سيارتي اكورد2007 المشكلة اذا مشت السياره طبيعي مافي مشكلة بس اذا هديت وفصل الثاني وارجع ادوس يشبك الثاني بنتعة اونتشة بصراحة قاهرتني افيدوني جزاكم الله الف خير.....سالت كم واحد بيقول عادي ممكن بيصرفني
عرض للطباعة
سيارتي اكورد2007 المشكلة اذا مشت السياره طبيعي مافي مشكلة بس اذا هديت وفصل الثاني وارجع ادوس يشبك الثاني بنتعة اونتشة بصراحة قاهرتني افيدوني جزاكم الله الف خير.....سالت كم واحد بيقول عادي ممكن بيصرفني
انا والله ماعندي خلفية بس اتوقع والله اعلم ان السبب زيت القير ناقص او يبغالة تغييير
وياليت لو تغيير فلتر زيت القير مع تغييير الزيت
والله يكون في عونك ويسدد خطاك
نتعة ونقزة تأكد من كراسي المكينة وان شاء الله خير
عندي النتعة لما تنقل من الاول للثاني و الحمد لله مافي اي مشكلة لا بالقير ولا السيارة ولا كرسي المكينة زي ما تفضل الكبتن الي فوق
طيب ايش الحل ياجماعة لانه منزعج كثير ممكن يكون فلتر القيربوكس ممكن سعره بالوكاله ومشكورين على الجهود المبذوله......
متى بدلت زيت القير آخر مرة ؟؟؟
وفلتر القير مايتغير الا مع التوضيب
اقتباس:
وفلتر القير مايتغير الا مع التوضيب
الفلتر ما يتغير في جميع الموديلات أو هذا للجديدة بس
لأن واحد قلي يتغير أنا عندي 2004 ما قد غيرته قال لي لازم تغير أول ما تفتح الوكالة بعد العيد ........ المشكلة عندي في النقلة من نمرة إى نمرة تحس ثقل حتى اللي يركب معي يلاحظه .... وأنا القير عندي اتوماتيك ...... وواحد ثاني قلي يمكن المشكلة من الحساسات ..... وبصراحة ما فهمت لكن بعد العيد يصير خير
ومنتظرين أي إضافات للموضوع قد تفيدنا
اخر مره غيرت زيت القير على 100,000الف ك م والحين ماشي 115000الف ك م النوع زيت امريكي كله على بعضه مع شغل يد 50ريال تنصحني اخذ الزيت من الوكالة ومشكورررين على اهتمامكم
أنصحك قبل التداول في نوع المشكلة ان تستبدل الزيت بزيت الوكالة مع تنظيف القير بطريقة تبديل الزيت وتفريغه لثلاث مرات بزيت هوندا الأصلي من الوكالة
الله يعينك التكلفة راح تكون كبيرة ولكن ماعندك حل الا كذا بطريقة التنظيف
للمزيد
http://www.hondaarabia.com/club/showthread.php?t=21572
http://www.hondaarabia.com/club/showthread.php?t=24694
مشكور يااخي المباشر على اهتمامك وتتوقع ان الموضوع راح يضبط لانه انا عندي احساس الجيربوكس في مشكلة وابشرك سويت موعد في الوكالة 8/10 وتظن ان الكمبيوتر راح يكشف الموضوع ولك تحياتي ,,,,وعساكم من عواده آمين
والله القير حاله غريبه في الأكورد وللأسف مانقدر نفيدك بشي وبخصوص النتعه عندي مثلها بالضبط وحتى فيه حركه ثانية اذا عشقت وشلت رجلك بسرعة يتأخر بالتعشيق لمدة ثانيتين وأتوقع انها طبيعية مع وجود نقزه وكما هي معروفه من الكراسي وطبعآ وديتها للوكالة ونشبت لهم نشبة غير طبيعية وفحصوا القير وقالو سليم وأرجع وأنشب لهم مرة ثانية والأوراق تثبت أزعاجي لهم وقالي المهندس طبيعي في السته سلندر يتأخر التعشيق
طبعآ تم تغيير كرسي واحد
المهم سويت لهم أزعاج بس بكل احترام وماعطيتم مخرج يجوني يمين اجيهم يسار لين آخر فحص في الملاحظات مكتوب ( توجد مشكلة خفيفة في القير ) وبعدها شاطبين على الكلمة وكاتبين ok وعلى العموم انا بيني وبينهم الأوراق وأهم شي كدليل أني بلغتهم بوجود ملاحظات علشان بالمستقبل تدعمني اذا صار شي للقير << ادري غيري ماطلع منهم بفائده لكن كتغيير راح أحاول ونشوف ذاك الوقت وش يصير وطبعآ كل كلامي لو صار شي لا قدر الله للقير
وانت روح وشيك عليه في الوكالة علشان تاخذ الأوراق وتحجهم فيها بعدين اذا هم ماطلعوا الخلل وترى أنا سالفتي كلها قبل نهاية الضمان والسيارة طلعت من الضمان ولكن لو تفاقمت المشكلة مثلآ اذا كان فيها مشكلة بالأصل يمديني احجهم ويدخلونها على حسابهم لأني بلغتهم سابقآ
على العموم الكلام يطول ولكن مابي أطول عليك لكن خلك مع الوكالة وشوف أخرتها معاهم
موفق يااخي المباشر وتسلملي على مشاركاتك واطروحاتك الجميلة