K&N والا Injen والا takeda ?? للنقاش

السلام عليكم ورحمة الله وبركاته

شباب الموضوع ملفت من عنوانو .. انا الصراحة جمعت في الموضوع بين انو يكون موضوع مهم شخصي يفيدني انا
وموضوع عام لكل ملاك الاكورد وايش الافضل والأنسب لسيارة الاكورد خاصة موديلات +2008

والله يا شباب احترت ايش افضل انتيك للاكورد .. من غير ما احد يجي يفتي .. انا احترت في حاجتين ..
احيانا الانتيك الـLong يجي في كثير من السيارات اقوى من الـshort
بس في الاحيان الـshort يكون اقوى وافضل على بعض السيارات
هذي اول نقطة

ثاني نقطة وهيا الصراحة اهم نقطة مشكلة حساس الهوا الموجود في السيارة
اخاف اطلب واحد من بره ولمن يجي تصير مشكلة الحساس عائق قدامي ولا اقدر اركب الانتيك ولا حاجة :(
لكن واحد قالي ان الانتيك الـshort ما يحتاج تشتري قطعة وتولف عليها مدخل الحساس زي الLong
مع العلم انو كل من K&N و Takeda انتيكات الاكورد عندهم كلها Short

ثالث نقطة هيا نوع الشركة .. الى الان والافضل الصراحة هذولا الثلاتة
k&n - injen - takeda

طبعا اكيد اكثركم مهو عارف شركة takeda بس الصراحة هذي الشركة هيا الافضل من بين الشركات اللي ذكرتها واللي ما ذكرتها كمان
لانو اعطت للأكورد 08 ال4 سلندر على الداينو 13 حصان يا شباب وهذي مهي بسيطة
ونوع الانتيك كان short
وتعطي لل6 سلندر14 حصان ونوعو short وتقارير الداينو موجودة في موقعهم ويرفع الtorque +14

اما بالنسبة للـ k&n ححصر الكلام فقط على الـ6سلندر .. طبعا الموجود نوعية الـshort وتعطي على الداينو 10.23 حصان

واما injen اعتقد حصب ما افتكر انو تعطي 9 احصنة

والموجود عندنا في محل السيارة الرياضية يقلك اركبلك K&N اصلي وكل شئ قدامك تشوفو يوحيلك انو اصلي الصراحة :rolleyes:
حتى الكرتون اللي فيلو الانتيك والفلتر .. بس الصراحة في موقع K&N مافي Long للـ اكورد 6 سلندر الجديدة
وغير كدا شكلو يختلف في نفس الانتيك ونفس لون الانتيك :confused:

والصراحة سار في بالي ان اللي في السيارة الرياضية مو مضمون واحسو مو اصلي
يعني بالعربي احسو (( كوبي )) :confused::confused:

والى الان من الارقام والفيديو اللي شفتو في اليوتيوب عن الـtakeda تشير الى انها افضل شركة صنعت انتيك للاكورد الجديدة من حيث القوة اما من نحية الجودة اعتقد برضو بتكون جودتها عالية

ولكم الحكم .. انا الصراحة محتار وخايف اطلب شئ واتورط فيه :(

والموضوع وضع للنقاش يا شباب
اتمنى من الكل يناقش ويتكلم وفي انتظار ردك يا خالد على أحر من الجمر :)

تحياتي

من كلامك انا اشوف انك مقتنع للــ takeda ولو أحد قالك خذ k&n ما بترتاح له
بس انا اشوف انك تاخذ takeda دامك مقتنع فيه
ويجيك خالد ان شاء الله ويفيدك من خبراته

^
^
يعطيك الف عافية يا غالي

والله كلامك سليم 100% ..
تقريبا مقتنع لكن متردد .. ومنتظر احد يقنعني اقناع تام بالشئ الافضل والاضمن اهم شئ
عشان ارتاح زي ما قلت ..

