إستفسار و أعطوني اراءكم

بسم الله الرحمن الرحيم والصلاة والسلام على اشرف الانبياء والمرسلين نبينا محمد وعلى اله وصحبه اتم السلام...
أما بعد :
شباب انا قدر الله علي وسويت حادث على اكوردي والحمد في الحديد
ماصار شي للركاب الحادث حصل ليلة العيد المهم الحادث كان قوي
نوعا ما والمناطق التي اصيبت بالحادث هي صدام خلفي من الجهة
اليسرى رفرف امامي يسار صدام امامي كفر وجنط و اكس كلها
الامامي اليسار ومثل ما ذكرت الحادث كان قوي نوعا ما و كنت
انا واخوي بالسيارة بس الحمد لله على كل حال الموهم الضربة
جت من قدام يسار ولمبة الاير باج فتحت بس الفاجعة ان الايرباج
لم يفتح ولم يحدث سوى اني و اخي شمعنى بالزجاج علما
ان موتري اكورد 2009 ماشي حدود27000كلم كل الصيانات
في الوكالة ولم اتأخر عن اي صيانه .
المهم يا أخوان انا كنت ابغى اسألكم ما موقف الوكالة من هذا
الموضوع هل تتوقعوا انها بتعطيني اكورد ثاني بحجة
الاير باج ام ستسحب علي :(
وعلى كل حال انا اول مايفتحوا بعد من الاجازة براجعهم
واذا في احد يعرف متى بيفتحوا يفيديني وجزاكم الله الخير.
وكل عام وانتم بألف خير معليش متأخر.:)

من رائي بس ماني متاكد
اذا حاولو يلفو ويدورو عليك قلهم راح اشتكيكم وزارة التجاره واكتب في الجرايد واشتكي واكتب تشوف النتيجه
لانه احتمال يقولوك الصدمه ما وصلت حساس الايرباق وقتها قلهم طيب كيف اشتغلت اللمبه

مشكور وماتقصر يالغلا وارجع اشكرك على النصايح:)

اسف نسيت اقولك الحمد لله على سلامتك انتا واخوك

انت مؤمن عليها تأمين شامل؟؟؟

الف الحمد لله على السلآإمه انت واخوك الله يعووضك خير انشاءالله
ومثل ماقآإل اخووي الموآإقف هذي يبـيلهآإ لسآإن طويل يعني يوم السبت انشاءالله لمآإ تفتح الوكآإله
نكس الطآإقة وشمر كمومك وادخل عليهم هع قلهم كذآإ وكذآإ ولمبة الايرباق طلعت بدون ماطلع الايرباق
والحآإدث قوي وفقش عليهم شوي دخلهم بالجوو واتوقع وقتهآإ بيحولونك على شركة هوندآإ نفسهآإ لأن الوكأإلة
مجرد انهآإ تستلم وتبيع السيارات مع الصيآإنة يعني بس مالهم شغل بالاشيآإء هذي واتوقع هوندآإ يبخونك بملغ
وقدره او انهم يعطونك سيآإرة واذا خربت خربت صلحوا سيآإرتك اهم شي بس لا تسكت لهم :mad:
ومعليش طولت عليك بالكلام
انت بس وسع صدرررك الحين واحمد ربك اروآإح رآحت وش عآد كسررره حديد
الله يعوووضك يآإرب
تحيآتي

الحمدالله على سلامتك انت واخوك ,,, وانا اخوك الحديد بالطقاق اهم شي الواحد يطلع منها سالم معافى. بالنسبه للإيرباق على حد علمي مو على اي حال يطلع لانه اذا الصدمه ماوصلت للحساس مايطلع ابدا واكثر من واحد اعرفه كانت صدماتهم مع الرفارف وزوايا الصدام وتلقى اشارة الايرباق واضحه ومعلقه فترة وتروح, لكن هالشي مايمنع انك تروح اول شي لشركة التامين لانه حطه فبالك ابو هاشم بيصرفووونك عشان كذا خل يكون معك حجة انك جايهم من طرف شركة التامين .
وانشاءالله يااارب يعوضونك وماضاع حق وراه مطالب .

أول شيء الف الحمد لله على سلامتك وثاني شي
قول هذا الدعاء واصبر دعاء من اصيب بمصيبه((اللهم اجرني في مصيبتي واخلفلي خير منها))