استفسار اللي معه اكورد 2009

السلام عليكم
صباح / مساء ..الخيرات على الجميـع

الله لايهينكم ياشباب
انا عندي اكورد 2009 الى الان ماكملت 800 كيلو
واجهت فيها مشكلتين
مدري اللي معه اكورد 2009 يفيدنا اذا واجه المشاكل هذي او لا
واذا واجه اي مشكله اخرى اتمنى يفيدنا فيها عشان الجميـع يستفيد
اول مشكله واجهته واسمـع الكثير يشتكي منها .. تنسيم القزاز واحس اني راكب ددسن 91 مقلوبه ثلاث مرات
ثاني مشكله صوت طقه خفيف من جهة باب الراكب ..مدري الصوت من جهة الباب او من جهة الحزام

عموما اللي مرت عليه هالمشاكل او مشاكل اخرى يفيدنا فيها الله لايهينه
واللي راح الى الوكاله بخصوص هالمشاكل يقول لنا وش صار معه
الف شكر لكم جميعا

غريبة اول مره اسمع بهالمشاااكل

بس الي اعرفه مساله التنسيم على السرعات العاليه شي عااادي

>>>يعني الصوت مو رجه بس فيه صوت خفيف


الله يعينك ياخوووي

ووديها الوكاله احسن هم ادرى

هلاااا اخوي ابو سعود خصب عليهم يصلحونهاااااا
اكيد قاالولك تعال صياانه 1000 كيلو اذا رحتلهم انشب في حلوقهم ولا تتسااهل معهم ابداااا وقل عن مشااكلك كلهااااااا

الله يعطيكم الف عافيه اخواني على تجاوبكم

وعليكم السلام
زي ما قال اكوررررد2009 انشب في حلقهم
واحب اقول اني واجهت صوت طقة في الدركسون مع كل لفه يمين او يسار وزبطوه على الضمان

يـارجال خلها على ربك بس
كل شوي طالـع بلى
الحين اسمع فيه صوت طقه خفيفه من عند المكينه جهة السير
شفنا عكس ماسمعنا عن الاكورد

انتبه لاتوسوس مثلي اول ماشريت السيارة
اطفي المسجل و الزق اذني بالدريشة والله لونها افخم سيارة بيطلع تنسيم
من ناحية الاكورد الجديدة مافيها عيوب تصنعية الا الفرامل فقط
اما من ناحية الفل الكامل فيه مشكلة قساوة السيارة داخل المدن ولاكن على حساب رساوتها في الخط بس ضروري اي شي تلاحظة تبلغة عند الصيانة يمكن تحتاج تربيط او شي بسيط .
تقبل مروري وشكرا

والله خوفتني من السياره وانا كنت افكر على السته
بس انشاء الله تكون موسوس والله السياره متعبتني حيل والله يرزقني وا اخذها
وانشاء الله تنحل المشكله

أخوي أبوسعود .. أنا نفسك بالزبط معي 2009 وعندي نفس اللي تقول

مسألة التنسيم .. صارحه ما انتبهت له ولا جبت خبره .. بس يوم سمعت العالم تتكلم عنه صرت أدقق عليه .. يعني أس فيه تنسيم إذا مشيت 160 - 180

والصوت اللي تقول عليه وين مكانه بالزبط :
- أنا عندي صوت مكان عروة الباب حق الراكب .. والراكب يسمع الصوت عندي
- عندي صوت بمكان الحزام .. يعني إدا دست للسياره ولا هديت يطلع معي .. كأن السياره تتمغط

في فرق بين التنسيم واحتكاك الهواء بالسياره
مسألة نفسك ليه ماتسمع الصوت هذا وانت ماشي 40-60-100 << طبعا لانه مافي احتكاك قوي بين الهواء وبين السياره:d
وطبعاً كل مازادة السرعه كل مازاد احتكاك الهواء في السياره
طبعا انا اسمع ناس كثير تقول كلمةتنسيم
هذا ماهو تنسيم هذا احتكاك الهواء في السياره
الطياره اللي هي الطياره وافضل عزل داخل المقصوره تسمع صوت ازعاج وهو احتكاك الهواء باجزاء الطياره والسبب اكيد من زيادة السرعه في الطياره

