قد عدت لكم من جديد ...لاكن بالعاصمة ..تفضلوا
السلام عليكم ورحمة الله وبركاته
كيف حالكم يا شباب..والله اني اشتقت لكم بعد فترة انقطاع :o:o
المهم :d
انا بحمدالله انتقلت من الشرقية الى العاصمة الرياض الشقيقه لضروف الدراسه :d:d
الصراحه الرياض حلوه بس تدوخ شوارعه اللهم لك الحمد تخوف كل جسور وانفاق حسيت روحي بطوكيو ههههه:p
وطبعا سيارتي ولله الحمد كانت من اروع ما يكون من ناحية النظافه لاكن تخليوا يمكن من 7 روحات للشرقية والرياض الصدام صار ما يلمع ابد ابد
المهم عندي كم مشكلة واتمنى الأجابات عليها لذوي الخبرة
1- الصدام هل في حل عشان ترجع اللمعه مع جزء من الكبوت
2- الريموت حق السيارة صاير يرفع ظغطي ما يفتح الا بعد 8 مرات ظغط عليه وبعض الأحيان اريح نفسي وافتح من المفتاح
3- السيارة تحذف حذفة مو طبيعيه مرة يمين مره يسار في الخط
4-مره كنت واقف في مواقف طولية ودخلت اقضي شغلتي ورجعت لقيت الصدام الخلفي في الزاوية مجروح وطاير الصبغ كله قسم بالله انقهرت قهر لاكن الحمدلله مع العلم انه ما انطعج ابدا بس طار جزء متوسط من الصبغ فهل في حل لها من دون صبغ الصدام كامل واذا في وين بالرياض وبسعر رخيص وشغل حلو
5-سيارتي ماشية 27 الف كل ما اظغط فرامل تطلع اصوات محترمه صفارة انذار واذا ظغطت بقوة يصير كنه فاضي:eek::eek:
6- بس خلصت :p:p
والله يا شباب ادري طولت عليكم لاكن من حبي لكم استشرتكم وعشان اغلب المنتدى من الرياض فقلت يمكن يعرفو اماكن
مع العلم ان سيارتي اكورد فل اوبشن اسود 2008 :rolleyes:
وبعدين انا يوم كنت بالشرقيه اتحسف على الي عندكم من زينه واكسسوارت وين هاذي المحلات في مكان اذا ماني غلطان اسمه الغربي مو متأكد وين هاذا مع العلم اني ساكن في شمال الرياض مخرج 9
وبعدين لاحضت شي غريب في الرياض عندكم المخالفات اسهل من السلام عليكم خذت 3 مخالفات ظلم :(:( الله يعين بس
مشكورين شباب على القراءة وادري بتعبكم معي
انتظر ردودكم
