نسمع آرائكم وأنتقاداتكم ( حول موقفي أتجاه راعي المغسله )

السلام عليكم ورحمة الله

هذا موقف حصلي أمس وأنا بأغسل الأكورد في أحد مغاسل الرياض
.

وفي الغالب أنا ما أغسل سيارتي ألى نادرا , لأني أحس لمن أوديها المغسله لازم أوقف على راسه
وأغلب الأوقات مايكون لي خلق أوقف على روسهم وأقلهم نظف هنا نظف هنا ...

فـ أمس كانت سيارتي بالمره وسخه , ولها حوالي 3 أسابيع ما أتغسلت
وجاني نشاط وحماس أني أغسلها :) , وفي نفس الوقت كان نفسي أشوفها تلق من جميع النواحي :d

فقررت أني أروح لـ هالمغسله الى آخر مره غسلت عندهم وأخذت السياره وأنا بالمره مني راضي عن غسيلهم
( وقتها ماكان لي خلق أوقف على روسهم )

فلمن قربت وقبل ما آخذ Uتيرن , لمحت المغسله وأشوف موقفي يستناني :)
فرحت أكثر وقتها ^_^

نجي للمهم
وقفت السياره وبعد ما غسلوها اليُمنا من برى , طلعتها برى :d
أشان يكملو تمسيح

نسيت أقلكم صح : رحت في هذي الفتره لبقالة المحطه وأخذتلي عصير بريال
<<< لاتستهينو بهذي الأضافه , فلها أهميتها أيضا بالقصه هههه

وأنا أشرب وأطالع في الكوبيه مركز على الأماكن الي ما نظفوها زين وأدورها دواره
وأقول في نفسي شكلها حتتلمع اليوم صح

وبعد ماخلص تمسيح بديت أستلمهم , مسح هنا مسح هنا , هنا في غبار لازم يروح , , الجنط فيله وصخ ماراح ...
كان الزجاج الأمامي حوافه متسخه بالرمال بشكل مضايقني , وأنا كنت مركز أنه يتمسح كله بالخرقه

الـ يمني يقول هذا مايروح , قتله يروح ومسكت الخرقه وقتله شوف لو تبي تعرف كيف يروح
( ونضفت منطقه وخليتها :cool: ) قتله أبيه كلا زي كذا

قلي هذا ماراح بالصاروخ ( أتوقع قصده بالصاروخ = رشاش المويا )
قتله مو مهم راح بالصاروخ ولا ماراح , أهم شي يتنظف بأي طريقه
مسح أي كلام , وقلي الثاني تبي تلمع الكفرات

قتلهم بصوت مرتفع , أول شي الحين خلصو تنضيف السياره بعدين نشوف الكفرات
<<< الموضوع قلب جد

شوي أشفهم يلمعو الكفرات وأنا ساكت
رجعت وقتله نضف الجنط , نفس التصرف مسحه عادي , وسوه نفسه يمسح بدي السياره شوي

هنا أنا أصريت عليه أنا ينطف الغبار الي في حواف الزجاج الأمامي , وهو بكل غباء يقلي مايروح
وأنا نزلت لعقليته , بأني أمسك الخرقه وأنظف جزء ثاني وأقوله شوف يروح

وقتها قلي هذا غسيلنا وما أقدر أكثر من كذا والله معاك
قتله ترى من جد أمشي
قلي أمشي والله معاك
قتله نظف بس هالمنطقه وأعطيك فلوسك ( مع أنو كان في بالي كم شي أبيه ينظفه بعد عدل )
رجع الغبي يقلي الله معاك ويسوي نفسه أنه يبعد عني

قتله والله ما أعطيك ريال واحد , ومره رابعه المتخلف يقلي الله معاك

وقتها شغلت السياره , وحطيت على الـ D ومشيت

وكان ثمن الغسيل مشروب شربته وانا أتأمل في السياره بـ ريال
<< قلتلكم له أهميه في القصه :d
.

