عرض للطباعة
السلام عليكم ورحمة الله وبركاته
مرحبتين بالجميع
اخوان انا قدر الله وصار لي حادث بسيط :( << الحمد لله على كل حال
وانشق صدامي الخلفي مع الزاويه اليسرى
والسؤال يا حبايبي
كم سعر الصدام الخلفي في التشليح ؟
واذا انتم تشورون علي اني اسمكرها في ورشه
وش افضل ورشه تظبط اللون ؟
مع العلم ان موتري موديله 2007 لؤلؤي (( أكورد ))
وباللهي اللي عنده ارقام تشليح لا يبخل علينا ,,
ابي رد سريع لاني مدخل موتري بأذن الله يوم الاربعاء ,,
تحياتي للجميع
وعليكم السلام ورحمة الله .....
يا هلا أخوي أمير الأكورد .........
إنشاء الله ماتشوف شر إنشاء الله .........
طيب أخوي أنت ذكرت كل شيء بس بقي وين أنت ساكن حتى نقدر نفيدك ( الرياض - الشرقية - القصيم - جدة - ؟؟؟؟؟)
اقتباس:
المشاركة الأصلية كتبت بواسطة ن ع ر السعودية 0005
اسف اخوي
وانا ساكن بالرياض
******
كم تتوقعون راح يكلفني الصدام في الورشه ؟ !!
وعليكم السلام ورحمةُ الله ،
الحمد لله على سلامتك ، وفي الحديد ولا في العبيدْ ،
والحديد ان شاء الله يتعوّضْ ،
وباين من كلامك أن فقط الصدام ( البدي ) هو اللي تأثّر ، يعني ان شاء الله أمرك هيّنْ ،
اذا تتبغى أي شيء من التشاليح عند المشرف العام الملكـ أكورد ، أظني يقدر يفيدكْ ،
وان شاء الله بقيّة الأعضاء يفيدونكْ ،
وبإذن الله ترجع سيآآآرتـِك أحلى من أوّل ،
وعليكم السلام
رح لتشليح الحاير بتقلى هناك انواع واشكال من الصدامات وفيه تشليح للهوندا ناسي اسمه المهم انك اذا بغيته اول ماتجيك الصبات على اليمين المدخل الرئيسي حق تشاليح الحاير ادخل معه واول لفه على يدك السيار بتحصله اول محل على اليسار
ما يحتاج تشليح ..
رح للورشه خله يزينه لك بالفيبر .. يطلع مثل وكالته بالضبط ..
عندك حل من اثنين :
اولا : تغير الصدام من التشليح يكون شد بلد لا ترش ولا شي = 350-400 ريال
ثانيا : تصلحه بمحل فيبر بـ 50 - 100 ريال + رش الصدام 400 - 500 ريال
ما فصرتوا يا حيايبي
لكن ما احد منك جاوب على اسئلتي
اقتباس:
كم سعر الصدام الخلفي في التشليح ؟
واذا انتم تشورون علي اني اسمكرها في ورشه
وش افضل ورشه تظبط اللون ؟
مشكور اخوي المسافر
وما قصرت وشكلي استعجلت في ردي
بس يا ليت تفيدوني اكثر
الحمد لله على السلامه
مثل ماذكر المسافر
اول خطوه رح لمحلات الفيبر في الصناعيه القديمه واذا يصلحونه لك خير وبركة ..وفّرت على عمرك قيمة صدام
تحياتي