سيفيك 2006 افيدوني

السلام عليكم
كيفكم اخواني محبي هوندا
انا توني شاري سيفيك 2006
ابي نصايح منكم
وش نوع البنزين والزيوت وباقي الاشياء الضروريه
الله يعطيكم العافيه

انا عبيت بنزين كم مره 95 وكم مره 91
هل فيه ضرر
الله يعطيكم العافيه

غير الزيت والسيفون بالوكاله

وشيك على زيت القير (يغير كل 40 الف كيلو)

البنزين انصحك بـ 95 وما يضر لو عبيت مره 91

توكل على الله

و عليكم السلام ورحمة الله وبركاته

عـلى البركة ياخوي و الله يعطيك خيرها و يكفيك شرها

و اخوي المسافر ما قصر معك :cool:

بالنسبة الى كلام الأخ المسافر

انا قيري كان بيروح فيها لما الزيت كمل 40ألف بالزيت

واجهت مشاكل معا القير والحمدالله تم الحل

لأني لو تأخرت على تغير الزيت كان القير بيروح ملح

هو الأفضلية زيت القير يتغير كل 20ألف كيلو وهذا من تجربتي لأنه 40ألف اللزوجة تقل وتصير مشكلة اثناء التعشيق بين نمرة ونمرة

وزيت المكينة على جونا الصيف كل 4000 او 5000 يتغير الزيت معا السيفون

طبعا انا اتكلم عن الأستخدام اليومي+اذا تسافر في السيارة

وكل قطعة استهلاكية في السيارة لها وقت معين او عدد كيلو معين

واي خدمة حاظرين اخوي

الله يعطيكم العافية شباب ماقصرتو

يعني السيفيك حقها اوكتين 95
والزيت غيرت سوبر جي تي كل 4000
وزيت القير حطيت حق اي سي ديلكو

مدري الي سويته صح ولا تنصحوني بشي ثاني

وفي عندي مشكله ثانيه
اذا كنت مهدي يعني داعس بنزين خفيف احس في تفتفه الموتر مدري وش المشكله
بس اذا كنت امشي طبيعي ماتطلع التفتفه ؟؟؟

الله يعطيكم العافيه ويهنيكم بمواتركم :)

عليكم السلام أخوي نصيحه بنزين 95 أفضل للموتر وغير زيت مكينه وسيفون كل 4000 وزيت القير كل 30000 هدا كلام الوكاله وغير بواجي كل 40000 والله يعطيك خيرها ويكفيك شرها

الله يعطيك العافيه اخوي ومشكور :)

كلكم ماقصرتو واستفدت منكم الله يخليكم لأهلكم

انا ماعندي شي اضيفه على الربع ..
سيارتي 2006 وكل الا قالوه كنت باقوله وهم ماقصرو ..
بس نسو شي واحد ..
الفلاتر ..
غيّر فلتر المكيف كل سنه او كل سنه ونص عادي بس قيمته غالي ..
انا بصراحه غيرته لين انهلك بعد سنتين يمكن ..
وفلتر المكينه بعد غيّره ..
كل سنه ..
ومافي شي زود ..
تحياتي

قلتر المكينه توني مغيره بس فلتر المكيف مالقيته عند الوكاله
والي عندي مهلوووك بس الشكوه لله نصبر لين يجيبونه
يعطيك العافيه ياكنق