الصراحه الموقف مهو بخل مني , وقتها كان في محفظتي مبلغ يمشيني أسبوعين بدون ما أستخدم بطاقة البنك ولله الحمد
ولاكن هو الي حكم على نفسه هذي النهايه

وأيضا أستغربت منه , فـ الأفلون الي كانت تتغسل قبلي , لمن أنتها غسيلها قله صاحب السياره كم الحساب : قله 20 ريال
والمغسله تغسل بـ 15 , , الرجال أصلا نفسه مو حلوه
.

نستقبل آرائكم وأنتقاداتكم بصدر رحب
حول موقفي
(^_^)

اول رد :p

اول شي اهنيك على الموضوع الرايق مع عصير بوريال :d
واصرحه اكثر شي عجبني

وأنا أشرب وأطالع في الكوبيه مركز على الأماكن الي ما نظفوها زين وأدورها دواره
وأقول في نفسي شكلها حتتلمع اليوم صح

ذكرتني بولد خالتي كله كذا
انا معاك الي سويته مافيه غلط بس لو معطيه 10 على شان هو غسل لك السياره بس ماكملها
وارجع له وعطه 10 وقوله هذي حقك حق الغسيل و5 لي الانك ما كملت الغسيل :)

شو هالنور هذا , أوه يعيني
أها سعودي ستايل أجل , هو الي معمينا بنوره http://www.montada.com/images/smilie...cons/silly.gif

أخوي تراه خلص غسيل السياره , يعني ماحيرضى أصلا ألى بـ 15
بس بالنسبالي الغسيل ماخلص

ولاتنسى هو الي قالي روح أتوكل , يعني هو الي فتح الباب على نفسه ×_×

أنا أهيب بجميع المسئولين إنهم يخلوا الغسيل بريال عصير
خخخخخخخخخخخخخخخخخخخخخخخخخخخخخخخ
صراحه موضوع شيق ولطيف
واالله لو تدري عن مايصيرلي أثنا الغسيل
ياشيخ أألف مجلدات
بس عارف ماراح أحد يشتريها لأني بكذب شوي فيها هههههههههههه
يعطيك العافيه على الموضوع

وعليكم السلام
شوف أخوي أنا بقولك إذا أنت تعرف مغسلة سيارات ومتعامل معهم من قديم وأنت تعرفهم وهم يعرفونك صح ويعرفون وش طريقتك في الغسيل خلك عليهم أما لو تروح لمغسلة أول مرة تمر عليهم ما راح يشتغل لك صح وإذا خلص يقولك هذا شغلنا وهذي أعتبرها من المغاسل السيئة والمغاسل إلي شغلها صح تلاقي فيه لهم مدير خاص يعقب على شغلهم وإذا شاف في إي تقصير خلاهم يعيدون الغسيل وبكذا راح يتعلم العامل ويبداء يشتغل صح ومن قصتك هذي الصراح ما يستاهلون ريال واحد بس أنا أقولك عن الذمة عطهم خمس ريال لانه ما أشتغل صح وأنت رايح تغسل على أحسابك مو على أحسابه حتى يمن ويقول ما يروح ولا يروح بس العجز وما يسوي .......

السلام عليكم ..

من رآيي الشخصي انك ترجع للشخص وتعطيه فلوسه لعدة أسباب :

1- إبراءاً لذمتك أمام الله سبحانه وتعالى ..

هذي المغسلة وهذا شغلها وهذا سعرها وانت رضيت بشغلهم بحكم انك رجعت لهم مرة ثانيه وبما أنك لم تشترط شيئا من البداية ليس لك الحق في التشرط !!


2- العامل هو مجرد عامل وليس صاحب للمغسله بمعنى انو الفلوس الي بتدفعها لصاحب المغسله وليست للعامل وليس من حقه ان يرفض المبلغ اصلا ..

3- قول الرسول صلى الله عليه وسلم : " اعط الاجير اجره قبل ان يجف عرقه" ..

