استفسار بشأن مخييييش

السلام عليكم ,,

بدخل بالموضوع على طول

ومدري اضيق صدري او اسحب على المشكله :d

مشكلتي توني مطلع هوندا ,, ومدخلها بالبيت جنب سيارات اخواني المهم واحد من اخواني الله يهديه فتح بابه ,,

وبابه صقع بالهوندا :( ,,

طبعا اول ماشفت دورت مالقيت ولا خدش بعدين ولعت نور وجلست ادور زين :d

لين حصلت نقطه بيضـآ زي قشرة الرآس ماتنشاف :d الا لين تخش عيونك بمكان الدقه ,,

فـ وش رايكم الوكاله تنقط ؟؟

والا اخليه مع العلم النقطه البيضا ماتنشاااااف ابد ,, لكن حزت بخاطري :( بحكم انها جديده

ومنغبن شوي:( ! السياره مامشت الا 350 كيلو بس ,,

فـ وش الحل ؟؟

غير ذلك حصلت نقطه ثانيه نفس الاولى بجانب الفتحه مش واضحه يعني اول مااستلمت السياره :d

وش رايكم وش اسوي ؟؟

اخليها زي ماهي والا لا مع العلم اللون عودي

:d

ويعطيكم العافيه

يرجـال خله
يمكن دافع بـلا
وغير كذا ماهو مــأثر
واذا ملزم رح الوكـاله سو تنقيط
يقولون ان سعر التنقيط 50 ريـال


:d

سيارت اخوك لونها ابيض صح
اذا لونها ابيض فجيب ملمع ناعم من محلات الزينه وسعره بــ 10-15 ريال
حطه على مكان الحكه وامسحه بمنشفه وشد يدك عليه وان شاء الله يطلع
والنقطه الي جنب الفتحه اتوقع انها من التجليده حقت الوكاله

امممممم

لا لونهـآ ذهبي



طيب الملمع وش اسمه او اي نوع ؟؟

والله يعطيكم العافيه

ايه دخلها الوكالة وروح لقسم السمكرة وروح لمدير السمكرة وقول له فيه مخشة صغيرة ابيك ترقعها لي

يسويها لك ببلاش

8

المشكله اخاف يضحكون علي :d ,,

لانها مب مخشه مدري شلون جايه !!! نقطه صغيررررره

الله يعين

ببلاش ما عليك روح بعد العيد ويسوونها لك ان شاء الله

عزيزي تحسس المخش بيدك إذا حسيته انه شيء بارز فوق البوية هذا أقرب تلميع وتنحل المشكلة وأنت واقف مسحتين على مكان المخش بالقماش

لكن إذا حسيت ان المخش حفر في البوية ولو شيء بسيط جدا فأنصحك تعالجة عند الوكالة وأنت واقف تنقيط بسيط وتمشي امور

ولا تهمله إذا كان حافر في البوية لان المخش الصغير بيكبر مع الوقت ومع كثرة الغسيل. . . لكن على كلامك ووصفك ما اتوقع ان يأثر على البوية يكفيه تلميع لانه الضربة مو قوية لكن تأكد. . ولا تنس تطمنا عن الملكة

اوكي اخواني

الله يعطيكم العافيه

ماراح تخسر شي !!! تأكد من السالفة جيب ملمع وشوف شغلك معاها يمكن يروح واذا ماتبين أتركها :)

اخوك اسمعني لو بتتابع المخوش بتتعب ؟؟؟
انا سيارتي 2008 ماشاء مافيها ولا مخش لكن قبل اسبوع بس كنت رايح الديوانيه ماطلعت الا السيارهـ محكوكه في الصدام الخلفي بس ما راح ارشها لانها خفيفه

تذكرني بسيارتي 2006 اول ما اشتريتها كنت اتابع المخش اول باول نمل اتجنيت لكن الحين عايدي لها 3 سنوات ولكن ندمت من حاجة وحدة اني ما سويت لها كراش اي موقف خاص للسيارة بقفل عشان ماحد يحك السيارة من البزران والغشيمين في السواقة

يارجال ريح الراس تراك بتتعب كثير
الحمدلله جت على كذا
هذا واحد من أخوياي طلع أفالوووون جديد 2009
وبنفس اليوم وقف عند أسواق مركزية ودخل جوا يتقضى مبسووووط بالموتر :)
طلع وشاف السيارة مخش كبيييييير الصدام والرفرف والله قهر :mad:
والرجال اللي مخشه مشى ولا كأنه سوا شي
على العموم ( الله يعطيك خيره ويكفيك شره )

الله يعطيكم العافيه شبـآب

وشكلي بخليه لان من شاف مصيبة غيره هانت عليه مصيبته :) ,,

واحد يقول افالون من الصدام الى الرفرف تخووف الحكه هذي !!

انا نقطه بس حتى مب حكه وشكلي بخليها بس :)

الله يعطيكم العافيه


اخوي المبأشر بالنسبه للملمعات مالي اي خبره فيهم ياليت تعطيني اسم ملمع اوشي

بالنسبة للملمع روح اي محل زينة السيارات وقله هات ملمع بوية يعطيك