في الاخير فرقوا بين كلمة تنسيم وبين كلمة احتكاك

الله يعطيكم الف عافيه اخواني جميعا على ردودكم
اخوي والله قهر ...اتمنى اكون موسوس :) ولاتخاف كلها اشياء بسيطه

بالنسبه اخوي imac الصوت يالغالي مثل ماتفضلت انت اسمعه من جهة الحزام للراكب
طبعا اذا الشارع في حفر وانت مهدي تسمع الصوت واذا دعست للسياره وهديت برضو تسمع الصوت

بالنسبه لصوت التنسيم انا معي وانا امشي 40 وكل مازادت السرعه زاد الصوت
انا دخلت السياره اليوم في الوكاله تشييك 1000 ووضحت للمهندس كل المشاكل اللي واجهته
قالي لاتشيل هم وتعال بكره الساعه 2 الظهر استلم سيارتك
الله يكتب اللي فيه خير

اقتباس:

---

المشاركة الأصلية كتبت بواسطة accord 2007

في فرق بين التنسيم واحتكاك الهواء بالسياره

مسألة نفسك ليه ماتسمع الصوت هذا وانت ماشي 40-60-100 << طبعا لانه مافي احتكاك قوي بين الهواء وبين السياره:d
وطبعاً كل مازادة السرعه كل مازاد احتكاك الهواء في السياره
طبعا انا اسمع ناس كثير تقول كلمةتنسيم
هذا ماهو تنسيم هذا احتكاك الهواء في السياره
الطياره اللي هي الطياره وافضل عزل داخل المقصوره تسمع صوت ازعاج وهو احتكاك الهواء باجزاء الطياره والسبب اكيد من زيادة السرعه في الطياره

في الاخير فرقوا بين كلمة تنسيم وبين كلمة احتكاك

---

يا عيني عليك يا ملك

هذا هوا الحل الاليم زي ما يقولوا

شكرا لك

^^^

غير احتكاك الهواء .. صوت الكفرات مززززززعج مررررررررره

ياغالي اذا حليت صوت الي تقول عليه في الحزام انه كأن السياره تمغط اعطونا خبر لأن انا نفس المشكله واكيد الصوت من الجهتين

انا طلعتلي المشاكل هاذي وتراها بسيطه وسويتها على الضمان وترى الوكالة يدرون بالأصوات. :shawrma:

والله رحت الوكاله ويصرفوني ولا ايش ماني داري يقولولي طبيعيه

أخوي أبو سعود .. لأي فرع رحت .. وبشرنا وش صار معك

أخوي أكوورد .. لأي فرع رحت أنت

وياليت ترد على موضوعك اللي يتكلم عن هالشي :)