ويقول ايضا : (ثلاثة انا خصمهم يوم القيامة .. وذكر منهم ورجل استأجر اجيرا فلم يوفه اجره)..

ويقول النبي صلى الله عليه وسلم: (ولا تكلفوهم مالا يطيقون ) ويقول ايضا: (فاذا كلفتموهم فأعينوهم )..

4- أنا عني دايما تصيرلي مواقف مع الي يغسل السياره ولكن في الأخير لازم أعطيه حقه كامل وأقوله : ها كذا تمام ؟؟ << :d

أتمنى انك تتقبل نصيحتي ولا تعتبرها إنتقاد لك ..

Pink Dream

اقول ما ودك تقولنا وين هي المغسله <<< :d
انا اشوف مافي مشكله هو الي حللك
من حقك انك ماتدفع ولا ريال على شغل تعبان

ههههههههههههههههههههههه
ياحبيبي انت قصتك مثلي بس انا اعطيهم الفلوس حتى لو مابغى ولو مااخذها ارميها عنده وامشي

بس اذا كنت تبغاهم يغسلون مضبوط روح لهم الصبح انا زي كذا اخرتها امس خليتهم يطلعونها وكاله من كثر الكرف اللي خليتهم يسونه ....

....

الصراحه لو انا مكانكـ بسوي مثلكـ ..

وعن نفسي تصير سيارتي وصخه ولا اغسلها عند ابو يمن اللي ماقد فلح بشي !!


,,,,

الله يهديك كان عطيته ولو 5 ريال صح انهم غلطو لاكن كان على الأقل عطيته ولو 5 ريال

بس يا شباب نصيحه لوجه الله اللي يبي مغسله تغسل غسيل مو صاحي وحتى صاحب المغسله الزهراني قاعد فوق روسهم والله غسيلهم يرجعونها لك وكاله اللي هي مغسلة الأوزون اللي في الضغط العالي في محطة الحارثي وروح جرب واذا ما اعجبك غسيلهم انا اعطيك فلوسها بس جربو والشهاده لله مو اعلان الا بس حبيت اعطي خبر للي يبون غسيل مو طبيعي ويعطرونها بعطر يا شيخ خيال وكل هذا بــ 25 ريال فقط

يا شباب
انا لو منكم غسلت السياره عندي في البيت

من ناحيه رياضه ومن ناحيه ثانيه تهتم بسيارتك مو مثل الهندي اللي يخرب ويمشي
وصدقوني ان ثمن العده اللي بتغسل بها السياره لا يتجاوز 20 ريال بالكثير


وش رايكم نبدا حمله وطنيه لغسيل السياره بالبيت ؟؟؟

كلام الاخ Pink Dream كافي ووافي ،،

لكن العامل يباخذ قد اللي يستحقة فقط .. مستحيل ياخذ المبلغ كامل ..

فاتحين المغسلة لية ؟؟؟ عشان يغسلون السيارة ويرجعونها نظيفة وياخذون 15 ريال .
ما غسلوها ولا نظفوها بالشكل المطلوب .. لية ياخذ 15 ريال وماكمل شغلة اللي فاتح عشانة ؟ صدقني ما اعطية الا 10 ريال

الحين سندويش الصبة <<< ( فلافل وبيض وباذنجان وطماط وبطاطس وطحينية اللي تعرفونة ) بـ 3 ريال ، ،*واذا مافية بيض يصير بريالين .. صح ولا لا ... نقص شي ،، تنقص قيمتة .

معليش ،، اكتشفت ان الساعة 2 الا 5 دقايق ظهراً وذا موب وقت كتابة رد ،، ^^ شفتوا التحشيش اللي صار فوق ... لكن الكلام منطقي .. صح ؟؟ ^^ من غسيل الى صبة !!

وعليكم السلامْ ،

الله يحيك ويبقيكْ ،

وشسمه هذا ، ذكرتني أمس قلت ابي أغسل سيارتي في المغسلة ،

قبل ما أدخّل السيارة عشان يغسلونها قلت له بكم الغسيل قال لي بـ 15 ريال ،

قلت خلاص اوكي ، بس أهم شيء تغسلون لي السيارة بالماي من تحت ، قال اوكي ..

