اول موضوع لي بشراء سياره اكورد 2006 ساعدوني يا اهل الخبرة

السلام عليكم

اخباركم يا شباب
بقول قصتي باختصار :


انا ببدل سيارتي الحاليه وهي كامري 2004 والله ما فيها شي بس انها قير عادي لا والحلى من كذا
انها ما دخلت ورشه من يوم ما طلعتها من الوكاله بس اغير ( زيت بواجي سيفون فلتر ) تكلفني 250 ريال كل 3000 كلم

يا شباب انا قررت اني ابدلها باكورد 2006 لؤلؤي نصف فل نضيف ما شاء الله
بس عندي كم سوال

1-هل السياره على سرعه 140 مريحه
2- هل السياره على سرعة 140 تحن تحس انها تبي نمرة اقوى
3- هل تتحمل 6 سنين جايه
4-هل هي تهربد بسرعه يعني تحس ان الابواب والهيكل يبدا يتفكفك
5- هل التبريد المكيف عالي
6- هل اسعار قطعها غالي الاستهلاكيه ممكن تخبروني كم اسعارها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


شباب تنصحوني باستبدالها
وكم اسعرها للي يعرف

اسال اهل 2005 وكذا تعرف اخبار ال 2006

الي يعرف شي يخبرني ويقول رايه بالسياره بصراحه

انا كان معي كامري 2004


وبقول لك

الحين معي اكورد 2007


السيارة تمشي 180 وتحس ان السرعة هذه ولا شي لان نظام الفي تيك يشتغل بعد 150 تقريبا لان سرعة الدوران كافية انه يشتغل


وغير كذا مريحة وبالنسبة للاعطال مافيه اعطال كثيرة


السيارة بتعجبك ان شاء الله وغير كذا مريحة بنفس مستوى الراحة في السيارات الفخمة

طيب يالغالي نت مجرب السيارتين على كلامك بصراحه مو داخلية الكامري احلى لاني شفت الكورد دركسونها اشوي لك عليه وهل من الداخل الاكورد نفس الكامري ولا الاكورد اصغر

اتوقع والله اعلم ان قطع غيار الهوندا اغلى بكثير من الكامري ا

داخلية الاكورد اموديل هذا اجمل من الكامري موديلات 2003 الى 2006 اولا فيه جوودة عالية في الخامة المستخدمة وثانيا فيه تناسق في الالوان واللون البيج خياااااال من الداخل والاكورد موديل 2003 -2007 بنفس المساحة في الكامري 2003-2006

اها طيب قطع الاستهلاكيه مثلا بواجي الكامري 30 ريال وتركيب 15 = 45 ريال
يعني يعتبر رخيص هل الاكورد كذا وش القطع الي انت غيرتها

طيب يا شباب اسعرها تبدا من كم

اسعارهـ تبدأ من 50 الى 60 الف
وانـا مثلك جالس ادور اكورد 2006

ما اتوقع انها توصل 50 اصلا لان الشكل خلاص صار قديم وبينزل الحين 2010
راح تنزل كثير

لا يالغالي .
لي اسبوع وانا بالمعارض
لقيت أكورد 2006 جديدة اسبيشل بـ 57 الف
وفل لقيتهـا بـ 58 الف
****
****
وبعدين الأكورد 7و6 مرغوبه بشكلها المميز و
تبدو انها مسكت السعر بعد تغير شكل 2008 كلياً
يعني اللي يتأثر من نزول 2010 هو 8 و9 تقريباً
وربي تعبت وانا ادور هالأكورد 2006

اقتباس:

---

1-هل السياره على سرعه 140 مريحه

---

جداً مريحه

اقتباس:

---

2- هل السياره على سرعة 140 تحن تحس انها تبي نمرة اقوى

---

على فكرة الأكورد قيرها 5 تعشيقات

اقتباس:

---

3- هل تتحمل 6 سنين جايه

---

على حسب استخدامك اذا انت بترفق عليها بتشد 10 سنين قدام

اقتباس:

---

5- هل التبريد المكيف عالي

---

جداً ممتاز

اقتباس:

---

6- هل اسعار قطعها غالي الاستهلاكيه ممكن تخبروني كم اسعارها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

---

انا اشوفها مناسبه بالنسبه لجودتها

وفالأخير القرار لك وبالتوفيق

انا من راي قبل لا تشتري السياره شف واحد من جماعتك من ربعك ولو بعد تستأجرها يوم وشوف مركبها كيف .
من ناحية القطع الاستهلاكية سعرها ما يفرق عن سعر الكامري .
الاخوان اللي يقولون الاكورد 5 تعشيقات هل هو في موديل 2005 والا من 2006 وطالع .
مع العلم ان موتري 2005 واحسه في الخط زي الحلاوه لا صوت حنه ولا شي .
ودي اشجعك اخوي تراني استخدمت كامري 2003 gl ولما غيرت انبسط .

