السلام عليكم
كيفكم طيبين ان شاء الله ...
سيارتي تهرب مويه زرقاء اليوم شفتها على بلاط بيتنا فمادري وش منه هالمووويه هل رديتر وشي طبيعي ول فيها شي ..
انا قبل مااجي اشغل المكيف كالعاده والسالفة بدت معي امس الظاهر واليوم بانت ....
ومشكورين مقدماًًًًًًًًًًًًًًًًًًًًًًًً
والصوره في المرفقات
بـأنتظاركم :confused:
هذه موية الرديتر
بس قول لي كم موديلها ؟؟؟ ضروري
إن شاء الله مايكون من الراديتر او الطبه, لكن تاكد من الزائد( العلبة البيضاء المتصله معه) حق الرايديتر يمكن يكون مليان وينغط ويطلع برا
إحتمال يكون فيه تهريب من نفس الرديتر
او
من العلبه التابعه للرديتر
شيك عليهم
مشكورين يااحلى ناس من شوي طلعت بالسيارة وحرارتهاااااااا مرتفعه الى فوق النص ومره فوووووووق مره تحت مدري وش السالفة
السيارة جديده 2008:(
الحمدلله انها جديدة
روح وقول لهم على الضمان ولعلمك اذا شيكت عليها وصار نسبة تلف في المحرك لازم يبدلون المحرك
لاتقبل باي نسبة تلف من المحرك
هلا أخوي
هذي موية راديتر ((موية الوكاله زرقاء))
التهريب احتمال :
الراديتر
احد الخراطيش التابعه للراديتر
طرمبة الماء أو الكوع
صرة الراديتر ((اتوقع بعضكم ابيستغرب)) ناظرو زين تلقون الصره
الطبه منشقه
الخزان الاحتياطي
ودها للوكاله ترى الحراره تأثر على المكينه وتضره حرام موديل 2008 رح للوكاله وانشب بحلوقهم الين يصلحونها
كانها على الضمان وشف وش اثرت عليه الحراره كانه من مبطي ترتفع الحراره وخلهم يغيرونه على الضمان
الله يعينك
ان شاء افدتك
أنا أتوقعــــ
في أنبوب زي أنبوب الغار وصغر يربط بين الاديتار وما ادري أشي
أنقطعــ ولا أنفلتــ
يمكن أحجارهـــ ولا شي حاد طار وانت تمشي وشخطهــ ونفتح
ومعروف اذا صاب الاديتار شي ترتفع الاحرارهـــ
الحق عمرك وودها على الوكالة قبل ماتخسر مكينة سيارتك بسبة الحرارة .
فية موضوع طويل عريض ودي اكتبة عن هالسالفة اللي بسبتها غيرت مكينة سيارتي واليوم واحد من الاعضاء (البيض) صايرة معة نفس المشكلة وطلع الريتر يبيلة تلحيم <<< حرارة سيارتة فجأة ارتفعت واليوم الثاني شيكت عليها الرديتر مافية ولا نقطة موية والمراوح ما تشتغل ..
المختصر ،، الحق على عمرك وافحص والا ودها الوكالة .
اووول شي اشكركم اخوااني على اهتمامك وصدق انكم اخوووووان واعز بعد
المشكلة وديتها لصناعيه اليوووووم على طووول سيده بعد مارديت اخر رد دزيت وصار الخراب في الرديتر
في حصاااااة مدري من وين جايه صقعت في نصف الرديتر ووسوت خفس صغير ولحمته بـ 80 ريال عند ورشة بكستانيه مضبوطين فكو الرديتر ولحموه ورجعوه مثل الاول وعطوني ضمان سنه بس المويه الزرقاء بااح راحت وشرينا كاسترول نفس حقت الوكالة ونفس اللون ازرق وشرينا مويه مقطره وبعد ماصلحووا حطيناها بالرديتر والحمدالله الوضع رجع سليييييم والحراره صاارت مضبووووطه نفس اول واحسن ...
زي ماقلت لكم وقت تلحيم الرديتر ساعة بالضبط وسعر التصليح بـ 80 ريال فقط
الحمدالله ارتحت بعد ماصلحوها :)
ومشكور لكل من رد
الحمد لله دام المشكله انحلت :dاقتباس:
المشاركة الأصلية كتبت بواسطة رايح لـ رابح