اللي ركب كشافات

السلام عليكم ورحمة الله وبركاته

اخباركم عساكم طيبون

بسالكم يا شباب اللي ركب كشافات تجاري

وش احسن نوع من ناحية الصنع ومن ناحية الماركة

الله لا يهينكم

:o :o :o :o

الي عند العليان بـ 250 ريال تحصله بالغرابي بـ 170 ريال

نصيحه خليها على وكالته ولا ركب اصلي فـــقـــط

انا مركيب تجاري صراحه حلوه بس بسعر 250 العام الماضي الان بسعر 180 او 170 صراحه حلو

تبون الصدق ..

التجاري حق ٢٠٠٩ صراحة مش بطال .. ( لانة قزاز وصناعتة تقريباً مشابهة للأصلي - فقط الكشاف اما الفاصل خنبقة في كل التجاري - ، موب زي كشافات ٢٠٠٧ و ٢٠٠٦ .. قزاز وحول اللمبة حلقة معدنية تصير حااااااااارة وتحتفل في الكشاف ، او النوع الثاني البلاستك الطويل اللي اذا ماخشتة الموية يصير لونة اصفر )

لكن المشكلة في الفاصل وطريقة تركيب الكشافات ..

بتاخذها تجارية وشوف ( الخبير والدكتور العالمي الاستاذ : يمني يتعلم في السعودية ) شوفة كيف بيخنبق لك في سيارتك ويخترع لك ظفيرة جديدة عشان يشبك الكشافات مع الفاصل التجاري حقها .. واذا صار شي في كهرب السيارة .. بيروح عليك الضمان ..

فالنصيحة .. اذا ناوي تركب شي .. اشترة من الوكالة وودة ورشة متخصصة وشغل يدهم رخيص ويمشون على الكاتلوج اصرف لك واضمن لك ،، صح انها غالية ،، بس ما تسوى عليك سيارتك يقولون ماشية ١١،٠٠٠ وانهى ضمانها بعد خلل كهربائي ورفضتها الوكالة بسبب يمني !

* عمرة التجاري ما يصير نورة ووزنيتة في الارض مثل الاصلي .

وان حصل وشريت اصلي بـ ١٣٠٠ ريال تقريباً من الوكالة ، تركيبة في الوكالة بـ ٣٠٠ ريال وهذي ١٦٠٠ ريال !!!
او تركبة في ورشة متخصصة وانت وحظك بالسعر اللي يحصل لك ..
او اركبة لك مع المشرف محمد بن عبد العزيز بمبلغ وقدرة ١٥٠ ريال فقط ..

انا مركبه بالوكاله بخريص بالرياض


حقها بي 1314 ريال

وشغعل يد

450 ريال



بالتوفيق يالغالي :)


ابوتمره انا :)

انا مركب تجاري وممتازه شبه اصلي يعني ماتفرق بينها وبين الوكاله الا من ناحية الفاصل والفاصل التجاري مش بطال

المهم انا شاريها من عند العضو ملك مملكة جده بــ 350 ريال قبل 5 شهور وفي الوكاله 1300 ريال وشغل اليد 300 =1600 ريال غااالي


بالتوفيق لك

مشكووورين كلكم ما قصرتم


بالنسبة للفاصل انا بركبها على السكن وش رايكم


اما حق الوكالة ما اقواه 1300 من غير التركيب

------------------

بريق وش اسم الماركة اللي مركبها هل هي hd وكرتونتها كبيرة


مرة ثانية مشكوووووووووور وما قصرتو

يالربع انا بعد ابي اركب

تنصحوني اركب تجاري الاصلي غالي مره

انا بس الزجاج متكسر اما اللمبات وكل شي عدل

وش الحل يالربع فيه حل نركب الزجاج بس ؟؟

ياناااس

انصحووونا

فقرانين عيال السبيشل ويبوون كشافات ههههههههههههههههههههههههه

وش افضل محل في الخبر ولا الدمام يرركب كشافات ؟؟؟

ووش افضل نوووع ؟

آحد يررررد....!!

والله نصيحتي لا تدور الا اصلي

انا ابي كشافات وباخذهم من الوكالة

امير حبيبي ..

مو صحيح اذا قالك تجاري مو كويس ..

انا مركب تجاري و السيارة لها سنه الان و ما حركت بالكشافات ولا شي من ركبتهآآ ..

بالوكالة يا الغــآآلي .. القطع 1500 .. و تركيب 500 ( اذا سيارتك سبيشل )

و انا مركبها بالغرابي بـ 220 .. تايوانية يحبوو قلبك ..

عند محل اسمه الشثري اعتقد .. :confused: بالغرابي اول اشارة بعد البريد ( خذ يمين )

بعدين اشارة رح يسار بالوجه ..


و للحين مآشيه معي زي العسل ولا شفت فيها اي خلل و اي مشاكل ..

بالتـــوفيق



بــدرآآآن

طيب واللي من الشرقيه وش يسووي :p

وش تنصحوووني يآ شبآآب

ابي محل معرووف بالشرقيه واحد ركب عنده

سواء بالخبر او الدمام

ووش افضل نووعيهـ وبكم سعرهاا ...!؟

ومحل مضموووووون :p

up

up

up

ركب تجار و غير اللمبات اصلي و ركب فاصل الوكاله نفس طريقتي

له الان سنه و ما شي معي مضبوط

مرحبا يا الأخو أحسن شيء أن تركب أصلي من الوكالة تفك نفسك وتريح بالك من ناحية الضمان والكهرباء بالأخص وبالتوفيق .

والله ركبت لأخوي تجاري من برى تقريبآ بـ 200 والله طلع دخان بعد يومين وكان بيعدم أم الكهربة مالالأكورد
ورحنا الوكالة وشرينا كشافات مع العصابـ 1200 وريحنا راسنا من الخوف والقلق
غير ان النور يفرق معك في الخط التجاري نوره أهبل
اما الوكالة مرة واضح وياخذ مساحة كبيرة في الإضاءة