عرض للطباعة
السلام عليكم ورحمة الله وبركاته
مساء الخير على الاخوان جميعا
ياخوان انا انسحبت (انتهت)بطارية سيارتي اكورد 2008 4 سلندر ولما رحت للوكالة (خريص)طلبت بطارية وقالوا مافيه عندنا ونصحوني ببطارية اي سي ديلكو 60 امبير وبعدين رحت واشتريت البطارية المذكورة ولكن المشكلة كان فيه تغيير :
1- لما اشغل النور يضعف نور الطبلون.
2- يضعف نور الساعة.
ياخوان ابغى نصيحتكم مع انه اذا دقيت سلف الوضع طبيعي جدا ومافيه اي ضعف بالدقة.
انتظر مساعدتكم جميعا وشاكر للجميع جهودهم
والله اخوي كان ركبت 80 امبير انا مركب 80 امبير واحلى كلام خصوصاً اذا كنت مركب زنون
طيب جرب بطارية ثانيه ممكن الخلل من البطاريه الجديده
اذا صار نفس الوضع ارجع للوكاله يسوي لك برمجه لانه صارت مع واحد من الشباب بعد ما غير البطاريه صار فيها رجه خفيفه وراح لهم سوو له برمجه كمبيوتر ببلاش اذا كانت ع الضمان
١- تأكد من ان البطارية راكبة بالشكل المطلوب وان اللي يركب على اصابع البطارية يكون مشدود .
٢- تأكد من نظافة اصبع البطارية من اي ترسبات .
٣- اذا استمرت المشكلة ، ضمان البطارية عام كامل ، استبدلها ببطارية اخرى من وكيلها ،
ماأتوقع المشكله من البطاريه
تأكد من العصا اللي في الطبلون لما تفرها يمين يقوي أضائة الطبلون ولما تفرها يسار يضعف الاضائه :)
انا مغيرها وقالي البطاريه اللي تصلح على الاكورد
هي حجم 55
تأكد من انه انها نفس حجم حقت الوكاله
السلام عليكم اخوي الكونكورد ...
أنا ما افتيلك بس يمكن البطاريه مالها دخل بس الاسي ديلكو بطاريه الكترونيه والبطاريه اللي تجي من الوكاله اف بي تكون مويه يعني بطاريه عاديه واحس العاديه افضل لانها اذا انتهت تقدر تعبيها مويه وتمشي معاك اما الالكترونيه اذا صارت لمبتها بيضا عليك العوض مالك الا جديده ...:confused:
شكرا للجميع على المرور وماقصرتوا الله يعطيكم العافية
طيب ياخوان وين احصل نفس البطارية القديمة ( بطارية بلاده)
انا اقول ترى لمبه الطبلون مخفض عليها
تقدر تزيد عليه من الزر اللي في الطبلون بالفر جهه اليمين
انا كمان صار لي موقف مع البطارية كنت في السوق وبعد ما شريت اغراضي السيارة ماهي راضية تدق السلف وربي تفشلت سيارة 2008 ويسير فيها كذا وماشية 22 الف بس المهم مالكم باطويلة رحت الوكالة اليوم الثاني شرحت لهم الوضع بدولها لي بوحدة جديدة على الضمان حتى بدون ما يفحصونها وعلى فكرة ضمان البطارية معدي علية يوم وهو منتهي بس هم مشوها وكانو متعاونين طبعا انا بجدة رحت فرع طريق المينا وترى قالولي سعر البطارية بس حط يدك على قلبك سعرها 1265 الف وميتين وخمسة وسبعين قلت لة سلامااات يقول ذي من اليابان على الوكالة بس ما بلعتها
اقتباس:
المشاركة الأصلية كتبت بواسطة جـر دنياه يـح
بارك الله فيك وبالفعل مثل ما قلت اخوي
مشكورين جميعا والله يوفقكم
حسبي الله على النصابين ..اقتباس:
المشاركة الأصلية كتبت بواسطة كبرياء فارس
قد شريت بطارية من الوكالة بـ 250 حقت 4 سلندر 55 امبير اي سي دلكو من وكالة هوندا ..
وسعرها في وكليها ( الجميح ) 180 ريال
وسعر 70 امبير حقت v6 هو 260 ريال
وش اللي 1265 ...!! الظاهر منيب قايل ...
بطارية اسي ديلكو قبل فتره مركب أنا ب 150 ريال مع الرجيع البطاريه الأوله
طبعا بعد الخصم
اقتباس:
المشاركة الأصلية كتبت بواسطة كبرياء فارس
ويييييييييييييييييييييييين؟
حبيبي انا معي اكورد 2008 رحت الوكاله اليوم
وما حصلت عندهم بطاريه
وسألته عن سعرها!!!
قال:250 ريال
بــــــــــــــــــس
انا غيرت البطاريه على الضمان في الوكاله بس اعطوني بطاريه صغيره مره ومو زي الي قبلها
يعني بالعربي احس انهم لعبوا علي
واذا اشتغلت المراوح يضعف النور ممكن تساعدوني
اقتباس:
المشاركة الأصلية كتبت بواسطة أكورد الدخيل
قبل 6 اشهر ركبت بطاريه ايسي دلكو تعبا ماء ,,
والحين الموتر طاافي ,,
برجع اركب الكترونيه افضل ,,
,,
انا قبل امس مغير بطارية الوكالة الى اسي ديلكو 55 امبير وزي العسل رغم اني مركب زينون واطي وكشافات تاكد من نفس البطارية لا تكون خربانة ولا شي