انا انسلقت داخل السياره

اتمنى ما تنحذف المشاركة زي امس

لاني فعلاً ميت من الحر واحتاج المساعدة

ندخل بالموضوع

مرحباً شباب .. شمسوين مع هالحر والصيف :11eatdrop:
انا ساكن في الدمام وعندي اكورد 2003 ,, ومع بدايه الصيف صار المكيف حار جداً جداً جداً:aa_mad:
في الظهر المكيف يشتغل عادي لاكن الهواء حار اما بالليل يكون المكيف لا بأس به .. بعدين اول ما اشغل المكيف يطلع منه صوت مثل (تسسسسسس:poster_vt:) وإذا السياره واقفة مستحيل يبرد المكيف ... ما يبرد إلا إذا مشت السياره
تتنوقعون الفريون ناقص ولا الكويل محترق ولا الثلاجة خربانه ولا الكومبرسور منسم <<< والله انا اللي نسمت مع هالحر :a_manu2:
وإذا الفريون ناقص .. ايش افضل نوع للفريون يتعبى حق مكيف الاكورد (لاني سمعت انه في انواع تعدم السياره) وكمان وين احسن ورشة حق تعبئة الفريون ,, وياليت رقم الكود حق الفريون

شورو علي يا جماعة الخير ايش الحل مع هالعلة المكيف
والله احس اني يوم من الايام بتجيني جلطة وانا اسوق السياره بسبب المكيف :047:

اخوي اتوقع انه نقص فريون
وانشاء الله الشباب يفيدونك

عبي فريون امريكي افضل نوع :)

غير الفلتر المكيـــــــــــــــــف

شووف حبيبي ما دام ان الصوت وااضح تسسسس

فهذا معناهـ يا صديقي شفت البلف حق الي يعبي منهـ الفريون >>> الابرهـ حقتهـ ممكن مايلهـ او خربانهـ <<< يا صلحها ولا عدلها

وغير كذا يبيلك تعبية فريون يا صديقي

يبيلك تفحص المكيف بكاملة

-الفريون
-الكومبرسور
-فلتر الهواء
-بلف المكيف
-ثلاجة المكيف

روح أقرب ورشة وخليه يشيك عليك كل هذه الأشياء , وبإذن لله تنحل المشكلة

بالتوفيق
:)

اقتباس:

---

المشاركة الأصلية كتبت بواسطة حبة خال

اتمنى ما تنحذف المشاركة زي امس

لاني فعلاً ميت من الحر واحتاج المساعدة

ندخل بالموضوع

مرحباً شباب .. شمسوين مع هالحر والصيف :11eatdrop:
انا ساكن في الدمام وعندي اكورد 2003 ,, ومع بدايه الصيف صار المكيف حار جداً جداً جداً:aa_mad:
في الظهر المكيف يشتغل عادي لاكن الهواء حار اما بالليل يكون المكيف لا بأس به .. بعدين اول ما اشغل المكيف يطلع منه صوت مثل (تسسسسسس:poster_vt:) وإذا السياره واقفة مستحيل يبرد المكيف ... ما يبرد إلا إذا مشت السياره
تتنوقعون الفريون ناقص ولا الكويل محترق ولا الثلاجة خربانه ولا الكومبرسور منسم <<< والله انا اللي نسمت مع هالحر :a_manu2:
وإذا الفريون ناقص .. ايش افضل نوع للفريون يتعبى حق مكيف الاكورد (لاني سمعت انه في انواع تعدم السياره) وكمان وين احسن ورشة حق تعبئة الفريون ,, وياليت رقم الكود حق الفريون

شورو علي يا جماعة الخير ايش الحل مع هالعلة المكيف

والله احس اني يوم من الايام بتجيني جلطة وانا اسوق السياره بسبب المكيف :047:

---

في البداية ياعزيزي عندك 9 مشاركات ولا وحده محذوفة لكن يمكن أتصالك منسم :d

وآخر مشاركة لك كانت في شهر 8 / 2008 م

على العموم ماعلينا :)

بخصوص مشكلتك فهي واضحة جدآ ( المكيف يبرد اذا مشيت ) فهذا الكمبروسر تعبان وتحتاج واحد جديد

1- طق لك كمبرسور جديد

2- ودها كهربائي ممتاز وقول له ابي تركب الكمبرسور وتنظف الدعوة كلها وتشوف اذا فيه تنسيم وهو بيفهم السالفة ، والباقي مثل ماقال أخوي كنج :)

كمبرسور جديد يعني السالفه مكلفه انا بقول لك اقتراح افضل ...