ومره ثانية شكرا لك يا اخوي ويعطيك الف عافية على ردك :)

هلا فيك حبيبي italian - boy :

و عليكم السلام و رحمة الله وبركاته ... حياك ربي .

بالنسبة للـ 3 شركات إللي ذكرتها فتقريبا K&N معروفة للكل بسبب سمعتها و جودة منتجاتها و أغلب أصحاب السيارات و مو شرط هوندا يركبونه , injen ممتاز جدا و جربه على أليتما 4 سلندر شورت و ألتيما 6 سلندر لونج و كل أصحاب الألتيمات و أنا منهم أنصح فيه على سيارات نيسان .

نجي لمحور موضوعنا و هو Takada دخلت موقعم و لقيت إن الشركة يا بانية و كنت زمان اسمع عنها و كان في واحد يجيبها هنا من 3 سنوات لكن مدري وين راح , الرجال سافر و لا عاد سمعت عنه شي .
بصراحة ما جربتها لكن دخلت على موقعهم و أتفاجأت بأداء الإنتيك فقط على الداينو , بصراحة شي عجيب , ما شالله إنتيكهم مرة قوي رغم إنه شورت .

اقتباس:

---

احيانا الانتيك الـLong يجي في كثير من السيارات اقوى من الـshort

---

اقتباس:

---

بس في الاحيان الـshort يكون اقوى وافضل على بعض السيارات هذي اول نقطة

---

اللونج يجي في الـ V6 أفضل من الشورت , لأن السيارة لما تكون V6 فيها عزم و فيها قوة و طاقة إنها تسحب الهواء من تحت لين يوصل للمكينة , يعني معامل السحب فيها على بعكس سيارات الـ 4 سلندر إللي تلاقي فيها معامل السحب ضعيف نوعا ما فإذا ركبت لونج على سلندر راح تحس بفرق صح لكن مو مثل فرق الشورت , و خصوصا بالنسبة للأكورد .
في الأكورد لو فكيت الفلتر مع الصندوق بالكامل راح تلاحظ إن مكان الفلتر الرياضي راح يكون مواجه لمدخل الهواء ( القربة السفلية ) و هذي مكانها خلف الرفرف اليسار مباشرة فالهواء بيسحب و بيدخل مباشرة على المكينة . هذا الكلام في الأكورد الـ 4 سلندر أما في الـ 6 سلندر فالسيارة مهيئة إنو يركب لها لونج إنتيك لأن مكان الفلتر يختلف و التجويف السفلي خلف الرفرف يختلف أيضا , فهنا ما راح يكون عندك هواء ضايع بعكس الـ 4 سلندر فتركب لونج أفضل لك ....
أنا في سيارتي الألتيما الـ V6 ركبت لونج Injen و تركيبه ما أخذ مني حتى نص ساعة , السيارة و التجويف الداخلي مجهز عشان تركب اللونج إنتيك و في فتحة تحت الكشافا اليسار فيها هي مدخل الهواء , يعني السيارة جاهزة للتركيب وما أحتجت حتى أفك الكفر اليسار , التركيب على طول ما يحتاج و لا شي , معظم الوقت أخذ في فك القديم بس .

أتمنى وصلت فكرتي بأن الشورت ممتاز على بعض سيارات الـ 4 سلندر و منها الأكورد ... و مرة جربت مع ألتيما 4 سلندر كان مركب إنتيك لونج و فاك الدبة و أنا كان عليا إنتيك شورت , لا قومة و لا دحدرة ما طلع عليا و هو أستغرب و قال كيف أكورد 4 سلندر تقوم على الألتيما , لأن الألتيما خفيفة .

