عرض للطباعة
السلام عليكم...
كيفكم حبايبي...
اليوم وانا في الخط رايح للشرقية طلع علي اعزكم الله كلب وصدمته وكسر علي الصدام وشق الاديتر..
والحمد لله علي السلامه..
<< ودهـ يصيح:mad: بس فرحان بالسلامه لانه كان يمشي 200..
ياليت من اعضاءنا الحلوين للي يعرف كم سعر الصدام+رديتر من الوكالة لايبخل علي,,
وابغي ورشة ترش الصدام في الدمام او الخبر ويكون رشة ممتاز ويضبط اللون
بأنتظار ردوكم وتفاعلكم..واسف للاطالة..
اخوكم..عزوز
لاحول ولاقوة إلا بالله .. والله ضيقت صدري ..
الكلب عظمه قوي مررره انا صدمته مره وانا مهدي ومع ذلك السنن حق الصدام من تحت تضررت ..
ماعندي بصراحه معلومات بس حبيت أتحمد لك بالسلامة وانتبهوا يا إخوان من السرعة أنا انفقع علي كفر جدددييييد مالي مركبه 3 ايأم والسبب حديده وطيتها بالخط والحمدلله ماكنت مسرع .. انتبهوا والله حرام الللي قاعدين تسوونه .. فيه ناس يحترونكم بالبيت ..
الشي الثاني لاتضيق وأنا أخوك وإحمد ربك أولاً على سلامتك في بدنك .. والشي الثاني إن الشمعات ماجاها شيء لأنها هي المصيبه والغلاء كله فيها ..
آخر الحوادث يآرب وماتشوف شر .. :)
الله يسلمك اخوي يسود الصمت ولا تري مكروهـ يارب..
والحمد لله هذا قضاء وقدر ولا ضاق صدري شئ مكتوب ومقدر وزي ماقلت شئ اهون من شئ..
وننتظر ردود بقية الاعضاء اللي عندهم خبرهـ يفيدونا وشاكر لك مرورك العطر.
حمد الله ع السلامه.....
ومعوض خير........
واخر الحوادث ان شاء الله .........
قبل فتره كان واحد يسئل ع السعر ف المنتدى ان شاء الله راح تحصل السعر لو بحثت عنه في المنتدى وان شاء الله الشباب ماراح يقصرون معك .......
كان ودي اخدمك لو في اسم ورشه ممتازه في الشرقيه ......
وتقبل مروري.......
الف شكر اخوي الصامت علي المرور العطر..
وان شاء الله الشباب مايقصرون..
تحياتي,,,
الحمدلله على السلامة ، بخصوص السعر ماعندي خبر لكن الصبغ خله في ورشة باسمير بالخضرية بالدمام
الصدام انا اخذته اصلي قبل شهرين من محلات قطع الغيار بــ 550 ريال والرش كان ب 250 لكن في الرياض
الاديتر روح للمحلات المتخصصة اذا كان بس الربل مكسورة بتكلفك حدود 200-300 ريال اما اذا اديتر كامل مالك الا جديد ولاتمر التشليح
اقتباس:
المشاركة الأصلية كتبت بواسطة يسود الصمت
أولا.. الحمد لله على سلامتك أخوي صاحب الموضوع ومعوض خير انشاء الله .. واعجبني فيك ايمانك با القضاء والقدر وبإذن الله تتيسر معاك واعذرني ما اقدر افيدك لاني ما عندي اي معلومة قد تفيدك بس حبيت اتحمد لك ع السلامة ..
وثانيا .. بصراحة اعجبني رد الاخ العزيز يسود الصمت وكلامه اثر فيني كثيرا ويا ريت الكل يستفيد منه ..
الحمدلله على سلامتك ياخوي
وانشاء الله تتعوض خير
لكن الاسعار والله ماعندي خبر عنها
الحمدلله عالسلامة أخوي وما تشوف شر..
بخصوص ورشة مضبوطة فس الدمام مثل ما قال أخوي المباشر ورشة باسمير بالدمام تحديدا في الخضرية شغلهم تمام ويضبط اللون مية بالمية وبخصوص قطع الغيار يفيدونك الأعضاء لأن ما عندي خلفية بقطع الأكورد..
الف شكرا علي اهتمامكم وتفاعلكم...
والحمد لله ولله ماضاق صدري بالعكس احمد ربي علي السلامه ولا جاني مكروهـ...
وبخصوص ورشة باسمير ابغي وصفها بالضبط....وان شاء الله يكون شغلهم نظيف...