عرض للطباعة
السلام عليكم ورحمة الله وبركاته
هذي اول مشاركة لي في هالمنتدى اللي يجمعنا فيه (غير الاخوة الاسلامية) حب الغزال هوندا , وارجو المشاركة من الجميع:
بعد نزول البنزين الجديد , وتعبئة الجميع منه تقريبا نرجو وضع كم كان يمشيك البنزين السابق والجديد عند ملئى التانكي ( داخل المدينة) مع ذكر نوع السيارة وموديلها
انا كان يمشيني من 480 الى 500 بالنوع السابق (95 اوكتان)
اما الجديد(91اوكتان) الى الان 460 وباقي اقل من الربع يعني نفس الصرفية تقريبا
هوندا اكورد 2003
وانا ايضاً نفس الصرفية :)
الف شكر لك يابطل
حتى أنا نفسكم .. قلت الصرفية نتيجة لأنخفاض نسبة الأوكتين مما يؤدي لخفض نسبة الأحتراق الداخلي للمحرك ..
يا إخوان أنا وصل قريب ال E
بس بدون ما تولع اللمبة ...
و ما مشيت إلا 400 كيلو :eek:
هذا بالجديد 91
بالقديم كنت يمكن أوصلها 450 بالكثييييييييير و تولع اللمبة ...
ما في فرق واجد نفس الصرفية تقريبا.
يا ناس يا عالم أنا قريت أن الأكورد من موديل 2003 إلى 2007 يستخدمون 95 فقط و إللي قريته منكم يعكس ما قرأته في موقع أرامكوشسالفه أشرحوا لي ........................
اخوي الظل
ماعليك من كلام ارامكو وخرابيطها
اهم شي كلام الوكاله وفي الكتاب حق الوكاله يقول لك بنزين 91
او كي ياقلبي
كلام ( الكلجات) صحيح
انا اعرف واحد عنده خبرة ف امور السيارات ومحركاتها قال ان 91 يمشي على الأكورد ما دام حددته الوكالة ومافي اي مشاكل بإذن الله بس انتو لا اتوسوسون
اما بالنسبة للصرفية فأنا ما حسيت انه فيه فرق الا في البداية (يمكن كنت أوسوس)
وحتى لو فيه فرق يكون الفرق قليل بالنسبة لفرق السعر
وشكرا
صراحة البنزين الجديد ( 91 ) ماينفع ولا بريال :mad:
البنزين القديم ( 95 ) كان يمشيني 550 كلم :cool:
وهذا الجديد ( 91 ) مشاني بس 480 كلم :mad:
من اليوم ورايح ماني معبي الا من الـ 95 :p
ما ادري شقول لك يا " اتش"
ياخي اسمك عطسة هههههههه السموحة منك أخ عزيز لكن اللي فخاطري أقوله
المهم
يمكن يكون صحيح كلامك البنزين 95 يمشي أكثر لكن على حسب مرات كان يمشيني أكثر بعشر كيلوات ومرات بـ 15 ومرات بــ 30 وما زاد عن هذا الحد
يعني اتعبي لك 91 مع فرق السبع دراهم أفضل
شكرا لك
صح ان الصرفيه زايده شوي بس اهم شي ان الماكينه اخف من اول والعزم زاد بعد:cool:
:o :rolleyes:اقتباس:
المشاركة الأصلية كتبت بواسطة هوندا كونكورد
خذ راحتك حبيبي :)اقتباس:
المشاركة الأصلية كتبت بواسطة هوندا كونكورد
بس لاتنسى بعد العطسة تقول الحمد لله :d
شوف حبيبي تانكي البنزين في الاكورد ياخذ بالضبط 64,8 لتر
اش رايك نحسبها مع بعض ;)
64,8 × 0.60 = 38.88 ريال هذا للبنزين الـ 95
64,8 × 0,45 = 29,16 ريال وهذا للبنزين الـ 91
يعني الفرق بين النوعين = 9,72 ريال
صراحة الفرق بسيط واشوف انه مايسوى ;)
وش رايكم ياشباب :confused:
الظاهر ان العطسة عجبتك اهم شي انها تعجبك حبيبي والحمدلله على كل حال:)اقتباس:
المشاركة الأصلية كتبت بواسطة اتش
حسابك للفرق يمكن يكون صحيح لكن لمستوي معين لمؤشر البترول في لوحة المفاتيح للأكورد
بمعنى أنه لو عبيتها والمؤشر اموصل قبل الE بثلاث شخطات يمكن ينطبق فرق التسع دراهم لكن لو عبيتها والأصفر والع فما بتفرق وياك إلا خمس دراهم ( من واقع تجربة )
واذا اتقول انها ما تسوى ترى يا الغالي هي تسوى عندنا في الامارات ترانا ما صدقنا يرجعون بنزين 91 للمحطة عشان انعبي منه لأنه تفرق معانا بحكم ان البنزين غالي عندنا جدا ولا تنسى انه سعره ارتفع في الامارات مب مثل ما عندكم في السعودية الكرولا يعبونها كل 3 اشهر ... يا حظكم ياخي البنزين عندكم ارخص من الأكل هههههه
اخوي هوندا كونكورداقتباس:
المشاركة الأصلية كتبت بواسطة هوندا كونكورد
حسابي مو يمكن الا اكييييييييد صحيح ;)
لاني متأكد 100% من سعة تانكي الاكورد :)
على كل حال الفرق في السعودية بين النوعين يعتبر بسيط :rolleyes:
عكس الاسعار في دولة الامارات الشقيقة .... صراحة تعتبر غاااااالية ....الله يكون في عونكم اخوي :o
يمكن انته ما فهمت قصدي
حسابك صحيح على حسب مستوى البنزين في الخزان يعني على حسب موضع المؤشر مال البنزين... هذا القصد
وبعدين مثل ما يقولون إسأل مجرب
انا هذا اللي لاحظته من خلال قياساتي الدقيقة بالنسبة للبترول والصرفية
صارت عندي خبرة ما شاء الله انته بس قول لي كم تبا اتعبي وانا بقول لك كم بمشيك ههههه
يعطيك العافية يا اتش لكن بغيتك اتعيد النظر في قراءة نك نيمي من اول
شكرا لك
اقتباس:
المشاركة الأصلية كتبت بواسطة اتش
انا معك 100%100
واخيراً لقيت واحد يفكر زيي :d