شوف روح شيك على الابرهـ مالت الكمبروسير وبدل السير وخليه يحط لك زيت كمبروسير واظغطه فريون اصلي امريكي ونظيف المواسير والفلتر

وادعي لي بالخير

ملاحظه / حتى لو المكيف ما يحتاج الاشياء الي قلتها لك سويها ما انصحك ما تسويها اضمن حق لا تنكب يوم من ايام الظهر الحارقه

والله لا يهينك لا تنس تظلل السياره الجوانب زيرو ون والخلفيه زيرو تو تظليل كوري عازل وقابلني ادا ما حسيت بالفرق في ايام الظهر الحارقه

اقتباس:

---

المشاركة الأصلية كتبت بواسطة lonly style

والله لا يهينك لا تنس تظلل السياره الجوانب زيرو ون والخلفيه زيرو تو تظليل كوري عازل وقابلني ادا ما حسيت بالفرق في ايام الظهر الحارقه

---

السلام عليكم،

والله كلام سنع وتمام والله أنا كانت عندي هالمشكلة والكمبرسر كان تمام المسألة فقط تنظيف ملحقات المكيف (مواسير ثلاجة) ولا تنسوا شغلة مهمة الفلتر حق المكيف والمروحة الداخلية (A/C Blower Fan) لازم تنظيف ومع التظليل وتعبئة فريون والله رجع كل شي تمام التمام وصدقني مايكلفك هالشي اكثر من 300 ريال بس عند كهربائي سنع

تحياتي

فحص مجانــــــــــــــــــــي للمكيف في عبدالله هاشم

اقتباس:

---

المشاركة الأصلية كتبت بواسطة ك ص ل السعودية 9 2 2

السلام عليكم ورحمة الله وبركاته


قبل شوي استلمت مسج من هوندا ( عبدالله هاشم )

يعلن فيه انو نظام التكييف له فحص مجاني مع خصم 20 % ( مادري وشيله ؟؟؟ يمكن للقطع )

العرض حتى 16- 7 - 2009

---

فيه فحص مجاني في الوكاله للنظام التكييف لايفوتك

أخوي أنا كانت عندي نفس مشكلتك بالضبط ووديت السيارة للوكالة وسويت فحص للمكيف وطلع الفريون ناقص والمكيف الحين من أحسن ما يكون ولله الحمد وسويت شغلة إضافية من عندي الا وهي تغيير فلتر المكيف لأنه كان وسخ بزيادة ..
أتمنى إني أفدتك يا غالي ..

يعطيكم العافيه كلكم يا شباب وعسى اللي يبرد عليكم في هالجو الحار ممطر مساءً <<< اقول لكم نسمت :d

طيب يا شباب يا حلوين ... وكالة عبود هشوم لازم اخذ موعد علشان فحص المكيف ولا عادي الدعوه خربوطة (من سبق لبق :a102:) يعني لو اوديها بكرى السبت الصباح عادي يفحسونها

هلا فيك اخوي بالنسبه للمكيف عبداله هاشم مسووي عرض لين 17-7-2009
فحص شاامل للمكيف واجزائه وفي خصم 20% على القطع واجور الاصلاح
موفق انشالله

جرب روح بدون موعد ماراح تخسر شي وان شاء الله تطلع المشكلة فريون بس وتستمتع بالبراد :d

شباب انا كنت مع ولد خالي وجاه رساله من عبدالله هاشم يقول انه في صيانه مجانيه على المكيف

الحقو العرض