زعلان ومتظايق

السلام عليكم ورحمة الله وبركاته

اليوم وانا رايح الدوام لقيت سيارتي محكوكة من الصدام الخلفي تقشرت البويه:( ويش الحل ؟؟؟؟؟؟
هل يصلحونها الوكالة ام يوجد دهان صغير
2-

لا تظايق ولا شي...:d
الوكالة ما ترد أحد...بس دراهمك جاهزة..........
أن كانت كبيرة.....الله يعينك...وان كانت صغيرة....خلاها...دفعت بلاء...

حاول ياخوي تعمل لها تلقيط
اذا يزبط معاها
لكن انتبه : لا ترش الصدام كامل دامنها ما تسوى

يعطيكم العافية ومشكور على ردودوكم

نصيحه من مجرب وعايش الموقف

انا قبل كم سنه تقريبا اربع سنوات اول ماشريت السياره كنت مدخلها بالبيت

يوم جاء الصبح بيروح الوالد للدوام وبيطلع سيارته وماانتبه الا وهو حاكني من ورى على جنب

المهم رحت لمحل تلميع ولمعلي وراح نصف الخدوش لانها طبعت على البويه لكن باقي النص مايزين لان البويه تقشعت ولازينتها ولاشي والحين انا ناسيها ومااشوفها الا اذا دققت فيها مع انها واضحه جدا

لذلك يااخوي كانها خفيفه لاترشها ولاتجيها وتراها دفعة بلاء عنك ان شاء الله

الاكورد الحين 2003 تنصك بعين وحلوه وشلون اجل 2006 و07 والعروس الجميله 08و09

وكانها واضحه مره وكبيره وتضيق الصدر رشها وبس لكن بتقلل من قيمتها عند البيع اذا كنت ناوي تبيع بعدين

اسف على الاطاله اخوي واتمنى اني افدتك

شف يا اخوي اذا تبي ترش
ترى في ورش ترش مكان الخدش بس0
واسم الورشه (ارناج) في الصناعيه القديمه(الرياض) ورشهم ما يحتااااج يطبق لك اللون 100%
واذا تبي راي انك تخليها (دفعة بلاء)

حذاري من غسيل السيارة والبوية محكوكة . . راح يزيد الطين بلة ويتوسع الحك ويصدي