ضيف من تويوتا العربية محتاج خدمة منكم

السلام عليكم ورحمة الله وبركاته

صبحكم الله ومساكم بالخير وبالطيب والفرحة يارب

الصراحة اشتركت معكم اليوم وحاب اسألكم كم سؤال

بخصوص الزينون انا نويت اشتريه من موقع

www.hidexpert.com

وش رايكم في الموقع ثقة ولا ولا ....؟؟

الشي الثاني ياطويلين العمر

أنا ناوي على محولات ومقاس الشمعه راح يكون 9006 d4s

لأنها بدون عاكس وبتنحط في العالي

علما إن مقاس الشمعه حقتي 9005

فما أدري أحد جربها منكم في العالي أو لا

ولا تنصحوني آخذ لي محولات هيلا الأصلي مع هالشمعات

او زينون هيلا وشمعات كورية وأريح دماغي

وتسلمون لي والله يوفقكم يارب

تحياتي

أخوكم

عبدالرحمنـ

والله بالنسبه للموقع هذا مادري عنه هل هو ثقه او لا

بس اذا بتشتري زينون كامل الافضل لك انك ماتشتريه بالمحولات

فيه محولات هيلا اصلي الماني بالرياض قميتها بحدود مبلغ كويسه مايتعدى 800 ريال ممكن اقل

بس اذا بتشتري اشتر اللمبات افضل لك لانها بتجي فيلبس اصلي وافضل جوده لان هنا موجود صيني واذا لقيت فيلبس ماراح تحصل مقاس الشمعه
وانت عارف ان الزينون الاصلي يجي بفيش احمر يشبك بالشمعه
اما الي يطلع من اللمبه سلكين هذي صيني مهما قالك اي شخص

وحياك الله معنا ياكويس

الله يسعدك حبيب قلبي منور موضوعي الله يسعدك

وهذا محول الهيلا لاقيه من زمان بس محتار ودي بالأفضل

http://i28.photobucket.com/albums/c2...001/zenon2.png

والشمعات مافيه الا كورية

لأنها الوحيدة اللي تركب على سيارتي لان سيارتي مقاسها للعالي 9005

نفس الأكورد 2008 - 2009

تحياتي حبيبي

اقتباس:

---

بخصوص الزينون انا نويت اشتريه من موقع

www.hidexpert.com

وش رايكم في الموقع ثقة ولا ولا ....؟؟

---

شكله مو مريح
ونصيحتي أشتري عن طريق paypal
أأمن من أنك تشتري من البطاقه الأتمانيه على طول
أنا آخر مره أشتريت من النت علقولي 560 ريال ولها الحين شهر , وأتوقع لو سويتها من paypal ماكانت اتعلقت

بس اهم شي لاتحط معلومات بطاقتك في المواقع الي مهي مره مشهوره زي الأمزون والرابدشير
وطريقة فتح حساب في paypal سهله ^_^ , بس حط معلومات الماستر كارد أو الفيزا
وحينخصم مبلغ جدا بسيط ما أذكر كم , يعني نقول مثلا دولار , بعدها تروح تشيك على آخر سجل العمليات في الماستر كارد
وحتلاقي مبلغ مخصوم من paypal وجمبو رقم من 3 خانات أو 4
هذا الرقم متطلب لأكمال عمليه التسجيل ( يعني هي زي ماتقول مثل تفعيل حساب في منتدى من رابط يوصلك على الأيميل )
والدولار الي أنخصم لاتخاف عليه حيرجعولك أياها (^_^) , هو يخصم فقط أشان تشوف رقم التفعيل في آخر العمليات

حبيب قلبي

والله يا الأدميرال

يالغالي

أنا عندي حساب في paypal

وعندي visa

بس ما أدري هل الموقع ذا كويس ولا وأحد قد جرب يشتري من عندهم

لاني ناوي على محولات مع شمعاتها

حياك الله ..
شوف ها الرابط يمكن يفيدك ...

http://shop.ebay.com/items/__DENSO-HID-KIT_W0QQ_kwZDENSOQQ_kwZHIDQQ_kwZKITQQ_ckwZ4300K

حبيب قلبي الله يحيك ويسلمك وزيارتك على العين والراس يالغالي وان شاء الله نفيدك باللي نقدر

بخصوص الموقع المذكور يقبل الدفع عن طريق الباي بال .. فتوكل على الله وأشتري اذا الفيزا مربوطة ومسجلة بالباي بال :)

طبعآ تحتاج تراسلهم تسألهم هل يشحنون للسعودية ولا لا.

وبالتوفيق يارب

وعليكم السلام ورحمة الله وبركاته

الله يمسيك بالنور والرضا وحي الله كل اعداءنا من نادي محبي تويوتا << امزح :d

الموقع هذا قد سبق وتعاملت معه وشريت منه حول 20 طقم زينون

بس اذا تبي نصيحتي شوف لك اي محل هنا حتى لو يطلع عليك الطقم بـ 4000 ريال اهم شي تحط فلوسك في شي مضمون . الزينون اللي ينباع هنا يعطونك عليه ضمان سنة حتى لو كان من زبالة الصيني اما اللي بتشتريه من برا مهما كانت نوعيته او صناعته ما عليه اي ضمان ولو صارت لك اي مشكلة بتخسر فلوسك اللي دفعتها فيه . وهذا اللي صار مع كم واحد من الشباب اللي اشتروا مني . بصراحة الوضع كان محرج بالنسبة لي لاني كنت حريص اني ما ابيع الا شي مجرب ومضمون . وبالفعل اول طقم شريته ركبته على سيارتي واستخدمته كم شهر حتى تأكدت من جودته واضاءته والاهم من هذا كله انه يكون شغال بدون اي مشاكل ، وبعدها بديت اطلب وابيع . لكن بالرغم ان الطقم اللي عندي له سنة راكب على سيارتي ولله الحمد شغال بدون اي مشاكل الا ان بعض الشباب خربت عليهم المحولات وبعضهم اللمبات بعد فترة من الاستخدام . فنصيحتي لك اخوي عبدالرحمن انحش من ذا الموقع ولا تحط فلوسك الا في شي مضمون .. هذا اللي عندي والله يوفقك