تقبل مروري

اقتباس:

---

المشاركة الأصلية كتبت بواسطة اكارداوي

ما اتوقع انها توصل 50 اصلا لان الشكل خلاص صار قديم وبينزل الحين 2010
راح تنزل كثير

---

ههههههههههههههه
صلي على النبي
سيارتي ماشية 60 الف كلم ابيض لؤلؤي فتحة وقير اتوماتيك نظيفة ولله الحمد روحت بس ابي اشوف كم تجبلي طبعا ما فكرت بالبيع
والله جابتلي 58 الف ريال سعودي يعني لو فكرت ابيعها توصلي 60 الف ريال سعودي
لكن والله الي ردني في البيع لاني رغبان في السيارة بشدة وما في سيارة افضل منها في فئتها ....وشكرا

اقتباس:

---

المشاركة الأصلية كتبت بواسطة اكارداوي

السلام عليكم

اخباركم يا شباب
والله بخير زي مانته شايف في المنتدى جالسين :d

بقول قصتي باختصار :
ياليت والله ولا يكتر هرجك كتير :d


يا شباب انا قررت اني ابدلها باكورد 2006 لؤلؤي نصف فل نضيف ما شاء الله
بس عندي كم سوال

- أنا عندي اكورد سبيشل 2006 - وراح اردلك ع الاسئيله :)

1-هل السياره على سرعه 140 مريحه
- بالمرررا كتير

2- هل السياره على سرعة 140 تحن تحس انها تبي نمرة اقوى
- ماكدب عليك ان ماتعديت من بعد 140 ..
بس مره وصلتها ل 140 وحسيت انو بدها تديك اكتر ...

3- هل تتحمل 6 سنين جايه
- 6 سنوات مره قليله تديك
ادا انته من النوع المحافظ
وكل 10 الاف صيانه - و 5 الاف زيت
وسواقتك كويسه مو عفشه :d
ادا جاء عام 2035 راح تحصلها معاك ;)

4-هل هي تهربد بسرعه يعني تحس ان الابواب والهيكل يبدا يتفكفك
مستحيل تشوف هوندا مهربده ..
امكن لو تتكلم على نسيان التيما صح ..

5- هل التبريد المكيف عالي
من افضل مكيفات السياارت هوندا

6- هل اسعار قطعها غالي الاستهلاكيه ممكن تخبروني كم اسعارها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
- اكيد طبعاً بس انته جالس تحط قطع على سياره تستاهل


شباب تنصحوني باستبدالها
وكم اسعرها للي يعرف

---

- اتوكل على الله ..

اقتباس:

---

المشاركة الأصلية كتبت بواسطة أبو عبدالرحمن سلامي

الاخوان اللي يقولون الاكورد 5 تعشيقات هل هو في موديل 2005 والا من 2006 وطالع .
مع العلم ان موتري 2005 واحسه في الخط زي الحلاوه لا صوت حنه ولا شي .

---

اعتقد من 2003 للأخر موديل وهي 5 تعشيقات

السلام عليكم وشهر مبارك

1-هل السياره على سرعه 140 مريحه
انا معي 2007 سبيشل وشهريا على خط الرياض الدمام والله اقل حاجه باقول عنها مريحه على ال140 وعلى ال180 وما يلعب فيها الهواء ومركبها ممتاز ومريح

2- هل السياره على سرعة 140 تحن تحس انها تبي نمرة اقوى
اذا دعستك ثابته لا بعدين المكينه ما لها حنه الا بعد ال200 لانها عندي ترد نمره

4-هل هي تهربد بسرعه يعني تحس ان الابواب والهيكل يبدا يتفكفك
للامانه سيارتي صارلها اكثر من حادث والى الحين ما حسيت بهذا الشي

5- هل التبريد المكيف عالي
من احسن ما يكون ما شاء الله

6- هل اسعار قطعها غالي الاستهلاكيه ممكن تخبروني كم اسعارها
اسعارها غاليه شوي بس حط القطعه و انسى منها مثلا انا اشتريت السياره و هي ماشيه 36000 غيرت فحماتها على ال38000 وعليها سفرات ومشاوير وغيرتهاعلى 65000 مع انها ما طلعت صوت ولا ما يحزنون
وبعد وحده من المراوح كانت توقف رحت اسئل عن القطعه طلعت علي 650 تقريبا غاليه صح بس تدري في النهايه حطيت مراوح كامري 2003 صيني بخمسين ريال و ماشيه زي الحلاوه
ومن ناحية تتحمل 6 سنوات قدام اذا انت محافظ على الصيانه وتشيكها اول باول فاحس انا 6 سنوات قليله
بعدين السياره مسيومه في معارض النسيم بالرياض من اسبوعين تقريبا 55000 على انها ماشيه 70000 الا رجل وعلى الصدمات اللي فيها

اقول توكل على الله وترى ال2006 وال2007 مرغوبه وصدقني ما راح تندم

اقتباس:

---

المشاركة الأصلية كتبت بواسطة أأح2024 بيج

اعتقد من 2003 للأخر موديل وهي 5 تعشيقات

---

صحيح اخوي طلعت عليها بعد العشا مشوار وكنت في اشاره والشارع فاضي عشقت الموتر على D ومشيته بالراحه عديت اربع تعشيقات مع الدي طلعت 5 نمر :d