اقتباس:

---

والموجود عندنا في محل السيارة الرياضية يقلك اركبلك K&N اصلي وكل شئ قدامك تشوفو يوحيلك انو اصلي الصراحة :rolleyes:
حتى الكرتون اللي فيلو الانتيك والفلتر .. بس الصراحة في موقع K&N مافي Long للـ اكورد 6 سلندر الجديدة
وغير كدا شكلو يختلف في نفس الانتيك ونفس لون الانتيك :confused:

---

كلامك سليم , الأكورد الجديدة الـ V6 مالها إنتيك في موقع K&N الشركة إللي نزلت للـ V6 لونج هي AEM أعتقد و طبعا أفضل شركة فلاتر على سيارات هوندا .... لكن أنا بأقلك إن الشي إللي يتحكم في قوة الفلتر و الإنتيك هو الفلتر و المادة المصنوع منها الإنتيك و شكل الإنتيك . طبعا فلاتر مثلا K&N تعطيك ضمان مليون ميل على فلاترهم و هذا الشي مكتوب على الكرتون حق الفلتر . اللون ماله دخل , و الإنتيك نفسو ستانلي ستيل عازل للحرارة . يعني الأداء بيكون ممتاز إنشالله و ماشالله الشباب مركبن و مالقو منه مشاكل و في واحد له أكثر من سنة ما نظف الفلتر و الإنتيك حقوة و ماشالله ماشي معاه زي الحلاوة .

أنا ما بأدافع عن المحل , لكن بأتكلم عن تجربة شخصية و تجربة أكثر من 10 أشخاص أشترينا من عندهم أشياء كثيرة , و لا تنسى إن أول أكورد 2008 ركب عليها إنتيك هي سيارة العضو MeedO و ركبه عندهم في السيارة الرياضية من سنة أعتقد و إلين يومك مبسوط معاه و ما فكه و أداءه حلو .

إذا أنا كنت مكانك ما راح أطلب غير إنتيك لونج للـ V6 و واحد من الشباب معاه أكورد V6 كان يبغى يركب إنتيك شورت راح لحسام الطيب بياخذ استشارته و قاله : حرام تركب شورت في سيارة V6 و كلامي يعتبر و لا شي قدام كلام حسام لأنه رجال خبرة و فاهم في الياباني و عدل سيارات وصلت للـ 1200 حصان .

أنا من جهتي اشوف إنك تنتظر شوية لين ينزل الـ Takada اللونج و تاخذ السيستم كامل مع العازل الحراري , و تصير أوكي . لكن إذا ما فيك صبر لا تاخذ إلا لونج و بس , شورت على 6 سلندر و الله حرام .

ارقام الداينو خرافيه لبعض الشركات :d

والله والله ماجابت الاكورد الـ 4 سلندر 13 حصان ع الكفر لو تموووووت :d

لا وكمان شورت ..

انا كنت ابغا اركب تبع الـ takeda ومتحمس له لاني شايف رقم كبييير

http://store.ridetuner.com/v/vspfile...TR-1007P-2.jpg


دي الشركه بالذات محد معترف فيها لانها تعتبر توها مالها الا كم سنه ...

وقليل الي شفتهم مركبينه ع الاكوردات حقهم << اتكلم عن المنتديات الامريكيه ..

وايضا قليل الي يمدحلك فيه ..

بالنسبة لفتحة الحساس هالشي يدووخ بصراحه ..

ماعندي فكره عن الـ v6

لكن الـ اربعه سلندر

انا ركبت فوجيتا شورت انتيك قبل فتره ..

الحمدلله تطابقت فتحة الحساس 100%

وتركيبه جدا سهل ماياخد منك نص ساعه ..

الي خلاني اخد فوجيتا واترك التكيدا بصراحه محد نصحني فيه في المنتديات الامريكيه

بعدين كلهم يقولولك ايش تبغى من انتيك يعني ايش تتوقع منو كلهم نفس الاداء تقريبا مافي فرق ..

