البداية أذكركم إن الشكمان شريته من وكالة البحرين
وهذي المعلومات عنه
http://www.hondaarabia.com/club/show...05&postcount=1

والآن
بعد ماركبت الشكمان
لاحظت قوة في العزم بفارق بسيط جدا بعد 3500 دورة أي 3.5
وفيه عيب بسيط لاحظته بعد التركيب إن الهواء في الشكمان الجديد بارد ومايكون بقوة الأولي
ما ادري لأن جديد يمكن يكون بارد وبالنسبة لقوة الهواء لأن مش توزيعة أصلية

طبعا هذي صور الربرات مع التركيب
طبعا ثبتها لي ببرغي بدون لحام
http://www.md-bs.com/up/uploads/imag...4731f6b93f.jpg

http://www.md-bs.com/up/uploads/imag...b49230ef6f.jpg

وهذي منطقة توزيع الهواء
http://www.md-bs.com/up/uploads/imag...8bc3995217.jpg

وهذي توصيل التوزيعة مع اشكمان
http://www.md-bs.com/up/uploads/imag...53d501b861.jpg

وهذي صورة السيارة بشكمانين
http://www.md-bs.com/up/uploads/imag...a2e5399a39.jpg

لاحد يسأل عن النور اللي شغال في السيارة ههههه
لأن هذا أثر الفلاش ههههههآي
وأي استفسار بالخدمة
كل التحية

ماشاء الله تبارك الله شغل عدل بس لو ركبته زينه بس كان أحسن لأنه اربعه سلندر بتقل عزم السيارة اشوي حسب ما عرفت

وانت سويت اكبر شغله وهي تركيب الشكمان ونااااااااسي أحلى وابسط شغله :d الا وهي تركيب العلامات V6 العلامات بالوكالة بـ 230 ريال :cool:

مشاء الله تبارك الله .,.
وانا مثلك دفع الهواء للشكمان الثاني أقل من الشكمان الاصلـــي.,


هل هو عاادي يا اصحاب السته سلنددر الحقيقين .,؟:d

اخواني انتو شارين الشكمان الثاني من الوكاله ولا التشليح ؟؟
وكم تكلفته؟؟؟
لاني ناوي اركب من التشليح

تسلموون على المرور

أخوي honda*2008
انا شاريه وكااالة وفيه رابط بالموضوع فيه التكلفة كامله من البحرين

كل التحية

ما شاء الله والله كذا:cool:

الظاهر ان المشكله اللي تقولون عنها صارت مع محجوب
وبعدها ماادري ايش سوا في سيارته وضبطها
ماابي اتفلسف لاكن انتظر يجي محجوب ويعلق على كلامي

اقتباس:

---

المشاركة الأصلية كتبت بواسطة AHN

مشاء الله تبارك الله .,.
وانا مثلك دفع الهواء للشكمان الثاني أقل من الشكمان الاصلـــي.,


هل هو عاادي يا اصحاب السته سلنددر الحقيقين .,؟:d

---

لا كل شي اوكي

الدفع من الجهتين بنفس القوه

حتى في الشتا الدخان او البخار اللي يطلع من السياره وهي بارده
نفس الكميه من الجهتين :cool:

بأنتضار محجوب:)

تسلموون على المرور
ولاننسى الدفع في v6 يختلف عن v4 لما نسويه شكمانين
لأن التوزيعة مو توزيعة وكالة

وننتظر محجوب يعلق على الموضوع
ويعطينا الحل في طريقة توزيع الهواء الصحيح

كل التحية لكم

أول حاجة ..
الأخ بداياتي .. أحب أبارك لك بالشكمان الثاني وان شاء لله تهريه بالعافية :d .. وأهنيك على الشغل النظيف من ناحية تركيب الدبة وكل ما قللت شغل لحام كان أفضل :cool:
ثاني حاجة ..
الأخ accord 2007 ... كلامك صحيح مئة في المئة .. وهذي المشكلة كانت عندي تماما وبالفعل تم حلها ...

لما ركبت الشكمان الثاني .. ما كان في أحد أعرفه أو سمعت به سواها قبلي .. خاصة أن موديل سيارتي مو باين فيه الشكمان الأول علشان الناس تركب شكمان ثاني ... بس أنا حبيت أتهور ودورت وسألت وأصريت أني أركب ... المهم .. اخذت الدبة من التشليح ورحت لليماني وفلت له ركب .. قال كييف .. قلت له الطريقة .. وتم التطبيق .. ألحين وأنا أطالع في الصور وبالخصوص صورة منطقة توزيع الهواء .. تذكرت كيف "كان" الوضع عندي .. نفس الطريقة تماما ..

خلينا أول نعرف ليش الهواء يطلع قليل وبارد وبعدين نروح للحل .. أول شي الهواء القليل ...لما نطلع في هذي الصورة نعرف علطول أن توزيع الهواء غير متساوي والسبب أن البيب المضاف مركب بطريقة غير سليمة لتوزيع هواء مثالي

http://www.md-bs.com/up/uploads/imag...8bc3995217.jpg

ثانيا أن الهواء بارد .. السبب هو لأن الهواء القليل اللي جاي للدبة الثانية يعبر مسافة أطول حتى من الهواء الرايح للدبة الأصلية .. وبما أن البيب مصنوع من الحديد فهو يبرد الهواء (القليل) بسرعة ..