وانا اللي أوقف يقول ترى الحساب كله 30 ريال ، !!!

ليش طيب ؟

غسيل كامل السيارة من بره 15 ريال ، وغسيل مااي من تحت 15 ريال ، واذا يبي يسوي من داخل بعد زيادة 5 ريال ،،

سحب عليه ومشيت ، ونطفتها عند بيتنا والغسيل من تحت لاحقين عليه ، أسوي بستم كامل في مغسلة ثانية بـ 25 ريال بسْ ،

واخونا بينك دريم ما قصّر ،

مصعب ، شخبارك انت بسْ ، ؟! اي حتى في الغداء اذا المطعم ما جاب شطّه ، لازم تنقص ريال ، :p

اول شي حرام عليك معك كوبيه تخليها 3 اسابيع ما تغسله انا موتري كل يومين اروح اغسله ثاني شي لاتغسل عند ابو يمن تراهم نصابين هل اليومين غسل عند ابو هناد احسلك وشكرا

والله حركه مالها داعي وصدقني بتصدم ولا شي واذكرك

اعطي الاجير اجره قبل ان يجف عرقه فيما مامعنى الحديث

يعطيكم العافيه ياشباب , ماقصرتو

Pink Dream
جزاك الله كل خير

اقتباس:

---

- قول الرسول صلى الله عليه وسلم : " اعط الاجير اجره قبل ان يجف عرقه" ..

ويقول ايضا : (ثلاثة انا خصمهم يوم القيامة .. وذكر منهم ورجل استأجر اجيرا فلم يوفه اجره)..

---

بعد ماقريت هذي , قلت والله ماتسوى على 15 ريال
ورحت حاسبته , وقتله صحيح جاتك الـ 15 لاكن خسرت زبون
فـ بارك الله فيك

اقتباس:

---

اقول ما ودك تقولنا وين هي المغسله <<< :d

---

ألى عند جامعة الملك سعود ( قبل جيان )

وأشكر كل من شارك , وأقول للي قلي أحسن أنك ماحسبته
بصراحه حتى أنا رأي كذا , لاكن الوازع الديني الي خلاني أرجعله

.
ومن عنوان الموضوع ( نسمع آرائكم وأنتقاداتكم ) يعني ماكان لي أي نيه أعدل في الموقف
بس كلامكم الطيب أجبرني :)

وخلاص شكلي حأحط على أبو يمن X أحمر كبير :p
وأحول لـ التكارنه ;) , بس أهم شي أجيب معايه خرقه << أشان لمن يمسحوها من جوا

أذكر مره راعي جيب أنفنتي , كان يغسل سيارته عند تكارنه , فكان حاتطلهم أغاني أجنبيه من جد حمااااس ورافعلهم الصوت
والله أذكر يومتها لحسوله السياره وما ودهم يفكونها هههه , ويرقصو على خفيف وهما يغسلو :d
<<< شكلو هذا الي حيسير :cool:

اقتباس:

---

المشاركة الأصلية كتبت بواسطة AL_ADMIRAL

أذكر مره راعي جيب أنفنتي , كان يغسل سيارته عند تكارنه , فكان حاتطلهم أغاني أجنبيه من جد حمااااس ورافعلهم الصوت
والله أذكر يومتها لحسوله السياره وما ودهم يفكونها هههه , ويرقصو على خفيف وهما يغسلو :d
<<< شكلو هذا الي حيسير :cool:

---

هذي الحركه يسويها واحد من الشباب معه كابريس بعدين لازم راب :d

المهم زين انك رجعت للمحل وعطيته دراهمه وفكيت عمرك ومره ثانيه لاتغسل الا عند افارقه الصراحه ماشفت مثلهم بالغسيل

ماشيين مع حملة خلوها تتكرن :cool:

