برادة الحديد على الجنط !

السلام عليكم

معي اكورد 2007 ماشي تقريبا 40 الف

في 30 الف بدلت القماشات الامامية والخلفية مع خراطة الهوبات الامامية فقط . طبعا القماشات اصلية من الوكالة بس غيرتهم خارج الوكالة

والان في 40 الف اسمع اصوات من البريكات الامامية مع انه فيها نصف عمر !! واذا انظف السيارة بعد مشوار لو مشوارين بالكثير الاقي الجنط صار اسود من برادة الحديد. مادري ايش المشكلة

مع اني لما بدلت القماشات سويت لهم صنفرة مثل ماكان يتكلم المباشر في موضوعه

طيب ايش الحل الحين!! ابدل القماشات واخرط الهوبات من جديد!! بصراحة مشكلة الصوت مزعجة وبرادة الحديد مزعجة اكثر واكثر لدرجة ان خلال اسبوع واحد لون الجنط يتغير الى الاسود كأنه مصبوغ!!

ياريت تفيدوني .. وشكرا :)

ياخي سيارتك باقي ع الظمان .. لو وديتها بيغيرولك الهوبات .. لان منها المشكلة تقريبا
يعني انته انصحك تشتري دماغك وتوديها الوكالة

وعليكم السلام ورحمة الله وبكاتة

عزيزي اللي أخبره ان الفحمات الأصلية ماتطلع براده على الجنط :)

الغريب أنها أصلية لأني مستغرب من موضوع البراده واذا أمكن أحد يفيدنا اذا طلع عنده نفس المشكلة بالفحمات الأصلية.

انا في الـ 40 الف خرطت الهوبات الأمامية على الضمان بصيانة الوكالة وركبوا نفس الفحمات اللي من المصنع بس سنفروها بسنفره ناعمة يعني ماجابو مبرد وضبطوها وركبوا لي فحمات جديدة خلفية

المهم في حدود الـ 42 الف كنت مسرع شوي وأستخدمت البريك بقوة ومن بعدها صارت ترج وماتمسك عدل والفحمات للحين مضبوطة

والسيارة أخليها من 4 الى 5 أيام بدون غسيل وأطلع فيها مشاوير وماتسود الجنوط من الفحمات ولا فيها صوت بعد :)

على العموم الله يعينك انت تحتاج تخرط الهوب وتركب فحمات جديدة بس أنتبة لموضوع الخرط ترى لك 3 مرات تخرط الهوب وبعدها يصير ضعيف قابل للكسر اذا خرطته للمرة الرابعة

الضمااااااااااااااااان

مع التحية - هوب الأكورد << سيارتي :( محلي

شوف القماش مسوي خط في الهوب << يحتاج برد وتنظيف وسنفره للهوب

http://hondaarabia.com/club/attachme...1&d=1244243926

يعطيك العافية اخواني على الردود ..
البريكات عندي شغالة من احلا مايكون قوية وتمسك تمام ..!
حرام اسوي خراطة للهوبات واغير القماشات وانا توني خارط ومغير لها قبل 10 الاف !
والهوبات شيكت عليها باصبعي ماشاء الله عليها سلمية 100% والقماش لما اناظر فيه فيه جديد مرة ومو رايح منه شي ..
لاحظت ان الصوت مايطلع الا اذا مشيت فترة على السيارة ساعة لو ساعتين ..
ياليت أحد يفيدني بخصوص البرادة !!! لان الموضوع يرفع الضغط السيارة كلها نظيفة والجنوط سودان ..

اذا مالقيت حل .. الله يعيني على خراطة الهوبات الامامية والخلفية وتركيب قماشات امامية وخلفية جديد .. :p مليييت

ياليت تدلوني من وين اشتري قماشات اصلية من الدمام .. لان الوكالة سعرهم غالي بفارق اكثر من 50 ريال في القماش

^^^^^^^^^^^^^

شوف اخوي البلا كله من فحمات الوكاله مو جيده انا زيك عانيت منهم

ومايطولون غيرتها بعد20 الف تبي نصيحتي غير فحمات من محلات

قطع الغيار بس تأكد ترى في شي يجيبونه من جبل علي مواصلي

شيك عليها كانها اصليه

ترى تمدحون النعماني لقطع غيار هوندا شوف اعلانهم فوق

ويقولون في خصم خاص حق اعضاء النادي

اقتباس:

