التأمين الشامل

السلام عليكم

انا ابي اسئل الي مأمن تأمين شامل وين امن وبكم

انا سيارتي اكورد 2009 سبشل

وكلمت التعاونيه وقالوا بــ4820 ريال

ياليت الي مأمن يفيدنا بكم ووين أمن

عليكم السلام ورحمة الله وبركاته
التأمين عند التعاونيه افضل شي وذلك يحسب قيمة التأمين على كم شغله
1- عمرك
2-موديل السياره
3- تختلف عن الاربعه سلندر عن السته في السعر
4- اذا السياره في الاستماره مو با اسمك يعني با اسم ابوك راح يختلف السعرعشان هو اكبرهذا إذا كان عمرك تحت 20 سنه
والف مبروك مقدماً والله يعطيك خيرها

3- تختلف عن الاربعه سلندر عن السته في السعر
اربعة ولا ستة سلندر ماتفرق:mad:
4- اذا السياره في الاستماره مو با اسمك يعني با اسم ابوك راح يختلف السعرعشان هو اكبرهذا إذا كان عمرك تحت 20 سنه
والف مبروك مقدماً والله يعطيك خيرها [/QUOTE]


والسيارة تتأمن باسم راعيها الي بالاستمارة لو عمرك اقل من 25 سنة لازم تضيف منفعة عمرية اي استفسار انا جاهز انا موظف بالتعاونية بالرياض جمال 0557843576:rolleyes:

مرحبـا اخوي

بخصوص التأمين انا امنت في التعاونيه
تأمين شامل
طبعا طلـع علي 2681 بعد مانشبت لهم وجلست مع الموظفين كلهم بالفرع
انا امنتهاا على الـ 60 الف بس
مايحتاج تأمنها على سعر السياره كامله ويعتمد على حسب رغبتـك انت
ومدة التأمين سنـه وبالاضافة مع البحرين ..طبعا البحرين يفرق 200 ريال
اذا طلعاتك كثير للبحرين
طبعا قالي النسبه اللي تحسب علي لاقدر الله اذا صار حادث ادفـع 1000 ريال
نشبت لهم وخلوهاا لي بـ 500 ريال
عطوني بطاقتين
بطاقة على السياره واي شخص عمره فوق الـ 25 عشرين يسوقهاا ولاقدر الله سوى فيها حادث السياره شامله التأمين
وبطاقة ثانيه على الرخصه
في حالة اني انا استخدمت سياره ثانيه تكون شامله برضو
وبس
اي استسفار اخوي انا حاضر
بالتوفيق

يعطيكم العافيه ياشباب

بس ماتعرفون لنا شركات ثانيه غير التعاونيه ويكون شامل واخوي جمال انتضر مني مكالمة اليوم انشالله

انا تحت امرك

أحسن مافي التعاونية أنك ماتتعطل اذا قدر الله وصار لك شي

الشركات الثانية يبيلك شهور وأنت تراجع معاهم لين تستلم الدراهم :)

ويمكن في شركات ثانية يخلصونك بسرعة ولكن للحين ماسمعنا عنهم

والكل يتجه للتعاونية لسمعتهم عند الناس بتخليص المعاملة بسرعة وأعطائك حقك بالكامل

السلام عليكم

انا قبل يومين والحمدلله يارب طلعت هوندا اكورد 2009 فل اوبشن اربعه سلندر

وأمنتها تأمين شامل قيمته 4333

طبعا ثبت السعر على تسعين الف بس رغم ان قيمة السيارة 100 الف

وحتى الان والحمدلله الوضع اوكي ومعاملتهم حلوه

والله يوفق الجميع