النمنم ابو ديل...حقيقه ام اسطورة من اساطير العرب

.
.

سكرو اللمبات

والبيبان

وسكرو الستاير

وخلو الغرفه ضلام...

زمان والله يرحم كلمة زماااااااان

زمان لمن كنت صغير ولمن اسوي شيطنه وشقاوه وعفرته اهلي كانو يقولولي دحين يجيك النمنم ابو ديل يانموور

وكنت اخاف...:d

دحين

صرت اسمع بكلمة نمنم مرة تانيه

وصارت تطلع اشاعات عن النمنم مرة تانيه

وولد عمي يقول انا شفت نمنم في المدينه وهو ند بيت سته في اخر الليل وكمان جالس ياكل في عامل بنقالي جمب صندوق زباله اكرمكم الله

وفي شخص يقول...

مره من المراااريير في مكه المكرمه

كانت في حرمه حامل وتنشر الغسيلات في السطوح
قم نقز اخونا النمنم عندها ويطاردها وهي تجري وفجئة قدرت تخرج وتقفل باب السطوح
والمفاجئة هو دخل وهي مهي داره ولمن شافته اتفجعت وماتت من الخوف
والنمنم قام دبح بطنها وطلع الجنين واكله وبعدا اكل الحرمه ...http://vb.6lal.com/images/smilies/idiot2.gif

مدري مدخلت مزاجي هدي الحكايه...

وفي حكاية تالته

يقول عامل بنشري يماني
ولمن كان بيقفل الورشه
جاله شخص مخيف اسود البشره اسود سواد الليل وباين
وانيابه طالعه وحاده ولونها اصفر مايل للاحمرار وعيونه حاده وحممممره
ورجل وحده رجل بني ادم والتانيه حافر حمار وله ديل

ويقول سريع مرررررررره...

http://vb.6lal.com/images/smilies/idiot2.gif

مادخلت مزاجي

وجاتني قبل فتره رساله تقول...

اصدرت مصادر في جده انا قبضت على نمنم في

حي النزله معتقده بأنه الوحيد الموجود في جده ومن


ثم دل النمنم المقبوض عليه بأنه ليس هو الوحيد

وهم منتشرين في عدة مناطق



........./×فاحذروا يا اهالي جده×/.......

http://vb.6lal.com/images/smilies/marsa191.gif

ويقولو هدا الكائن المتوحش الوحشي الشبح

يعيش في الخرابات وبين الجبال ومنتشر في الطائف ومكه والمدينه والجنوب

واليمن

http://vb.6lal.com/images/smilies/marsa191.gif

وانتم ايش تقولو حقيقه ام خرافة و من اساطير العرب الخيالية

http://vb.6lal.com/images/smilies/marsa191.gif

والله كله كلام فاضي

انا من سكان المدينة المنورة و يمكن اكثر ناس طلعو الاشاعه عن النمنم من المدينة المنورة

كنت اسمع قصص كل يوم خرافات لا تتصدق و كان كل الغرض منها ملازمة الناس لبيوتهم في الليل

لا يا شيخ خرافات أصلا هو حيوان من أصل أفريقي يتغذى على كل شيء على حد علمي حتى الآن وجاني ايميل اليوم مع مقطع فيديو وكل شي وهم أصلا مركبين الحيوان وهو أصلا في حيوان اسمه نمنم بس حيوان عادي

وشكرا على الطرح :)

اشكركم على مروركم

اظن انا انه حقيقه

بس مغيريين فيها حبتين

لنه في اشخاص ياكلو البشر في افريقيا

والصين

والله اعلم

اخوي انمار اللي ياكلو البشر اللي تقول عنهم في الصين او في افريقيا واحد و لا اثنين يعني لا حيوانات و لا كائن غريب هم بشر عندهم حالات شاذه او مرض نفسي

يعني مو منتشر في دوله معينة و لا عند ناس بعينهم

و لا عندهم لا ديل و لا الكلام الفاضي دا