---

المشاركة الأصلية كتبت بواسطة AliAhmed

يعطيك العافية اخواني على الردود ..
البريكات عندي شغالة من احلا مايكون قوية وتمسك تمام ..!
حرام اسوي خراطة للهوبات واغير القماشات وانا توني خارط ومغير لها قبل 10 الاف !
والهوبات شيكت عليها باصبعي ماشاء الله عليها سلمية 100% والقماش لما اناظر فيه فيه جديد مرة ومو رايح منه شي ..
لاحظت ان الصوت مايطلع الا اذا مشيت فترة على السيارة ساعة لو ساعتين ..
ياليت أحد يفيدني بخصوص البرادة !!! لان الموضوع يرفع الضغط السيارة كلها نظيفة والجنوط سودان ..

اذا مالقيت حل .. الله يعيني على خراطة الهوبات الامامية والخلفية وتركيب قماشات امامية وخلفية جديد .. :p مليييت

ياليت تدلوني من وين اشتري قماشات اصلية من الدمام .. لان الوكالة سعرهم غالي بفارق اكثر من 50 ريال في القماش

---

أذا الهوبات سليمة وماتحتاج خرط بس خل الميكانيكي يسنفرها بسنفره ناعمة من الجهتين علشان اذا فيها حفريات خفيفة تتساوى مع الباقي :d

والفحمات مادري وش أقولك بس انا عندي ماتطلع البودره السوداء أو البراده لكن غيرهم وشوف وش يصير ولا ركب نيشن يابانية يمدحونها ( أبحث عنها بواسطة خاصية البحث لتجد معلومات كافية )

اقتباس:

---

المشاركة الأصلية كتبت بواسطة أأح2024 بيج

ترى تمدحون النعماني لقطع غيار هوندا شوف اعلانهم فوق

ويقولون في خصم خاص حق اعضاء النادي

---

:cool:

أخوي أأح2024 بيج كيف أعرف الفحمات اصلية لو من جبل علي !!!

أخوي المباشر .. هل فحمات نيشن تتطلع البرادة !! لانها مو اصلية صح ! ومعرف ان الفحمات الي مو اصلية تتطلع البودرة!!! وهل أحصل فحمات نيشن في النعماني في الدمام؟؟

ويعطيكم العافية :)

بخصوص أستفسارك يطولي بعمرك ممكن يفيدونك اللي أستخدموا فحمات نيشن وصحيح كما هو معروف الفحمات التجارية هي اللي تسود الجنوط لكن للمعلومية نيشن أصلية ولو تشوف الكليبر في سيارتك راح تشوف مكتوب عليه نيشن يعني من نفس المصنع

وأتوقع عند النعماني في الدمام والأفضل تتصل عليهم وتسأل :)

صورة من احد سيارات هوندا

وللمعلومية حتى سيارتي شفت نفس الأسم في الكليبر بس ماخذت صورة له

http://hondaarabia.com/club/attachme...1&d=1244324016

عجيب!!
إن شاء الله راح اركب فحمات نيشن !! وان شاء الله مايصير الا الخير!!

ويعطيك العافية تعبتك معاي..

اقتباس:

---

المشاركة الأصلية كتبت بواسطة aliahmed

أخوي أأح2024 بيج كيف أعرف الفحمات اصلية لو من جبل علي !!!

---

والله ياحبي بي ما ابي اتفلسف عليك وأنا مو متأكد

بس اخر مره رحت محل قطع غيار هوندا طبعاً في الحسا الكلام هذا

وراني نوعين واحد اصلي والثاني جبل علي بصراحه الفروق

بسيطه يمكن ماتلاحظها واهمها انك تشوف التجاري فيه براده

حديد بشكل ملاحظ يعني تشوف لون الحديد مبين وسط الفحمه

والكرتون يختلف شوي واعتقد الأصلي يجي وياها قريز في الكرتون

اسف يمكن ما افدتك بس هذا الي قدرت عليه

يعطيك العافية ..

وشكلها الوكالة باعتني حق جبل علي !!! لان البرادة كثثثثثثثثيرة كثيييييييرة مرة!!

حاليا البدراده كلهه من السفايف اكيد لانهو كله باب ثاني راح ذاك الزمان زمان اووووووووووووووووول

شباب ترى هوب الاكورد رخيص الواحد 270 ريال


انا شريت للكامري حقتي سابقا 850 ريال للهوب


احمد ربي اني شريت هوندا الحمدلله