مشكله في القير وفي الدركسون و الى قبل....؟

السلام عليكم
ياالله حي اصحاب الأكوردات
ياجماعه انا عندي مشكله في الأكورد 2003
وهي في القير
وبالتحديد اول ما أمشي اذا غير القير من النمرة الأول لثانيه ترجف السياره رجفه قويه
مدري وش السبب


ياشباب هل فيه احد صارتله نفس المشكله
وش الحل
وش احسن ورشه افحص عندها وابيها متخصصه في الهوندا في الرياض في الصناعيه القديمه او ام الحمام او العروبه
وابي الوصف بالتمام

وثاني شي عندي اللي ((الخرطوش)) حق الدركسون الي فوق يهرب زيت وش الحل معه



وثالث شي
عندي الأصطبات الخلفيه مشهبه والشمعات بعد ابي محل ينظفهم وتصير كنها جديده





الرجاء افادتي في اسرع وقت

اقتباس:

---

اول ما أمشي اذا غير القير من النمرة الأول لثانيه ترجف السياره رجفه قويه

---

غير كرسي القير

اقتباس:

---

وثاني شي عندي اللي ((الخرطوش)) حق الدركسون الي فوق يهرب زيت وش الحل معه

---

غير اللي حق الدركسون طيب

اقتباس:

---

عندي الأصطبات الخلفيه مشهبه والشمعات بعد ابي محل ينظفهم وتصير كنها جديده

---

محل تلميع يضبط لك الامامي بس الخلفي مدري عنه

وعليكم السلام ورحمة الله وبركاته

1. اذا كانت الرجفة بين الاول والثاني كيف التغيير في النمر الباقية ؟

اذا كانت المشكلة في التغييرات كلها وما ولعت عندك لمبة المكينة او القير في الطبلون فإحتمال كبير ان القير يبيله توضيب . كراسي المكينة والقير ممكن تسبب لك رجفة مع التغيير بس مو بالقوة اللي ذكرتها وهذا ما يمنع انك تشيك عليها قبل كل شي .

بالنسبة للورش عندك الورشة (رقم 20) في صناعية ام الحمام
شغلهم سريع ونظيف واسعارهم معقولة جداً (عن تجارب) والله يجزا من دلنا عليها كل خير

2. اذا كنت متأكد ان التهريب من لي الدركسون ولا قد غيرته مع الاستدعاء اللي سوته الوكالة قبل فترة فالأفضل انك تروح وتغيره على حسابهم لانهم سووا استدعاء قبل فترة للاكوردات من 2003 الى 2006 بسبب عيب مصنعي في لي الدركسون . ولا تنسى تفحص طرمبة زيت الدركسون لان مشاكلها في الاكورد متكرره . وفي الفترة الحالية حاول انك تعبي علبة زيت الدركسون بإستمرار لان الزيت اذا نقص بيأثر على الطرمبة والدودة وبتدخل في خساير مالها داعي !!

3. مثل ما تفضل المسافر اي محل تلميع يلمعها لك سواءاً كانت الامامية او الخلفية .

اخوي بالنسبه للقير انا صارت لي نفس المشكله بس بعد اللتعشيقه الاخيره اذا كنت مهدي يعني ماشي بهداوه وتسير رجفه قويه للسياره ما تروح الين ارفع رجلي عن البنزين وادوس ثاني واذا حرقت نمر ما يطلع وما خليت ورشه وفي الاخير طلعت لي مشكلتين الاولي العكس طلع فيه مشكله والثانيه زيت الجربكس كان ناقص كثير لاني ما غيرت زيت من يوم شريت السياره والحمد لله غيرت العكس وغيرت زيت اصلي سعر العلبه 35 ريال 3 علب وراحت المشكله

الله يعطيكم العافيه جميعاً

طيب ياشباب ابغا ورشه متخصصه في الهوندا وشغلهم طيب وسعرهم رخيص ابيهم يفحصون السياره ويصلحون الي فيها

اقتباس:

---

بالنسبة للورش عندك الورشة (رقم 20) في صناعية ام الحمام

---

ابي وصف بالضبط لصناعيه اذا كنت على شارع العروبه منين اطلع لمها من اي شارع


وثاني شي هل مازل استدعاء الوكاله ساري الى الأن لأني مارحت في الأستدعاء الأول لتغير لي الدركسون؟؟

وهل يلزم اني اغير او اسويله كبس وانتهينا؟؟؟


وابغا محل تلميع كويس لكامل السياره بس مايكون غالي يعني من 300 الى 350 بس اهم شي يكون الشغل نظيف

^^واحد معه 2007 راح لهم ورفضو ^^

يقولون بس من 2003 حتى 2006 ما قالو خلاص الاستدعاء انتهى
يعني ممكن لحد الان على الضمان

بالنسبه للورشه وانت في العروبه متجه غرب اذا جتك الاشاره بزاويه الصناعيه رح يسار وبعدين ثاني فتحه على الخدمه يمين تلقاها على طول ورش هوندا (رقمها 20 )

انا مغير لي الدركسون قبل شهر في الوكاله وسيارتي 2004 ماخذو ولا ريال
بس لازم تحجز موعد

واذا قالولك القطعه ماهي موجوده رح لقطع الغيار
واسألهم عن لي الدركسون


انا سوولي كذا بس اخوك ذيب نشبتلهم الين ماغيروها