اسئله عن هوندا اكورد 2006 بجدة

السلام عليكم ورحمة الله وبركاته
انا جديد في المنتدى وبصراحة انا فرحت من ناحية وزعلت من ناحية ثانيه
فرحت انو شفت كيف هو التظبط الصحيح والمعقول
وزعلت اني تاخرت في التسجل في المنتدى ومعرفة ((((( اصول))))) التظبيط
يا اخواني دفعت لسياره اهااا بس ياريت بس تظبط صح لاني مالي عارف مين يلي يسويها صح او كيف المفروظ تتسوها

مشكلتي الاولى
الشكمان الثاني
سويته منطقة التوزيع غلط
ولله طاح علية في السفر بين المدينه وجده والحمد الله على السلامه
ياشباب ابغاكم تساعدوني انا ندمت كثير في الاشياء يلي سويتها بدون معرفة
ابغى واحد في جده تماام يعرف يركب عشان



مشكلتي الثانيه
مقاعد الجلد
رحت اشتريت من عند واحد في بني بالك قلي الماني ومن هذا الكلام
طبعا بعد غمكن 20 دقيقة وربي عرق الثوب سار مويه
هل تعرفوا محل تماام التمااام
ونوع الجلد
طيب تعرفولي هل لها حل وله اخليلها مخمل



مشكلتي الثالثة
انا انسان سفري يعني في الشهر اضرب مابين 1500 كيلو إلي 2000 كيلو في السفريه
هل الانتيك او البكرات و الفلتر الرياضي
تتاثر باكرف
وبصراحة انا ما احب صوت في السياره
هل للفلتر صوت ينسمع


ومني لكم زجل الشكر والتاقدير

و عليكم السلام و رحمة الله و بركاته ..
حياك الله بيننا حبيبي , و إنشالله نفيدك و نستفيد منك يا غالي .

بالنسبة لأسئلتك فـ جزء منها موجه لقسم الإكسسوارات راح أترك الشباب المختصين و الفاهمين فيها يردون عليه , أما أنا راح أجاوبك على النقاط التالية :

اقتباس:

---

الشكمان الثاني
سويته منتقة التوزيطع غلط
وله طاح علية في السفر بين المدينه وجده والحمد الله على السلامه
ياشباب ابغاكم تساعدوني انا ندمت كثير في الاشياء يلي سويتها بدون معرفة
ابغى واحد في جده تماام يعرف يركب عشان

---

بسيطة , راجع موضوع الشكمان و كيفية التركيب و راح تلاقيه كموضوع مثبت في هذا القسم للعضو Tony
و هذا الرابط : http://www.hondaarabia.com/club/showthread.php?t=19194
و بالنسبة للمحلات بجدة , في عندك ماجد بحي النهضة , شغلو مرة تمام و حلو .
الوصف : و انت جاي من طريق المدينة راح تطلع كوبري الصالة الملكية و تنزل على دوار الكرة الأرضية , خذ من الدوار يسار و طوّل , راح تلاقي الصواري لاند مارك و ريدسي مول على يمينك المهم إلين توصل قبل الإشارة حقت تقاطع طريق الملك مع شارع حراء راح تلاقي يوتيرن . خذ اليوتيرن و أدخل خدمات و خذ أول لفة يمين بعد المحطة , هذا يسمونه الخط المظلم أمشي فيه إلين توصل تقاطع كبيــــر و خذ يمين , راح تلاقيه أول بنشري على يدك اليمين أعتقد بجنبو محل سباكة .

اقتباس:

---

هل الانتيك او البكرات و الفلتر الرياضي
تتاثر باكرف
وبصراحة انا ما احب صوت في السياره
هل للفلتر صوت ينسمع

---

الإنتيك و الفلتر لا يتأثر بالاستخدام و أنا بأكلمك من تجربة , أنا سيارتي مثل سيارتك 2006 ماشي عليها تقريبا 130.000 كلم , أسبوعيا أنزل مكة وجدة غير مشاوير الجامعة . و مركب الإنتيك و الكنداسة من أكثر من سنتين أو سنتين و نصف , و الحمد لله ما واجهت أي مشاكل منهم , اللهم إنك تنظف الفلتر كل 4 شهور و بالنسبة لك تنظفه كل شهرين أفضل بحكم سفرياتك الكثيرة . و المظفات تنباع في محلات التزويد و قيمتها 100 ريال .
أما البكرة ما أنصح فيها لأنها تأثر على الدينمو حق السيارة و الصرحة في شباب مركبينها على سياراتهم " أكورد " و واحد فيهم قالي إنها ما فرقت معاه . حتى إنو أخذها بمبلغ و سعر قريب من سعر الجديدة و هي مستعملة .
و من ناحية الصوت , الفلتر ما يطلع منه صوت إذا إنت ماشي بشويش و على مهلك و الـ RPM ما تعدى الـ 3 أو الـ 3.5 , إذا شديت و دعست دعسة كاملة يطلع معاك صوت , بس صوت ... شي يطرب .

مشكورر يا غالي
وإن شاء الله
ارحلوه بس اول ما اوصل جده
اهاااا الدوام ياخذ وقت الواحد
ومشكور يا اخي من كل قلبي
وانا لي الشرف بمعرفتكم
ومشكور على التوضيع