الحل : أنا كنت مضايق من هالشي وبقوة .. سألت واستفسرت وقالوا لي أن الحل هو استبدال منطقة توزيع الهواء (اللي على شكل Y) بتوصيلة جديدة ... رحت لمصنع العتيبي في طريق الكباري (الدمام - الخبر) وخليته يفصل لي توصيلات اكزوز جديدة بالكامل لأن التوصيلات عندي كانت تعبانة ومليانة لحام من كثر ما أسوي تجارب وأشيل وأركب في الدبات اللي عندي

بالنسبة لكم أخوي بداياتي و AHN اللي عليكم هو أنكم تبدلوا فقط المنطقة اللي توزع الهواءالى الدبتين بتوصيلة جاهزة أو تفصيل بس أهم شي توزيع الهواء فيها متساوي ..

بالنسبة لشغلي أنا لما بدلت التوصيلات ركبت الجديدة بقطر أوسع من الأصلية <<< لزوم التعديلات المستقبلية .. المهم هذي ثلاث صور توضح الشغل كيف هو عندي

http://i680.photobucket.com/albums/v...tachment-1.jpg

http://i680.photobucket.com/albums/v...attachment.jpg

http://i680.photobucket.com/albums/v...1/attchmnt.jpg

^^^^^^^^^^^^^^
هذي الصورة توضح المنطقة اللي توزع الهواء ولاحظو كيف الشغل نظيف ....... طبعا هذا الكلام صار قبل سنة ونص تقريبا .. وللآن ما في أي مشاكل ولله الحمد :rolleyes:

أي استفسارات ثانية لا تترددوا ;)

مشكور محجوب أنا ركبتها و الدفع متساوي
و كما قال محجوب المشكلة بحرف y أنا عندي كان التوزيع متساوي فالحمدلله كله تماما
و لا تنسوا يا شباب أن الشكمان اليسار أبعد عن منطقة التفريع من الأيمن
و هذه الحالة ما تخوف و كله نظامي
و مبروك الشكمان بس لو كان الطلاء بدل أسود فضي كان أفضل
و ياريت تروح و ترش اللجام لأن من الصورة ظاهر انه غير مطلي و هذا مع الوقت رح يصدي فانتبه
مشكورين

مشكور أخوي محجوب على المرور اللي أروعني
ترى اللي اشتغل في سيارتي يماني من 30 سنة في الشكامين
وهو قال لي الوصلة اللي حطها عبارة عن قطعة من البيب داخل البيب الأصلي
عشان الهواء يدخل للجهة الثانية

انا بكره بمر عليه ان شاء الله وبسأله عن طريقة y
ان يسويها بخليه يصلحها وإن مايسويها نروح للمحل اللي تكلمت عنه

كل التحية

ناخذها بقوانين تعلمناها من ارامكو

الهوا اللي يطلع من الشكمان في ضغط خفيف
بس المسافه اللي يقطعها الشكمان الاصلي اقل

على شان كذا يدور اقرب مكان الضغط فيه اقل ويتوجه له

خخخخخخخخخخخخخ

ادري ماعندي سالفه وفيني النووووووم

يعطيك العافيه أخوي محجوب .,.
بس وشسمه .,. المكشله اني مسويها عند العتيبي .,
يعني غريبه ما انتبهوا لها .,..,.

http://i684.photobucket.com/albums/v...4/DSC00425.jpg

http://i684.photobucket.com/albums/v...4/DSC00426.jpg

http://i684.photobucket.com/albums/v...4/DSC00424.jpg

بداياتي ... الحركة اللي سواها لك اليماني وهي أنه يدخل البيب الجديد داخل الأصلي شوي .. الحركة جيدة ولو طبقها صح كان ظبطت 100% .. ولو تراجع موضوع أخونا Tony الشغل عنده بنفس هذي الطريقة وزي ما تفضل الهواء عنده متساوي ..

AHN ... العتيبي ما راح يبدل شي من البيب الاصلي الا اذا انت قلت لهم .. خاصة ان اللحام والمواصير زاد سعرها هالايام وكل شي بحقه ... يعني لو ترجع لهم الحين وتقول لهم سووها راح يقول لك على العين والراس بس أهم شي تدفع المقسوووم ..

يعطيك ألف عافية أخوي محجوب
وراح أبلغك بآخر الأخبار بعد التعديل

كل التحية

الله يعطيكي العافيه على الموضوع
اما انا مركب شكمان ثاني بس
بمره شغل تعباااان
ولهذا السبب ياقمر

تعرف احد في جده يركب شكمان ثاني كويس لانو يلي عندي بمره لا منظر وله قوه حتى منطقة التوزيع تعبانه

طيب ايش الفايده بعد التركيب هل زادت قوة السيارة