السلام عليكم ورحمة الله وبركاتة
عزيزي بخصوص اللوحة تاخذ أسبوعين حسب كلامهم والمشكلة هي فيك فيك أسبوعين ولا شهرين ولا ثلاثه ومالك الا الصبر
الحين مطلوب منك بعض الحاجات تسويها وهي
لا ولا ولا تركب اللوحة قدام .. خلها وحطها بالخلف ، خلف الزجاج من داخل مثل ماقال لك King
طبعآ تحطها في حال سحبوا منك الثانية الطويلة والسبب النظام يلزمك تركب اللوحة الموجودة بالخلف وطبعآ ماتركب بالخلف فخلها خلف الزجاج
اذا اللوحة الثانية سحبت منك وقت التقديم فلابد انك تاخذ ورقة من المرور يسمح لك بالتنقل داخل المملكة بلوحه واحدة لمدة شهر.
بخصوص الدوريات << قسم بالله راح يمتحنون حياتك وتكره نفسك :d
(((( وبعدين مسموح يطولي بعمرك تقدم لوحة طويلة ولوحة قصيرة بنفس الوقت ))))
انا مقدم طلب لوحة قصيرة وطويلة بنفس الوقت وبـ 100 ريال مع حذف الأصفار
وصلت القصيرة وباقي الطويلة وقالوا المرور تبي تخليها لين تجي الثانية ولا تاخذها ونعطيك خطاب
عاد انا قلت أكشخ بدون لوحة قدام لين توصل وخطاب المرور عندي وياويل من يتكلم :d
حاليآ مركب القصيرة بالخلف والطويلة مادري متى تجي وعادي عندي لأني ماخذ خطاب من المرور أني أتنقل بالسيارة بلوحة واحدة لمدة شهر واذا تاخرت اللوحة يبدلون لك الخطاب بثاني جديد
ولكن :::: لاحظ ولكن .. كل ماطلعت مشوار ورجعت لمدينتنا الحبيبة مدينة النفط والجمال والتفتيش 24 ساعة في وجهك .. << قسم بالله كرهت نفسي كل شوي صفط على جنب ولا يجيك من بعيد يأشر لك وين اللوحة عاد المضحك انه جايب دفتر المخالفات وشوي الا أنا مطلع الخطاب ومسكته :d
المهم أني طفشت كل شوي صفط على جنب ، وين اللوحة ، عليك مخالفة ماركبت اللوحة وهكذا
