السلام عليكم ورحمة الله وبركاته ..
ياشباب أنا نويت ولأول مره وهذا خبر سار جدا لعبدالله هاشم ..:d نويت اني أدخل السياره الصيانه وهذي طبعا المره الأولى وأتوقع الأخيره مع وجود احتمالات بتكرار الزياره اذا ضبط الوضع معي ,,
طبعا سيارتي ماشيه 55000 كم .. (( لا الى هؤلاء ولا الى هؤلاء ))
يعني ماأدري وش الشغلات الي راح تتغير ؟؟
وكم تكلف الصيانه مع كل شي (( تقديرات )) ..؟؟
وهل القماشات تتغير على الضمان ولا أنا اغيرها ؟ لأنها بدت تصفر ,,
أتمنى ما أكون طولت عليكم ,,
أبغى أسألك ماشاء الله مشت 55000 بدون ما تغير الأقمشة الخلفية والأمامية .. لأني وديتها صيانة 20000 وغيروا الأقمشة الخلفية قالوا منتهية ....
؟؟؟
سمعت والله أعلم
إنهم بيصلخونك في السعر صلخ :d
لأنها أول مرة
و الشغلات الي تتغير بسيطة إذا سويت صيانة شاملة عند ال 40000
أما القماشات تغيرها انت و الضمان يشمل العيوب المصنعية فقط فقط ....
الله يعييييييييييينك ....
وقولنا التفاصيل
سلام اخوي
اول شي مادري ايش يعني قماشات
ثاني شي بما انها اول مرة بتروح تشيك حط في بالك بتدفع مبلغ وقدره
بالنسبة لي انا على ال 50 الف غيرت البواجي البلاكات
زيت ماكينه وفلتر طبعا
وغيرت فلتر الهواء
اممم غيرت الهوبات على الضمان
بالاضافة الى التشييك الروتيني
الله يوفقك اخوي
http://www.m5zn.com/uploads/5f87455701.jpg
اذا وصلت 60 الف تحتاج
تغيير زيت قير
فلتر هوا
بواجي
زيت و سيفون
ترصيص كفرات
و تغيير فحمات اذا هي منتهيه
بالوكاله بتكلفك حول 800 ريال بدون فحمات
و بحسبها لك تقريبا اذا بتسويها برا
زيت القير لازم بالوكاله يكلف 110
بواجي و فلتر هوا قطع تكلف 120 و تركيب 20 .. المجموع 140
زيت و فلتر حسب الزيت لكن نقول 80
ترصيص 40
تقريبا تكلفك 370 ريال
و الفحمات الغالب انها الخلفيه
قيمتها 190 و التركيب ما يزيد عن 30 .. المجموع 210 ريال
يعني لو بتسويها برا الوكاله مع الفحمات بتكلفك حول 600 ريال
و بالوكاله ما راح تقل عن 1100 ريال
الخيار لك
اقتباس:
المشاركة الأصلية كتبت بواسطة نواف بن أحمد
أنا غيرت القماشات الخلفيه تقريبا عند 35000 كم لأن اخوي ماقصر طلع عليها مشوار والجلنط مرفوع وقال ايش ؟ قال ما أدري .. عشان كذا غيرت الخلفيه ,,
أنا مغير بواجي وزيت قير عند الأربعين وأتوقع والله أعلم ان مع ذلك راح توصل التكاليف 1000 ريال على الأقل ,,
الله يهديهم هالوكاله ,,
كان التامين معطيهم فوق قيمة الإصلاح لما انسرقت السياره 10000 ريال وقالوا هذي احتياطات وشوفوا الي يحتاج تغيير و لا غيروا قماشات ولا سووا ولا شي حتى مفروض يسوون صيانة 50000 كم دامها واقفه عندهم شهر ونص لا ودافعين 15000 ريال ,, :mad:
دامك مغير بواجي و زيت قير نقص 150 ريال
سيارتي أدخلتها الصيانة قبل شهر وكانت صيانة 60 ألف كلفت من دون البواجي وزيت الجربكس وفلتر الهواء (لأني مغيرهم عند 40 ألف في الصيانة السريعة) بعد الخصم 780 ريال وكانت ثاني صيانة بعد العشرين الف
الحمد لله سيارتي ماشية اكثر من 170000 كيلو
والصيانة ما فوت شئ تقريبا تكلفني كل مرة حول 500 متوسط السعر
ولكن الحمد لله مافي يوم وتعطلت واذا فكرت اسافر ما اشيل هم
صحيح الصيانة تكلف بس تحافظ على السيارة 100% مااسوي دعاية للشركة بس كلام في المعقول واذا مشيت على الصياتة كل 10000 تصبح تكلفة الصيانة 350 حتى 40000
مدري عنكم خوفتوني من الاكورد لان عندي كامري وناوب على اكورد مستعمل انا الكامري 2004 ماشيه 114000 ماطبت الوكاله من بعد الالف كيلو والى الان ماغيرت فيها شي ابدا بس زيت المكينه وبطاريه !!