واخر شي عجبني شكل الفوجيتا لاني ماشوفت احلى من شكله :cool:

http://sub3.rofof.com/img5/010jrkly9.jpg






وفي الاخير صوته حلووووووووووو للغايه بس لما يفتح الفيتك يصير معاك الصوت خشن ومرعب << طبعا بس صوت لكن ماتشوف شي :d

نجي للأداء << 4 سلندر ويتكلم عن الاداء :d

بصراحه اعرف واحد مركب اننتيك تفصيل عند السياره الرياضيه وجربت معاه


مافي فرق في شي كلهم نفس الاداء ..

بس اتوقع عيب السياره الرياضيه نوعية المواصير مااحسها هاي كولتي

احسها المنيوم مخلووط مع حديد ..

دا التفصيل من عند السياره الرياضيه

http://sub3.rofof.com/img5/010qjtbn9.jpg

في الاخير زي ماقولتلك نفس الاداء وبالعكس صوت التفصيل انعم من الي عندي ..


بالنسبة للـ 6 سلندر ..

من جد حرام زي ماقال خالد تركب شورت ..

عندك الانجن منزله للسته لونق

شوف فتحة الحساس هل هيا نفس الي عندك ؟؟

http://www.driveaccord.net/forums/at...8&d=1248916699


دي الصوره ع اكورد كوبيه v6 08 ;)


http://www.driveaccord.net/forums/at...0&d=1248918040


http://www.driveaccord.net/forums/at...1&d=1248918094


http://www.driveaccord.net/forums/at...7&d=1248918466



الشكل النهائي ..

http://www.driveaccord.net/forums/at...8&d=1248918970





شغل مرتب بصراحه

تقبل مروري

Pink Dream

اقتباس:

---

المشاركة الأصلية كتبت بواسطة italian-boy

^

^
يعطيك الف عافية يا غالي

والله كلامك سليم 100% ..
تقريبا مقتنع لكن متردد .. ومنتظر احد يقنعني اقناع تام بالشئ الافضل والاضمن اهم شئ
عشان ارتاح زي ما قلت ..

ومره ثانية شكرا لك يا اخوي ويعطيك الف عافية على ردك :)

---

الله يعافيك يا الغالي ما سويت إلا الواجب
وردوا عليك الشباب accord764 و pink dream وما قصروا
برايفت:كل اللي في الموضوع عيال جدة والله طلعنا مو بسهلين:d

يعطيكم الف عافية يا شباب على الرد ..
بس بالنسبة للنوج على الـv6 زي ما بتقولو وانو افضل وكل شئ
على فكرة اللونج لو ركبتو يبغالو فك بطانة ومني عارف ايش عشان يدخل هوا كويس

بعدين استغرب من كلامك اخوي خالد بإنو حرام اركب على 6 سلندر انتيك شورت .. طيب كيف k&n و اكثر الشركات منزلة لل6سلندر انتيك شورت ويعطي فوق 10 احصة على الداينو ؟؟؟؟ يعني لو نزلت لونج بيعطي احصنة اكثر ؟؟؟؟ هذا اللي مو داخل مزاجي الصراحة ومحتاج احد يقنعني فيه

وغير كدا افهم من كلام اخوي خالد بإن نفس الانتيك مو مهم الشركة وان المهم هوا الراس اللي هوا الفلتر نفسو ؟؟؟؟؟

ومشكلة الحساس هذي اكبر مشكلة والله اخاف اورط في شئ من بره وما يتركب 100% :(
وحكاية فك البطانة هذي ما ابغاها الصراحة ابغى كل شئ يكون زي الوكالة
يعني ينفع اركب اللونج وما افك البطانة ؟؟

واسف على الاطالة وكتبت الرد سريع سريع لاني طالع اتغدا :D :D هههههههههههه

^^^

مين قالك لازم تفك البطانة ؟؟

اقتباس:

