السلام عليكم اهل الخبره الدخول واهل الاحساء

السلام عليكم كيف الحال انشاء الله بخير
شباب صارلي حادث بالرفرف انصقعت وهي واقفه دقيت على نجم وجا ومقصر وعطاني موعد اراجع التامين بعد خمس ايام وماادري وشو بيصير وبعد هذا ان الرفرف جاته خفسه من الامام ومحكك على خفيف مكان الخفسه ونا ابغى اطلع الخفسه بس ورفرف رجع الشوي ورى صار الباب الامامي الى على اليسار لما افتحه يحك عطوني الحل وابغى اعرف افضل ورشة بالحسا يطلعلي الرفرف ويزن وقولولي التامين لين راجعتلهم وشو يقولولي بيغيرون الرفرف ولا وش بيسون وهل عندكم بالحسا وكالة هوندا اكورد وفيها صيانة مع العلم ان سيارتي 2008 اكورد نص فل ومعليش طولة عليكم

وعليكم السلام ،

تبي شغل مثل الوكالة ،

عندك ورشة البراهيم < شغلهم أحلى من الوكالة ، لكن الله يعينك سيارتك بتقعد أكثر من شهر مهما كانت صدمتك !

ورشة الشامي < شغلهم ولا أروع مثل الوكالة ، والسيارة تخلص لك في وقت قصير جداً ..

ورشة الكفاح < هالورشة كلها سيارات هوندا ، لكن للأمانة ما جربتها ..

كلهم موجودين هالورش بالصناعية ..

وأي خدمة ثانية ، ان شاء الله ما نقصر معك يا كويّس ..

هلا وـأللــــــه
خيـوـو
عنــدك ـألورش الي قـالكـ
kakashi-san
وعندك بـ ع ـد ورشــه الكفاح
اثنين من ربعي ملصلحين سياراتهم
مشاء الله شغل اوكـ واذا خفيفه بدون معجون يرتبها لك
وعندك ورشـة الخرس الي كان اسمها اول هوندا <<شغلها حــلو
بس انصحك في ورشة الكفاح شغل ميه ميه واكثر السيارات سيارات هوندا فيها

انزين تنصحوني بشفط والتامين الي عندي شامل وشفط يقولون يطلع دقات

اقتباس:

---

عندك ورشة البراهيم

---

اسعارهم مبالغ فيها غير الوقت الطويل الي بتقعد فيه السيارة عندهم

اقتباس:

---

ورشة الشامي < شغلهم ولا أروع مثل الوكالة ، والسيارة تخلص لك في وقت قصير جداً

---

عين الصواب ورشة ممتازه

اقتباس:

---

ورشة الكفاح < هالورشة كلها سيارات هوندا ،

---

الورشة هذه تابعه للوكيل المحترم الكفاح

في ورشة الخرس شغلها جداً ممتاز ومتعوب علية اعرف واحد راش عندهم صدام
اكورد ذهبي ومعروف انه صعب ومع كذا جابو اللون ميه ميه

خطاك السوء

السلام عليكم ..

خطـآك السـووء يا الغالي ..

مثل ماقـآلـوآ الاخـوآن عن الورش بس حبيت اضيـف لـك ..

لـو تغيـر الرفرف اصرف لـك .. وياليت ما تفتح باب الراكبٌ .. لانه بيطيـر لك البويه من الحوآف .. ( اذا ماطارت البويه ) ,,

وعنـدك ورشه الموسى اللي قبل ورشه العتيبي لصيانه المرسيدس شغلهـآ تمـآم ومـآتكثـر لك معجون واذا بيكثر لـك بيعطيك خبـر. .

بس لو تغير الرفرف احسن لانو حرآم السياره جديده ..