اخوي والله انا صارت لي نفس المشكله مره رحت اغسل السياره المهم بعد ما خلصو ولمعوا الكفرات ركبت اشيك على السياره من داخل واكتشف ان العطر حقي مو موجود (m7 ) سعره فوق ال300 ريال ولسه جديد المهم سالت البنقالي فين العطر اللي كان هنا قال مافي معلوم ايش انا هرامي طبعا رافع صوته شوي ويضربني المهم اخذ نصيبه من انواع الكفوف وجا صاحب المغسله علشان يحل المشكله المهم راح يفتش في غرفة العمال ويلقى العطر داخل كرتون فيه زباله الله يكرمكم وطبعا جابه لي وتاسف عن موقف العامل وقلي تعال غسل 10 مرات مجانا
ومن يومها مارحت عندهم

اقتباس:

---

المشاركة الأصلية كتبت بواسطة AL_ADMIRAL

ألى عند جامعة الملك سعود ( قبل جيان )

وأشكر كل من شارك , وأقول للي قلي أحسن أنك ماحسبته
بصراحه حتى أنا رأي كذا , لاكن الوازع الديني الي خلاني أرجعله

وخلاص شكلي حأحط على أبو يمن X أحمر كبير :p
وأحول لـ التكارنه ;) , بس أهم شي أجيب معايه خرقه << أشان لمن يمسحوها من جوا

أذكر مره راعي جيب أنفنتي , كان يغسل سيارته عند تكارنه , فكان حاتطلهم أغاني أجنبيه من جد حمااااس ورافعلهم الصوت
والله أذكر يومتها لحسوله السياره وما ودهم يفكونها هههه , ويرقصو على خفيف وهما يغسلو :d
<<< شكلو هذا الي حيسير :cool:

---

هههههههههههههههههههههههههههههههههههههههههههههههههه هههههههههههههههههههههههاي
جمب جامعتي السنة التحضيرية
وش موديك عندهم افشل مغسله اذكر مره وديت سيارتي الاودي عندهم وسيارتي صغيره مره قلت له كم قال 15 قلت له جمس ذا موب سياره صغيره قال اسعارنا كذا عجبك ادخل ما عجبك توكل :d
حركت وجلست ادور على مغسله وما لقيت رجعت له وقلت له اعطيك 15 بس لو اشوف وبقعه واحد :d تسمع بـ15
طبعا كنت امزح بس جد رفع ضغطي :mad: وغسل لي السياره مش حالك والمشكله الون الاسود يبين فيه واقوله هنا هنا
ولما خلص قالي خلاص قلت باقي قالي لونها اسود تعبت وانا امسح فيها قلت يعني الغسيل عاجبك قال كويس
قطيت عليه 10 ريال وقلت له هذا سعر سيارتي وغسيلك ما يستحق الا 5 ريال بس كرم مني خذ 10 ريال قسم بالله كان يومها اخر مره اغسل عندهم والحين انا اغسلها في البيت ولا الوكاله :d فديت الوكاله
:rolleyes:

هلآ والله ,,

بالنسبه بتصرفك انت لك حق تمشي وتسحب عليه لسببين ,,

1_ الزبون دائماً على حق ,,

2_ هو حللك وقال رح مع انك اصريت عليه ,,

واهم شي ياخي بغض النظر عن المبلغ ,,

لو ماتعطيه فلوسه بيخسر واذا خسر بيشتغل مضبوط غصب غلشان انه مايبي يخسر ,,

يعني تخيل كل واحد يجي ويسحب مايعطه فلوسه الا اذا اشتغل مضبوط ,,راح يشتغل مضبوط غصب عنه لان هذا رزقه ,,

بس اذا اعطيته فلوسه مع انه اشتغل شغل بايخ انت كذا تشجعه على الكسل وتشجعه ان يقول للزبون (( هذا الي عندي تبي ولا كيفك)) ,,

بس مثل ماقالوا الشباب ,,

كلهآ 15 بر فيهآ ذمتك ,,

وبالمناسبه اعرف لك مغسله يشتغلون فيها افارقه تكارنه

اشتر لهم ببسي والله يلحس السياره تلحيس

والله ذاك اليوم انسدح تحت السياره وقاعد يلمع الدفرنس:d

انا من ناحيتي اغسل في مغسله وحده بس ...

