السلام عليكم ورحمة الله وبركاته ,,
يالله .. شعور جميل حينما تضغط على أيقونة ( موضوع جديد ) بعد فترة ليست بالقصيره تغيب فيها عن منتداك المفضل ;)
بس ليت الموضوع ماكان في هالقسم الكئيب :p
ما أقول الا الله يعينك يالمباشر على الوضع في الورشه هنا :d
بروبلمي بروبلم ,, وفي روايه مشكلتي مشكله ,
هي قصه بصراحه لكن راح أقطع أجزاء منها عشان ما أثقل تصفح المنتدى عليكم :d
بداية القصه اني أعطيت واحد من أخوياي السياره قبل 3 سنوات ( لاحظوا قبل كم المشكله ومتى كتبت الموضوع :d )
المهم راح فيها مشوار صغير ما أخذ نص ساعه ولما رجع كنت أنا انتظره عند الباب واستلمت السياره منه وطلعت فيها ,
المهم صوت السياره متغير علي .. فيها حنه , لكن ماكانت واضحه لأن الكفرات كانت ميشلان ومزعجه :mad:
والسياره ذاك الوقت ماشيه 40000 كم (موديلها 2005 )
استحيت من الرجال ماكلمته عن الموضوع ,, ووديتها لورشه طلع مع المهندس قال ما أشوف ان فيه شي ..الصوت طبيعي ,
مرت سنه .. سنتين .. السياره تعدت الضمان وتعدت ال 100000 كم وغيرت الكفرات بنوع ( تويو ) وهو معروف انه هادي ورايق .. فوضح الصوت أكثر وصار يرفع ضغطي وجاب لي حاله نفسيه لأن صوت الأكورد الحلو أختفى ,,
الصوت باختصار .. اننننننننننننننننننننننننننننننننننننننننننننننننن ننننننننن :d
الصوت ياحلوين يكون هادئ في بداية الدعسه ويبدأ في الارتفاع تدريجيا الين تعشق السياره ثم يختفي من جديد ويبدأ في الارتفاع نفس أول ,, وتقريبا هو في ال 3 تعشيقات الأولى ,, أما في الخط فما يطلع الصوت ,,
الشي الثاني ,, لما أوقف عند اشاره وماسك فرامل والقير على D تكون السياره هاديه وطبيعيه .. لكن بمجرد أعشق احطها في N يرتفع صوت الماكينه :confused:
وديت السياره الوكاله أيام الفحص المجاني ,, وسمع واحد من المهندسين الصوت وقال هذي من تروس القير .. يقول ان اسنان التروس متآكله ( الله يهديها ماتفرش اسنانها :d) ويقول ان مافيه ضرر .. لكن صوت بس ,,
والحل ؟
قال توظيب :eek:
المشكله مو في التوظيب ,, المشكله فيما بعد التوظيب , مستحيل الأكورد ترجع تمام مثل اول ,
الزبده من موضوعنا هذا ,,
فيه أحد صارت له مشكله نفس مشكلتي وطلع من شي ثاني ؟ لأن المهندس احس انه سددها علي كذا من غير فحص دقيق ,
وبعدين يقولون ان الكرونه مدري المكرونه :dتطلع صوت حنه أحيانا .. هل فيه أحد غير كرونه من قبل لأن كانت تحن عليه ؟
يعني انا احس ان أبو المهند راح يمسح أيقونة ( موضوع جديد ) عشان ماعد أشتاق له :p
على العموم اتمنى من أصحاب الخبره والتجربه الرد علي .. اما المهايطه فيمدحون استراحة المنتدى وكرسي الاعتراف :d
تحياتي لكم جميعا :f070:
