عرض للطباعة
السلام عليكم ورحمة الله وبركاته ..
انا في الرياض .. ورحت لم يماني وغير لي الزيت وبعدها بدت السيارة تهرب زيت ..
ورجعت له .. وحط لي على السرة ( المسمسار ) زي الشطرطون الأبيض حق الحمامات :d وانتم بكرامة .. اكيد عرفتوه ..
وبعدها ما غيرت الزيت وودي اغيرة ومحتار وين اغيرة فية ووش تنصحوني فية ..
شاكر لكم ومقدر ..
بصراحة مشكلة كبيره و عويصه
الواحد مايدري وين يغير الزيت وخاصة اذا خربت السره( المسمار )
لان قيمتها مره غاليه 8 ريال في الوكالة :mad:
اخوي بصراحه ولا تزعل مني الاساس مفروض تغير في الوكاله عشان اذا خرب شيء هوم يصلحونه لكن ابو يمن وش نفعك فيه حطلك لزاق وبس يعني مع الايام بتزيد المشكله
الله يكون في عونك حبيبي
عبودي مهيب مشكلة 8 ريال .. مشكلة .. اني سمعت انه السرة ما تخرب الي يخرب .. القطمة الداخلية
وهنا المشكلة ..
راعي الكامري ..
جزاك الله خير .. ومشكور .. لكن قدر الله وماشاء فعل ..
ويبقى السوأل .. موجود وين تنصحوني اغير الزيت فية ..
وعليكم السلام والرحمة ........
يا هلا أخوي الزعيم عندي سؤال متى أخر مرة غيرت الصرة مع الوردة حق الزيت ....؟
أنا أشوف أنك تغيرها حتى بعدين ما تسببلك مشكله وعلى قول أخوي عبودي 2009 أنه ما يدري وين يغير الزيت المهم أنك عارف شغلهم مظبوط وترى فيه مراكز كثيرة غير البناشر حقت أبويمن أزين وخدماتهم مثل خدمات الوكالة يمكن أزين مثل رد كاب في الرياض وغيره من المراكز المعروفة وإلي خدماتها ممتازة وأنا أشوف أن سعر الصرة عادي بالعكس لو يقول 10 عطيته وإنت 8 مستكثرها ......
وعلى سؤالك أخوي الزعيم وين تغير الزيت غيره في أي مركز معروف وشغله صح وأنا أنصحك في المرة الجاية تغير الصرة من الوكالة حتى ما يخرب وتبلش بعدين .........
وعليكم السلام ورحمه الله وبركاته
انت بالرياض .. طبعا انت ساكن بجنوب الرياض شي أكيد .. مستعد تدق مشوار للشمال بس عشان تغير زيت
غير في الوكاله .. أو مراكز بترومين .. أو قلف .. أو كالتكس التميمي .. أو أطلق بنشري قريب منكم
ياكثر البناشر بالرياض .. وياكثر المراكز لتغيير الزيت .. والله واجد .. وبالتوفيق لكـ .. :)
اخوي اانا في الرياض في(( الشفا ))
عندنا محطه فيها محل تغيير زيت قلف اكسبرس
والله نظافه في الشغل
والعمال مو ابو هنود ولا ابو يمن
فلبينين شغلهم مضبوط
كنك في الوكاله ويمكن احسن<<:d
اي شي انا موجود
عند مراكز قـلــــــــــف .... بس نصيحة اشتري فلتر زيت اصلي من برة
لانه كل مراكز قلف فلاترهم تجارية وغالية جدا بزيادة من 6 إلى 9 ريالات
واستخدم زيت هوندا - متوفر عندهم
السلام عليكم ورحمة الله وبركاته
احب اقول ان الوكاله كلها خايسه في خايسه وانتم بالكرامه اروح اغير عند هندي ولا بنقالي ولا يماني ولا غير عند الوكاله لانه نفس الحكايه سارت معايه في الوكاله اغير الزيت وخربوا الصره وقلولي لازم نفكها ونغير الكارتير طيب اخرطوه ارخص قالوا لازم نغير الكارتير قلتلهم السياره ماغيرلها غير الوكاله من اول ماطلعتها حتى خربت قال لها عمر اتفراضي وتخرب ولا زم تتغير قلت لا مافيه شئ اسمه عمر افتراضي ايديكم هي خربت الصره وصلحوها وشرطه وما دراك ماشرطه واخرها صلحتهاخارج الوكاله اي ضمان يابو ضمان بس حده 100 الف كيلو بس يابوضمان
ومن بعدها قاطعة الوكاله رحت باغير الزيت حق القير والله لا يوريك كانهم قاصديني يغير الزيت بمحقان كله رمل واتهاوش معاهم وهم كلهم سعوديين واقوله ليش مانضفت المحقان حق الزيت يقولي جو في القير في قلتر
يعني دافع فلوس وتقولي فلتر على الوساخه الزياده
تقبلو تعقيبي على الموضوع
اخوي ن ع ر السعودية 0005
مشكور ما قصرت .. بس بالنسبة لإستفسارك او سوأل وتستشهد بكلام عبودي .. كان كلامة فية شوي من المصالة ;)
يعني يتريق وانها مشكلة .. ان الواحد لو تخرب السرة وترا راس مالها 8 ريال .. انا ما جيت اشحذ من احد فلوس ..
فا ما اخذت بكلام عبودي ..
ورايك سديد وصح على الوكالة اضمن .. ويالله لك الحمد جنب البيت :d
جزاك الله خير ...
اخوي lambo :
تسلم ... بس :d انا منيب بجنوب الرياض ..
:p انا بالريان شرق الرياض
والله الضاهر با الوكالة زي ما قال اخوي ن ع ر 0005
مشكور وما قصرت ..
جزاك الله خير ..
Honda*2008 :
يا حبي لك والله .. تسلم وما تقصر .
تكفى يا عبودي 2009 شف الناس الي تعرف ترد وتعلم ..
:rolleyes:
منيب قايل شي مشكور وما قصرت ..
ي ب م 587 :
وين اماكنهم قلف .. شي بشرق الرياض ..... حولنا وحوالينا ..
جزاك الله خير .. ومرسية اوي على المعلومات
النمر الاسود :
والله شي يضيق الصدر ..
المشكلة هالأسلوب الي يتبعونه معنا .. حنا الي سببناه لأنفسنا.. بطيبتنا الزايدة .. وكل شوي يا رجال وسع صدرك وكبر راسك وفي الأخير معاد احد يعبرك ..
وهنا المشكلة صارت الطيبة ضعف ..
واقولها لك انا قررت اغير يا عند الوكالة او قلف .. ولاما راح ادفع ولا ريال إلى الين اشوف الشغل بنفسي ويرضيني .. ولا الوعد الشرطة ..:d
ومشكور وما قصرت ..