---

حرام اركب على 6 سلندر انتيك شورت .. طيب كيف k&n و اكثر الشركات منزلة لل6سلندر انتيك شورت ويعطي فوق 10 احصة على الداينو ؟؟؟؟ يعني لو نزلت لونج بيعطي احصنة اكثر ؟؟؟؟ هذا اللي مو داخل مزاجي الصراحة ومحتاج احد يقنعني فيه

---

الفكرة في الموضوع يا حبيبي , إن الـ 6 سلندر مكينة مرتاحة و قوية و سحب الهواء فيها أكبر , فليش تركب شورت و إنت اللونج بيعطيك أكثر , بتسحب هوا أبرد و أكثر من الشورت , طالع في سيارتك و قلي كيف السيارة تتنفس , ترى طريقة تنفسها بايخة لأبعد درجة عشان كدا بأقلك ركب لونج على الـ V6 أحسن من الشورت .
صدقني لو حصل في يوم و أتقابلنا راح أوريك كيف السيارة تسحب هوا و راح تتعجب و في وقتها بتقتنع إن الـ V6 مالها غير اللونج لأنك بتغير مجرى سحب الهواء للأفضل ’ ترى في سياراتنا ضايع هواء مرة كتير .... بأجيب الأتيما حقتي و جيب سيارتك و قارن في طريقتين السحب و راح تلاقي الألتيما تنفسها أحسن بمليون مرة من الأكورد .

الإنتيك مهم لكن ليس بأهمية الفلتر , أنا معاك إن التجويف و المواد المصنوعة تختلف من نوع لآخر , لكن الفلتر يلعب دور كبير , قارن بين اصوات الفلاتر , راح تلاقي فرق و لو بسيط فيها . على سيارتي الأكورد كان راكب K&N و صاحبي معاه SPW و غيره مركب AEM و في كم واحد مركبين Simota ... الصوت يختلف من سيارة للثانية و لو بفرق بسيط لكن الأخشن و الأعلى هو K&N . و كأداء الفرق بينهم بيسط .

اقتباس:

---

وحكاية فك البطانة هذي ما ابغاها الصراحة ابغى كل شئ يكون زي الوكالة
يعني ينفع اركب اللونج وما افك البطانة ؟؟

---

في الأكورد موديلات 2007 و إنت نازل لازم فك البطانة و أحيانا تستدعي تفك الكفر كمان إذا مركب لونج و أزيدك تفك فتحة الكشاف كمان عشان التنفس يكون أفضل .
ما أدري عن الموديل الجديد لأني ما قابلت أحد معاه V6 جديدة و كان مهتم بالتعديل .

اقتباس:

---

واسف على الاطالة وكتبت الرد سريع سريع لاني طالع اتغدا

---

بالعافية

^^^

ياخي انت بطل والله و استفدنا منكـ طيب عندي سؤال لو ركبت الانتيكـ و وديتها الوكالة للصيانة ممكن يتكلمون او يلغون الضمان

^
^
^
اذا صيانة سريعة ابو خمس آلاف ان شاء الله لأ

بس اي صيانة تدخلها عندهم وتجلس فك الإنتيك عشان لا يتحججوا عليك وشغلتها موو شغلة في الفك

صراحه ......والحق ينقال ان جربت الشورت وجربت اللونق ........ اللونق افضل بكثير

واذا على الصيانه ..... صيانه 60000 دخلت سيارتي عليها كت باك ورامير لونج وابكسي ........ ولا تكلمو .. والله يوم دخلتها العامل

وهو يدخلها قاعد يدعس يعني وشرايك

ركب الفلتر وماعليك .... وتبي الصراحه فك الفلتر سهل

الله يعطيكم العافيه

صراحه موضوع حلو


عندي مداخله :d لو سمحتو (كم أسعارها بالريال السعودي)

وهل الموجود بالمحلات أصلي أو(( مقلد تجاري يعني ))



طيب هل راح يعطي فرق حلو على 4 سلندر قير عادي :) موديل 2006 (الحساس غير عن 2008)