عرض للطباعة
السلآم عليكم يآ هلآ و الله ,,
يآ ليت شبـآب تفيدونـي بأسعآر الأكورد بـ معآرض الريآض ..
مآ يهم الموديل ,, لكن يفضّل 2004 ..
فل كـآمل ,,
مآ تكون مشت فوق الـ 50 ..
+
هل تنصحونـي فيهـآ من الأسـآس ,,
خصوصـاً إن الميزآنيّـة مآ هـي ذآك الزود ..
تحيآتـي .. :)
نادر تلقى 2004 ومامشى فوق 2004 ويعني مسكت أكورد
طيب مآ عليه موديل 2007 ولآ 2008 ..
كلّه وآحد ,,
بس أبـي شي زيـن ..
و وش تنصحونـي أحسـن موديـل .. :)
الموديلات التي تلافت العيوب المصنعية هي
2005
2007
يفضل إقتنائها والله يوفقك
أخوي لي فترة بالمعارض الاسعار كالتالي:
اكورد سبشل 2007 تقريبا 55000ريال
اكورد سبشل 2008 تقريبا 65000ريال
اذا انت تقدر 2008 حلوة، بس اعلمك انتبه من الشريطية؟؟ وبالنسبة للممشى ؟ الممشى الطبيعي بالرياض كل سنة 30000كيلو
غير كذا يافاصل العداد يا مرجع العداد؟؟
أنصحك تاخذها من الساحة من راعيها الاصلي
طيب شبـآب مـآ كـأن 2007 غآليـة شوي ..
و وش المقصود بـ سبيشل ؟؟ :)
الاكورد ثلاث انواع
1- فل كامل
2- اقل من الفل كامل اسمه سبشل
3- سياحي وهذا اقل شي
طيّب أنـآ أبـي أكورد 2005 ..
سبيشل , بكـم ألقـآهـآ ؟
و هل ألقآهـآ ؟
وعليكم السلام ،
انت كم ميزانيتكْ ، عشان نخدمك أكثر ، ؟!
شف 2004 _ 2005
سعرها (( 40 الى 45 ))
السلام عليكم ورحمه الله وبركآته
خآلد
انا عندي سيآرهـ هواند اكورد لون لؤلؤي سبيشل
موجودهـ بالمعرض للبيع
ماخذها كانت ماشيه 7 الآف
والحين ماشيه 160 الف
متابع الوكاله لحد 130 الف كل عشر الاف
من داخل ماشاء الله كانها وكاله وزيادهـ التخشيب اللي حاطها
من برآ فيه بعض المشخآت وفي الصدام الآيمن طقه خفيفه ومزينه
وغيرها يشهد علي الله لافيها صدمآت ولا سمكرهـ من خذيتها
وموجودهـ في معرض في النسيم
وللآمانه بدايه السوم من دخلت الساحه 36 لحد ماوصلت 40
وماني بعيـد عن السومه الاخيرهـ
بعدها حطيتها بالمعرض
وشفهآ بمعرض الشمري اللي على نفس الستين وانت متجه لم خريص
ان عجبتكـ كان بها ماعجبتكـ الله يرزقكـ
نصيحه لك اخوي إذا تقدر على الفـل خذ فل
يعني السياحي ترا مايفرق عن السبشــل
بدال ماتشتري 2007 سبشل خذ 2005 فـل
يعني مابه فرق بالسعر اذا ماني غلطـان
وموفق ان شاء الله
يعطيكم الف عآفيـة مآ تقصرون و الله ..
و إنشـآلله لي جولـة اليوميـن هذي بالمعآرض