الغسيل فيها ب 15 ريال بس انا اعطيهم 20 ريال

والله انه يرشها ماي في البدايه ويحط عليه الاسفنجه والصابون يمسحها كلها ويغسل الكفرات ويرد يرشها ماي ينزل الصابون ويرد يغسلها بصابون ويغسل الكفرات ويرشها بماي وبعدين يمسحها وينظف من داخل على رواقه ما يعطيني السيارهـ الا وكاله تقول ملمعه ..

اناا الحين اوديها واعطيه 20 واروح عنها ارجع بعد ساعتين والله يطلعها وكاله والمعها مره كل شهرين بس


ومن ناحية انك ماعطيته فلوسه انا مره صادني نفس الموقف عاطني السياره مو منشفه عدل والله انها فيها مويه كان اقول له نظفها يقول نظفتها كان اقول له بتنظفها والا مالك ولا ريال باروح انظفها في مكان ثاني قال مابنظفها قلت له اجل اقلب وجهك ومشيت عنه بس بعدين صحى عندي الضمير ورجعت له قطيت عليه فلوسه وقللت له انا مو راجع على شانك انا راجع ابري ذمتي بس والله انت ما تستاهل الفلوس

[QUOTE=Pink Dream;247881]

السلام عليكم ..

من رآيي الشخصي انك ترجع للشخص وتعطيه فلوسه لعدة أسباب :

1- إبراءاً لذمتك أمام الله سبحانه وتعالى ..

هذي المغسلة وهذا شغلها وهذا سعرها وانت رضيت بشغلهم بحكم انك رجعت لهم مرة ثانيه وبما أنك لم تشترط شيئا من البداية ليس لك الحق في التشرط !!

2- العامل هو مجرد عامل وليس صاحب للمغسله بمعنى انو الفلوس الي بتدفعها لصاحب المغسله وليست للعامل وليس من حقه ان يرفض المبلغ اصلا ..

3- قول الرسول صلى الله عليه وسلم : " اعط الاجير اجره قبل ان يجف عرقه" ..

ويقول ايضا : (ثلاثة انا خصمهم يوم القيامة .. وذكر منهم ورجل استأجر اجيرا فلم يوفه اجره)..

ويقول النبي صلى الله عليه وسلم: (ولا تكلفوهم مالا يطيقون ) ويقول ايضا: (فاذا كلفتموهم فأعينوهم )..

4- أنا عني دايما تصيرلي مواقف مع الي يغسل السياره ولكن في الأخير لازم أعطيه حقه كامل وأقوله : ها كذا تمام ؟؟ << :d

أتمنى انك تتقبل نصيحتي ولا تعتبرها إنتقاد لك ..

Pink Dream

انا اشكرك الف شكر على الرد الجميل
واقول للاخوان الي كانت ردودهم وللاسف وكأننا في غابة واننا عايشين في غفلة عن الله وقد نسوا اننا سوف نحاسب على كل صغيره وكبيره يوم القيامة
الضعيف اذا شغله مايرضينا نعطيه ظهرنا ومانعطيه حسابه
لو راح الوكاله وماعجبه الشغل يقدر يسوي مثل ما سوى مع الضعيف (راعي المغسله ) وأتحداه يسويها هذا هو عيبنا
نتقوى على الضعفاء وننسى انه سيأتي يوم وهذا الضعيف سيأخد حقه اضعاف مضاعفه
استغفر الله العظيم

مالقيت الا المغسله ذي الغسيل حقهم فاشل راح عزها فيه مغسله كويسه مخرج 2 حي العقيق

شارع الخير فيه محطه بترول جرب غسيلهم الي يشتغلون بالمغسله افارقه