اخواني يعطيكم الف عافيه جميعا على تجاوبكم الا كثر من رائع

عموما يالغالين
اللي واجه نفس المشاكل ويتسائل
انا امس وديت الموتر في الوكاله الموجوده في الدمام على طريق الكوباري
المهم قالي الفلبيني تفضل استريح وبصدر رحب ..قالي اشرح لي المشاكل اللي تواجهها بالسياره
قلت صوت تنسيم في القزاز مزعج جدا حتى وانا امشي اربعين
ولو يشطفني بنقالي بسيكل اسمع صوته
وقلت له برضو صوت الطقه اللي من جهة الحزام جهة الراكب اللي على قولة اخونا ( السياره تمغط ):)
وقلت له صوت خفيف جدا في سير المكينه ولاسمعته الا مره وحده
جلس تقريبا خمس دقايق يشخمط بالورقه عنده
وقالي تعال بكره الساعه ثنتين الظهر استلم السيـاره
قلت حلو
توكلت على الله ونمت نومه هنيئه
صحيت اليوم الثاني ..وكان عندي دوام الساعه اربعه ..قلت بمر اخذ السياره واطلع لدوامي من ورى
المهم جيت الحبايب ..قالو والله للحين ماخلصنا بس احسب لنا ساعه يعني على الساعه ثلاثه وانت مستملها
قلت كلام جميل
رحت احوس بالصاله اناظر بالسيارات
ورحت لقطع الغيار اسعر الكشافات وغيرها
المهم ماصدقت جت الساعه ثلاثه ..جيت عند الزول مصطفى قلت ياخوي ماصارت جهزت السياره ..قال خمس دقايق ..قلت طيب ...المهم جاني هو وخشته قالي ماعليش انا اعتذر جدا على التأخير ولكن عليك الله تسامحنا
قلت ياخوي مسموح اهم شي عطنا السياره خلنا نلحق على دوامنا
قال تفضل استلمها
شوي الا جايني الفلبيني على سياره ثانيه يقولي تفضل
قلت وشو تفضل:eek:
ماهيب سيارتي هذي
طلع فيه تشابه في اللوحـه... الارقام نفسها بس الحروف تختلف ..( والدلوخ يمشون على الارقام وساحبين على الحروف )
المهم في ذيك اللحظه كنت بخلي الاستاذ مصطفى يودع الدنيا :shawrma:..لكن الحمد الله تمالكت اعصابي
وجلسو يعتذرون وغلط مطبعي وابشر الحين بنشتغل في سيارتك بس عطنا نص ساعه
قلت بلا نص وبلا ربع انا طالع لدوامي واجيكم يوم السبت
المهم ماقصر واحد من الشباب راح استلم السياره
والزبده من هالكلام كله وهالهذره اللي مالها سنع
ان السياره جتني ورده ابشركم
ولافيها اي مشاكل
صوت الهواء بح
وصوت الطقه اللي من جهة حزام الراكب بح
وصوت سير المكينه بح
امورنا في السليم الحمد الله

اعذروني على الاطاله
بس موقف يرفع الضغط وحبيت افضفض:(
يعطيكم الف عافيه وبالتوفيق جميعا

الله يبشرك بألف خير يالغالي ..

بصراحه سالفة اللوحة والتشابه .. ذكرني بطفلين جيزان وتركيا هههههههههه

عندنا عالم دايخه .. يعني لاتستغرب هالحركات منهم .. فلبيني وسوداني .. وش تتوقع يعني

المهم ..
بعد كلامك هذا إنهم زبطو الموتر . بإذن الله بروح للوكاله
بس الصراحع فرعنا بالقصيم يهد الحيل

هلا بالجميع الصوت اللي طلعلك ياخوك نفسه في كل اكورد كل اكورد وصوت الطقطقه لاتخوفك هذا صوت الحزااااااام ويشمل كل الهوندا

ايه هذا الكلام اللي يفتح النفس خليتنا نوسوس وحنا مابعد شرينا السياره الله يعطيك خيرها ويكفيك شرها وان شاء الله ماتسمع صوت ولا شي :):):):):):);)

شباب انا طلعتلي نفس المشكله

واتنين من اصحابي عندهم نفس سيارتي وعندهم نفس المشكله

بالنسبه للاصوات اللي داخل السياره وديتها الصيانه وصلحوها

هيا عيب في كل الاكورد سواء الكوبيه ولا السيدان

والصوت صادر من الشنطه ( خلف المقعده الخلفيه)

فيه أعمده عرضيه داخل الشنطه (تحت السماعات) يحتكوا في بعض مع كل ميله للسياره

فقط يقوموا بتوسيع المسافه بينهم لمنع احتكاكهم ببعض ويروح الصوت نهائياً

اما بخصوص التنسيم حق الهواء

نسيت اقلهم عليه

بس فعلا في تنسيم حتى وانت ماشي 40

ولو كنت رافع التنده يبان التنسيم اوضح حتى وانت مقفل الغطاء حق التنده بس لما تقفلها يخف التنسيم بس مايختفي

ان شاء الله ما انسى المره الجايه اقلهم عليه

والسياره فعلا خشنه وثقيله في البلد بس في الخط زي العسل

و شكراً

امممممم بالنسبة للصوت الي انت ذكرته الي يطلع من ورا صحيح حتى انا عندي هـ الصوت

وفي صوت ثاني يطلع من قداام
صلحته الوكالة لكنها رد :mad:

برد للوكالة:d


لكن صدقت ف الخط ما عليها كلام ماشاء الله