السلام عليكم ورحمة الله وبركاته
ايش رايكم ياشباب عندي اقتراح وابغى رايكم انا عندي تسميه جديدة لهوندا اكورد (طبعا 2008-2009)
بس أخاف عبدالله هاشم ياخذ العمولة واطلع منها بلاش
الاسم هو (هوندا أصوت ) على وزن هوندا اكورد
من فين جات التسمية لأنه من يوم اخذت السيارة 2008 فل وكل فترة يطلع نوع من أنواع الأصوات العذبة
مثل الصوت اللي بالشنطة وقالوا صلحناه (على قولهم حق الصاجات وما قصروا بس رجع الصوت شوي)
بعدين طلع صوت الأقمشة وانتهينا منه
وتستمر الاصوات الين الواحد يستحي يطلع معاه احد علشان ما يسمع الأصوات!!!!
الان طلع صوت جديد (قصدي نغمة جديدة) الا وهي صوت التكتكه إن صحة التسمية ومكانها بالوسط بين البابين اليمين واليسار تقريبا من عند حزام الأمان اللي بالجنب وتطلع عند ارتفاع أحد جوانب السيارة مثلا على مطب عالي أو طلعة جانبية يعني لما تمشي على مهلك وتهدي تبدأ تسمع النغم صراحة انا جلست أكثر من شهر أقول يمكن وسوسة بس صراحة صايرة مزعجة الفترة هذه واحد يقول حط بخاخ صداء على مساكات الباب اللي بالبودي؟؟؟ غريبة
الحمد لله محافظ على السيارة جدا ولها معاي تقريبا سنة وهي ماشي الان عشرين ألف (قولوا ما شاء الله) طبعا الشباب معاي طلعوها بعدي ومدخلينها صيانة 40000 و 50000
لا أحد يجي يقول سيب الوسوسة وووو؟ السؤال اذا فيه أحد عنده نفس المشكلة أو عنده حل للمشكلة لا يبخل علينا
وعندي استفسار بسيط انا بدخل السيارة صيانة العشرين فهل أغير زيت وفلتر بس والا اخليهم يشيكون على السيارة كاملة ؟
أنا عارف اني سويت فلم هندي لكن تحملوني وجزاكم الله خير ودمتم لنا
